ព័ត៌មានជាតិ
សម្ដេចតេជោ ហ៊ុន សែន៖ សម្រាប់ពេលខាងមុខ កិច្ចប្រជុំពេញអង្គគណៈរដ្ឋមន្រ្តី នឹងបន្តប្រជុំតាមប្រព័ន្ធវីដេអូ ZOOM
សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា នៅព្រឹកថ្ងៃទី៩ ខែកក្កដា ឆ្នាំ២០២១នេះ បានដឹកនាំកិច្ចប្រជុំពេញអង្គគណៈរដ្ឋមន្រ្តី តាមប្រព័ន្ធវីដេអូ ZOOM ដើម្បីពិនិត្យ និងពិភាក្សាទៅលើរបៀបវារៈសំខាន់ៗមួយចំនួន និងបញ្ហាផ្សេងៗមួយចំនួនទៀត។
របៀបវារៈសំខាន់ចំនួនទាំងពីរ ដែលបានលើកយកមកពិភាក្សា ក្នុងកិច្ចប្រជុំគណៈរដ្ឋមន្រ្តី តាមប្រព័ន្ធវីដេអូ ZOOM នាព្រឹកមិញនេះ រួមមាន៖ ទី១-សេចក្តីព្រាងច្បាប់ ស្តីពី វិនិយោគ នៃព្រះរាជាណាចក្រកម្ពុជា។ ទី២-សេចក្តីព្រាងច្បាប់ស្តីពីវិសោធនកម្មមាត្រា១២៣ មាត្រា១៣៨ មាត្រា១៦២ មាត្រា៣០០ មាត្រា៣៤៣ មាត្រា៣៥០ មាត្រា៣៦៣ មាត្រា៣៥០ មាត្រា៣៦៣ និងមាត្រា៣៦៧ នៃច្បាប់ ស្តីពី ការងារ ដែលត្រូវប្រកាសឲ្យប្រើ ដោយព្រះរាជក្រមលេខ ជស/រកម០៣៩៧/០១ ចុះថ្ងៃទី១៣ ខែមីនា ឆ្នាំ១៩៩៧។ និងទី៣ បញ្ហាផ្សេងៗ សំណើសុំការយល់ព្រមពីគណៈរដ្ឋមន្រ្តី ដើម្បីសុំការអនុម័ត ពីស្ថាប័ននីតិប្បញ្ញត្តិលើសេចក្តីព្រាងច្បាប់ ស្តីពី ការអនុម័តយល់ព្រមលើ ពិធីសារធ្វើវិសោធនកម្ម កិច្ចព្រមព្រៀងអាស៊ានបូកបី ស្តីពី ការត្រៀមបម្រុងអង្ករសង្រ្កោះបន្ទាន់។
សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា មានប្រសាសន៍ក្នុងកិច្ចប្រជុំនេះថា យើងបានខកខានក្នុងការប្រជុំពេញអង្គគណៈរដ្ឋមន្រ្តី រយៈពេល៣ខែមកហើយ ដោយសារតែការរីករាលដាលនៃជំងឺកូវីដ-១៩ ជាសកល។ សម្តេចតេជោមានប្រសាសន៍បន្តថា យើងមិនអាចបន្តខកខាន ការប្រជុំពេញអង្គគណៈរដ្ឋមន្រ្តីរបស់យើងតទៅទៀតទេ ពិសេសការពិនិត្យពិភាក្សា ទៅលើរបៀបវារៈដ៏មានសារសំខាន់ទាំងពីរ ដែលយើងនឹងត្រូវខិតខំស្តារសេដ្ឋកិច្ចឡើងវិញ ក្រោយពេលបញ្ចប់នៃវិបត្តិកូវីដ-១៩។
សម្តេចតេជោនាយករដ្ឋមន្រ្តី មានប្រសាសន៍សង្កត់ធ្ងន់ថា សម្រាប់ពេលខាងមុខ យើងនឹងជ្រើសរើសយកការប្រជុំបែបនេះតទៅទៀត ដើម្បីកុំឲ្យមានការឆ្លងជំងឺកូវីដ-១៩ ក៏ដូចជារាំងស្ទះដល់ដំណើរការរបស់រាជរដ្ឋាភិបាល។ សូមជម្រាបថា បន្ទាប់ពីដំណើរកិច្ចប្រជុំ ដែលបានចំណាយពេលប្រមាណ៣ម៉ោង និង៣០នាទី គណៈរដ្ឋមន្រ្តីបាន អនុម័តទាំងស្រុង ទៅលើរបៀបវារៈទាំងពីរខាងលើនេះ៕
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?