ព័ត៌មានជាតិ
លោក ចម ប្រសិទ្ធ ៖ ការស្រាវជ្រាវ និងអភិវឌ្ឍន៍(R&D) ពិតជាមានសារៈសំខាន់ក្នុងការលើកតម្កើងនវានុវត្តន៍និងភាពជាសហគ្រិននៅកម្ពុជា
លោកកិត្តិសេដ្ឋាបណ្ឌិតទេសរដ្ឋមន្ត្រី ចម ប្រសិទ្ធរដ្ឋមន្ត្រី ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ (ឧ.វ.ប.ន.) ក៏បានលើកឡើងថា ការស្រាវជ្រាវ និងអភិវឌ្ឍន៍(R&D) ពិតជាមានសារៈ សំខាន់ក្នុងការលើកតម្កើងនវានុវត្តន៍និងភាពជាសហគ្រិន។
ជាក់ស្តែង ប្រទេសដែលចំណាយថវិកា សាធារណៈទៅលើ R&D លើសពី ២ ភាគរយនៃផលិតផលក្នុងស្រុកសរុប (GDP) គឺជាប្រទេសមានការអភិឌ្ឍ។ ផ្ទុយទៅវិញបណ្តាប្រទេសដែលមាននវានុវត្តន៍ទាបគឺជាប្រទេសដែលចំណាយតិចជាង ១ ភាគរយនៃ GDP លើ R&D។
លោកទេសរដ្ឋមន្ត្រីថ្លែងបែបនេះក្នុងពេលបើកសិក្ខាសាលាចាប់ផ្តើមគម្រោងលើការកសាង«របៀបវារៈស្រាវជ្រាវជាតិ (NRA)» តាមប្រព័ន្ធវីដេអូ អនឡាញ)ដោយ បានសហការជាមួយគណៈកម្មាធិការ សេដ្ឋកិច្ច និងសង្គមនៃអង្គការ សហ ប្រជាជាតិ ប្រចាំ អាស៊ី ប៉ាស៊ីហ្វិក (UNESCAP)នៅទីស្តីការក្រសួងថ្មីៗនេះ។
លោកកិត្តិសេដ្ឋាបណ្ឌិត ទេសរដ្ឋមន្ត្រី ចម ប្រសិទ្ធបានវាយតម្លៃខ្ពស់ និងលើកឡើងថា ការកសាងរបៀបវារៈស្រាវជ្រាវជាតិនេះគឺជាគម្រោង បន្តរបស់ផែនទីបង្ហាញផ្លូវវិទ្យាសាស្ត្រ បច្ចេកវិទ្យា និង នវានុវត្តន៍ កម្ពុជា ២០៣០ ។ លោក ទេសរដ្ឋមន្ត្រី ក៏បានបន្ថែមទៀតថា នៅសតវត្សរ៍ទី ២១នេះ កំណើនសេដ្ឋកិច្ចគឺមិនអាចកាត់ផ្តាច់បានពីវឌ្ឍនភាព និងការវិវត្តន៍នៃវិទ្យាសាស្ត្រ បច្ចេកវិទ្យា និងនវានុវត្តន៍ដែលបានដើរតួនាទីយ៉ាងសំខាន់ក្នុងការលើកកម្ពស់ការអភិវឌ្ឍប្រកបដោយចីរភាពនិងបរិយាបន្ន។
លោក ទេសរដ្ឋមន្ត្រី ក៏បានលើកឡើងបន្តទៀតថា ការស្រាវជ្រាវ និងអភិវឌ្ឍន៍(R&D) ពិតជាមានសារៈ សំខាន់ក្នុងការលើកតម្កើងនវានុវត្តន៍និងភាពជាសហគ្រិន។ ជាក់ស្តែង ប្រទេសដែលចំណាយថវិកា សាធារណៈទៅលើ R&D លើសពី ២ ភាគរយនៃផលិតផលក្នុងស្រុកសរុប(GDP) គឺជាប្រទេសមានការអភិឌ្ឍ។ ផ្ទុយទៅវិញបណ្តាប្រទេសដែលមាននវានុវត្តន៍ទាបគឺជាប្រទេសដែលចំណាយតិចជាង ១ ភាគរយនៃ GDP លើ R&D។
លោកស្រី Marta Pérez Cusó បានគាំទ្ររាជរដ្ឋាភិបាលកម្ពុជាដែលបានបង្កើតក្រសួង ឧ.វ.ប.ន. ដើម្បីជម្រុញ និងលើកកម្ពស់ វ.ប.ន. ក្នុងការអភិវឌ្ឍសង្គមសេដ្ឋកិច្ចកម្ពុជា។ លោកស្រីក៏បានបន្ថែមទៀតថា របៀបវារៈស្រាវជ្រាវជាតិពិតជាមានសារៈសំខាន់ក្នុងការសម្រេចចក្ខុវិស័យរបស់រាជរដ្ឋាភិបាលកម្ពុជានាពេលអនាគត។
លោកបណ្ឌិត ហ៊ុល សៀងហេង អគ្គនាយក នៃអគ្គនាយកដ្ឋាន វ.ប.ន. បានធ្វើបទបង្ហាញពីសាវតានៃគម្រោង កសាងរបៀបវារៈស្រាវជ្រាវជាតិ។ ឯកឧត្តមបានគូសបញ្ជាក់ថា ការងារស្រាវជ្រាវ និងអភិវឌ្ឍន៍មានលក្ខណៈជាអន្តរវិស័យ និងប្រទាក់ក្រឡាគ្នាខ្ពស់ អាស្រ័យហេតុនេះ ការចូលរួមរបស់ក្រសួងស្ថាប័នពាក់ព័ន្ធ សាកលវិទ្យាល័យ មជ្ឍមណ្ឌលស្រាវជ្រាវ និងវិស័យឯកជន គឺជាកត្តាចាំបាច់ដែលមិនអាចខ្វះបាន ដើម្បីសហការបង្កើតរបៀបវារៈស្រាវជ្រាវជាតិ។
សូមបញ្ចាក់ថា ក្រុមការងារបច្ចេកទេសនៃនាយកដ្ឋានគោលនយោបាយ វ.ប.ន. នៃអគ្គនាយកដ្ឋាន វ.ប.ន. និង UNESCAP បានពន្យល់លម្អិតអំពីវិធីសាស្រ្ត និងផែនការសកម្មភាពបន្តដើម្បីសម្រេចការកសាងរបៀបវារៈស្រាវជ្រាវជាតិ ដែលគ្រោងនឹងបញ្ចប់នៅចុងឆ្នាំ ២០២១នេះ៕
អត្ថបទ ៖ វិមាន
-
ចរាចរណ៍៥ ថ្ងៃ ago
ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់
-
ជីវិតកម្សាន្ដ១ សប្តាហ៍ ago
លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម
-
បច្ចេកវិទ្យា៤ ម៉ោង ago
វិធីប្លែកៗ ជនអានាមិកប្រើដើម្បីបោកបញ្ឆោត តាមប្រព័ន្ធបច្ចេកវិទ្យា
-
ព័ត៌មានអន្ដរជាតិ១ សប្តាហ៍ ago
យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន
-
ព័ត៌មានជាតិ២ ថ្ងៃ ago
សម្តេចតេជោ ហ៊ុន សែន សម្រេចជួយកសាងកុដិ-ទិញដីពង្រីកវត្តសម្រាប់ព្រះសង្ឃ និងកូននេនសីហា
-
បច្ចេកវិទ្យា១ ថ្ងៃ ago
កុំពឹងផ្អែកលើប្រព័ន្ធសន្តិសុខ App ធនាគារទាំងស្រុង ត្រូវពង្រឹងសុវត្ថិភាពបន្ថែម
-
ព័ត៌មានអន្ដរជាតិ៦ ថ្ងៃ ago
រូបភាពបុរសម្នាក់លើឆ្នេរ អង់គ្លេស ក្លាយជាព័ស្តុតាងថា បានឆ្លងភពចូលមកឆ្នាំ ១៩៤៣
-
ព័ត៌មានជាតិ៧ ថ្ងៃ ago
មន្រ្តីក្រសួងបកស្រាយវីដេអូរថភ្លើងបើកលើផ្លូវជាតិ ពលរដ្ឋសង្ស័យបើកខុសបច្ចេកទេស