ក្រសួងមហាផ្ទៃ គ្រោងបង្កើតបន្ថែមឃុំ សង្កាត់ថ្មីចំនួន៦
Connect with us
Helistar Cambodia - Helicopter Charter Services

ព័ត៌មានជាតិ

ក្រសួងមហាផ្ទៃ គ្រោងបង្កើតបន្ថែមឃុំ សង្កាត់ថ្មីចំនួន៦

បានផុស

នៅ

ឃុំ សង្កាត់ថ្មីចំនួន៦ ត្រូវបានក្រសួងមហាផ្ទៃ ពិនិត្យឃើញថា មានលក្ខណៈសម្បត្តិសមស្របអាចបង្កើតបាន ក្រោយប្រជុំពិនិត្យពិភាក្សា និងវាយតម្លៃលើករណីសំណើសុំបង្កើតឃុំ សង្កាត់ថ្មី និងសំណើសុំ កែសម្រួលព្រំប្រទល់រដ្ឋបាលខេត្ត ដោយផ្អែកលើកត្តាភូមិសាស្ត្រ ប្រជាសាស្ត្រ ការគ្រប់គ្រងរដ្ឋបាល ការផ្ដល់សេវាសាធារណៈ និងការថែរក្សាសន្តិសុខសណ្ដាប់ធ្នាប់សាធារណៈ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងលិខិតរបស់អគ្គនាយកដ្ឋានរដ្ឋបាលរបស់ក្រសួងមហាផ្ទៃ ជម្រាបជូនអភិបាលខេត្តចំនួន៦ បានបង្ហាញថា ឃុំ សង្កាត់ថ្មីដែលគ្រោងបង្កើតថ្មីនោះរួមមាន ទី១ ឃុំបួរវិល ដោយបំបែកចេញពី ឃុំបវេល នៃស្រុកបវេល ខេត្តបាត់ដំបង។ ទី២ ឃុំអូរកណ្តៀរសែនជ័យ ដោយបំបែកចេញពី ឃុំអូរគ្រៀង នៃស្រុកសំបូរ ខេត្តក្រចេះ។ ទី៣.ឃុំភ្នំក្រាំងដីមាស ដោយបំបែកចេញពី ឃុំស្វាយជ្រុំ នៃស្រុករលាប្អៀរ ខេត្តកំពង់ឆ្នាំង។ ទី៤.ឃុំយាយម៉ៅពេជ្រនិល ដោយបំបែកចេញពី ឃុំត្រែងត្រយឹង នៃស្រុកភ្នំស្រួច ខេត្តកំពង់ស្ពឺ។ ទី៥.សង្កាត់អូរជ្រៅ ដោយបំបែកចេញពី សង្កាត់ប៉ោយប៉ែត នៃក្រុងប៉ោយប៉ែត ខេត្តបន្ទាយ ។និងទី៦.សង្កាត់អូរឫស្សី ដោយបំបែកចេញពី សង្កាត់ផ្សារកណ្ដាល នៃក្រុងប៉ោយប៉ែត ខេត្តបន្ទាយ

ក្នុងលិខិតដដែល ក៏បង្ហាញពីការកែសម្រួលព្រំប្រទល់រដ្ឋបាលរវាងឃុំសំបូរ ជាមួយនឹងឃុំវឌ្ឍនៈ នៃស្រុកសំបូរ ខេត្តក្រចេះនិងការកែសម្រួលព្រំប្រទល់រដ្ឋបាលរវាងឃុំបឹងល្វា ជាមួយនឹងឃុំកំពង់ថ្ម និងឃុំប្រាសាទ ស្រុកសន្ទុក ខេត្តកំពង់ធំ ផងដែរ។

ជាមួយនឹងការបង្កើតឃុំ សង្កាត់ថ្មី ការកែសម្រួលព្រំប្រទល់រដ្ឋបាលឃុំ សង្កាត់ នេះ អគ្គនាយកដ្ឋានរដ្ឋបាល នៃក្រសួងមហាផ្ទៃ ក៏ណែនាំដល់រដ្ឋបាលខេត្តបាត់ដំបង ក្រចេះ កំពង់ឆ្នាំង កំពង់ស្ពឺ កំពង់ធំ បន្ទាយមានជ័យ ត្រូវយកចិត្តទុកដាក់រៀបចំក្រុមការងារចុះកំណត់ព្រំប្រទល់រដ្ឋបាលរបស់ឃុំ សង្កាត់ថ្មី និងការកែសម្រួលពំ ប្រទល់រដ្ឋបាលដូចបានកំណត់ខាងលើ ឱ្យបានច្បាស់លាស់ដោយត្រូវខិតខំកំណត់ព្រំប្រទល់ យកគោលធម្មជាតិ និងជៀសវាងការប៉ះពាល់ដល់កម្មសិទ្ធិឯកជនរបស់ប្រជាពលរដ្ឋ រៀបចំរបាយការណ៍សិក្សាស្រាវជ្រាវស្តីពីការបង្កើតឃុំ សង្កាត់ថ្មី និងការកែសម្រួលព្រំប្រទល់ រដ្ឋបាល (តាមគំរូជូនភ្ជាប់មកជាមួយ) រៀបចំផែនទីព្រំប្រទល់រដ្ឋបាលឃុំ សង្កាត់ថ្មី និងផែនទីកែសម្រួលព្រំប្រទល់រដ្ឋបាលថ្មី ឱ្យបានត្រឹមត្រូវ និងច្បាស់លាស់។ ហើយកិច្ចការតាមការណែនាំខាងលើនេះ ត្រូវចាត់ចែងឱ្យបានចប់សព្វគ្រប់ត្រឹមថ្ងៃទី៣០ ខែកក្កដា ឆ្នាំ២០២១ រួចផ្ញើមកអគ្គនាយកដ្ឋានរដ្ឋបាលនៃក្រសួងមហាផ្ទៃ។ ក្នុងករណីផុតរយៈពេលកំណត់ អគ្គនាយកដ្ឋានរដ្ឋបាលមិនទទួលខុសត្រូវឡើយ។

គួរបញ្ជាក់ថា នៅកម្ពុជាមានឃុំ សង្កាត់ សរុបនៅទូទាំងប្រទេស ចំនួន១៦៤៦ឃុំ សង្កាត់ ក្នុងនោះឃុំចំនួន១៤០៥ និងសង្កាត់ចំនួន២៤១៕

អត្ថបទ ៖ ពុធិកា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១២ នាទី មុន

កាកបាទក្រហមកម្ពុជា​ខេត្ត​កំពត នាំយក​អំណោយជូន​ប្រជាពលរដ្ឋ​ដែល​ងាយ​រងគ្រោះ​ដោយសារ​កូ​វីដ

ព័ត៌មានជាតិ២៨ នាទី មុន

តុលាការ​កំពូល​នឹង​កាត់ទោស​លោក​ឡាយ វណ្ណៈ នៅ​ព្រឹកស្អែក​នេះ

នយោបាយ៥៦ នាទី មុន

លោក កឹម សុខា​ ៖ ក្នុង​រដូវ​កាន់បិណ្ឌ​ឆ្នាំនេះ ជំងឺ​កូ​វីដ​-១៩​នៅតែ​រីក​រាលដាល​គួរ​ឲ្យ​ព្រួយបារម្ភ​

ព័ត៌មានជាតិ១ ម៉ោង មុន

រដ្ឋបាល​ក្រុង ចុះ​យក​សំណាក​ព្រះសង្ឃ ១២ វត្ត ក្នុងចំណោម ៣៣ វត្ត នៃ​ក្រុង​បាត់ដំបង មាន​វិជ្ជមាន ៦ អង្គ​នាក់

ព័ត៌មានជាតិ៣ ម៉ោង មុន

ផ្សារ​ចិន​ខ្មៅ​អា​ជីក​រដឹក​មកពី​បណ្តា​ខេត្ត​ដាក់​លក់​នៅពេល​យប់​នៅសល់​ស្អុយរលួយ​យក​មក​លក់​នៅ​ផ្សារ​ហ៊ុយ​ឡេង​ម្ចាស់​ផ្សារ​មិន​ឲ្យ​លក់​ផ្ទុះ​ការតវ៉ា

Sokha Hotels

ព័ត៌មានពេញនិយម

Helistar Cambodia - Helicopter Charter Services