ព័ត៌មានជាតិ
លោក ថឹង បូរិន៖ ដើម្បីធ្វើឲ្យធនធានជលផល កាន់តែសម្បូរបែប ចាំបាច់ត្រូវពង្រឹងការគ្រប់គ្រង ថែរក្សា និងអភិរក្សជីវៈចម្រុះ
(កែប)៖ ដើម្បីធ្វើឲ្យធនធានជលផល កាន់តែសម្បូរបែប ចាំបាច់យើងត្រូវពង្រឹង ការគ្រប់គ្រង ថែរក្សា និងអភិរក្សជីវៈចម្រុះ ដែលមាននៅក្នុងទឹកឲ្យកាន់តែមាននិរន្តរភាព។ នេះបើយោងតាមការលើកឡើងពីលោក ថឹង បូរិន ប្រធានមន្ទីរកសិកម្ម រក្ខាប្រមាញ់ និងនេសាទខេត្តកែប នៅព្រឹកថ្ងៃទី៩ ខែកក្កដា ឆ្នាំ២០២១។
លោក ថឹង បូរិន បានលើកឡើងបន្តថា ជារួមដោយមានការគាំទ្រពីរដ្ឋបាលខេត្តកែប និងដោយមានកិច្ចចូលរួមពីអាជ្ញាធរគ្រប់លំដាប់ថ្នាក់ ពិសេសការសហការរវាងសមត្ថកិច្ចពាក់ព័ន្ធ។ ក្នុងនោះក៏មានការសហការ ពីប្រជានេសាទផងដែរ ទើបធនធានធម្មជាតិទាំងអស់បានស្ថិតស្ថេរគង់វង្ស។ លោកបានបន្តថា ទាក់ទងនឹងកិច្ចការពារ គ្រប់គ្រងធនធានធម្មជាតិ ពិសេសធនធានជលផលនៅក្នុងខេត្តកែប បើទោះជាមានភាពលំបាកយ៉ាងណា តែយើងទទួលបានលទ្ធផលកាន់តែល្អប្រសើរ។
ពាក់ព័ន្ធនឹងវិស័យជលផលលោក គុជ វីរៈ នាយខណ្ឌជលផលខេត្តកែប បានឲ្យដឹងដែរថា ដើម្បីគ្រប់គ្រងធនធានជលផលឲ្យបានកាន់តែប្រសើរ គប្បីមានការពង្រឹង និងការគ្រប់គ្រងតាមរយៈសហគមន៍នេសាទ ដោយបច្ចុប្បន្នសហគមន៍នេសាទក្នុងខេត្តកែបមានចំនួន៥ ដូចជា៖ សហគមន៍អូរក្រសារ,សហគមន៍កំពង់ត្រឡាច,សហគមន៍ភូមិថ្មី,សហគមន៍កែប,និងសហគមន៍អង្កោល។
លោក គុជ វីរៈ បានឲ្យដឹងទៀតថា ក្រៅពីនោះយើង ក៏មានការពង្រឹងធនធាន គឺការពង្រឹងធនាគារក្តាមនៅតាមសហគមន៍នេសាទនីមួយៗ។ ក្រៅពីនោះខេត្តកែប ក៏មានបង្កើតវារីវប្បកម្ម ដូចជា៖ ការចិញ្ចឹមត្រី, ជាដើមកង្កែប។ ដោយឡែកចំពោះការចូលរួមបង្ការ ទប់ស្កាត់ បង្ក្រាបបទល្មើសជលផលគ្រប់ប្រភេទ ក្នុងដែនសមត្ថកិច្ច ក៏បានទាន់ពេលវេលាផងដែរ។
លោកបន្តថា កន្លងមកខេត្តកែប បានបង្កើតនូវតំបន់គ្រប់គ្រងជលផលសមុទ្រ ត្រង់ចំណុចប្រជុំកោះពោធិ៍ និងកោះទន្សាយ ដែលមានផ្ទៃដីជាង១ម៉ឺន១ពាន់ហិកតា ដែលហៅកាត់ថា(MFMA) ហើយការរៀបចំនិងបង្កើតឡើងនេះ។ ដោយក្រសួងកសិកម្ម រុក្ខាប្រមាញ់ និងនេសាទ និងរដ្ឋបាលខេត្តកែប ដោយការជំរុញឲ្យមន្ទីរកសិកម្ម រុក្ខាប្រមាញ់ និងនេសាទខេត្តកែប ដែលមានខណ្ឌរដ្ឋបាលជលផលជាអ្នកអនុវត្ត និងរៀបចំ។
លោកបានបញ្ជាក់ផងដែរថា ទាក់ទងនឹងការការពារថែរក្សា គ្រប់គ្រងធនធានក្តាមសេះ កន្លងមកយើងបានបង្កើតដែនជម្រកសុវត្ថិភាព នៅតបន់គ្រប់គ្រងជលផលសមុទ្រមួយកន្លែង នៅប្រជុំកោះពោធិ៍ និងការបង្កើតធានាគារក្តាមចំនួន៤កន្លែង តាមសហគមន៍នេសាទផងដែរ។
លោក ចក់ ស៊ីនាថ នាយផ្នែលជលផលខេត្តកែប បានបញ្ជាក់ដែរថា ជាការពិតណាស់ដើម្បីធ្វើឲ្យធនធានធម្មជាតិទាំងអស់ ជាពិសេសធនធានជលផលសម្បូរបែប គប្បីត្រូវការចូលរួមការពារ ថែរក្សា និងអភិរក្សទាំងអស់គ្នា ពិសេសការចូលរួមពីសហគមន៍នីមួយៗ។ លោកបានសង្កត់ធ្ងន់ផងដែរថា បើទោះជាកន្លងមកតំបន់ខ្លះមានបទល្មើសលួចកាប់ឆ្ការព្រៃ ឬបទល្មើសនេសាទខុសច្បាប់។ ប៉ុន្តែក្នុងនាមផ្នែកជំនាញ លោកនៅតែបន្តអប់រំណែនាំដល់ពួកគាត់កុំឲ្យប្រព្រឹត្តទង្វើបែបនេះតទៅទៀត ព្រោះករណីនេះនឹងបានបំផ្លាញនូវធនធានធម្មជាតិយ៉ាងធ្ងន់ធ្ងរ៕ (ដោយ)៖ សេង ណារិទ្ធ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ