ព័ត៌មានជាតិ
អគារទីស្តីការក្រសួងមហាផ្ទៃថ្មីលើផ្លូវនរោត្តម កំពុងស្ថិតក្នុងដំណាក់កាលរៀបចំប្លង់
លោក ខៀវ សុភ័គ អ្នកនាំពាក្យក្រសួងមហាផ្ទៃបានថ្លែងប្រាប់កម្ពុជាថ្មី នៅរសៀលថ្ងៃទី០៩ ខែកក្កដា ឆ្នាំ២០២១នេះថា មកដល់ពេលនេះការសាងសង់អគារទីស្តីការថ្មីរបស់ក្រសួងមហាផ្ទៃ កំពុងស្ថិតក្នុងដំណាក់កាលគណៈកម្មការរៀបចំប្លង់ និងគម្រោង ដើម្បីផ្ញើជូនទៅក្រសួងជំនាញ និងប្រមុខរាជរដ្ឋាភិបាលសម្រេច។
លោក ខៀវ សុភ័គ បញ្ជាក់យ៉ាងនេះថា “ក្រោយពីទទួលបានការយល់ព្រមពីរាជរដ្ឋាភិបាល ដើម្បីសាងសង់អាគាររដ្ឋបាលក្រសួងមហាផ្ទៃនេះ ក្រសួងក៏បានបង្កើតគណៈកម្មការមួយដើម្បីសាងសង់ ដោយមានឯកឧត្តម សក់ សេដ្ឋា រដ្ឋលេខាធិការប្រចាំការជាប្រធាន ដែលគណៈកម្មការនេះមានតួនាទី និងភារកិច្ចរៀបចំប្លង់ រៀបចំគម្រោង ដើម្បីដាក់ឆ្លងទៅក្រសួង និងប្រមុខរាជរដ្ឋាភិបាលសម្រេច។ មកដល់ពេលនេះគណៈកម្មការ កំពុងតែធ្វើការ ដូច្នេះអ្វីៗនៅមិនទាន់ផ្សព្វផ្សាយបានទេ ដោយសារតែអ្វីៗកំពុងស្ថិតនៅលើគណៈកម្មការកំពុងតែធ្វើការ”។
រាជរដ្ឋាភិបាលកម្ពុជា តាមរយៈទីស្តីការគណៈរដ្ឋមន្រ្តី កាលពីថ្ងៃទី២៩ ខែមិថុនា ឆ្នាំ២០២១ បានសម្រេចអនុញ្ញាតិឲ្យក្រសួងមហាផ្ទៃ សាងសង់អគារទីស្តីការថ្មីលើទីតាំងចាស់ ដោយប្រើប្រាស់ថវិការបស់ក្រសួងមហាផ្ទៃ ដែលមានស្រាប់។
លិខិតរបស់ទីស្តីការគណៈរដ្ឋមន្ត្រី ដែលចុះហត្ថលេខាដោយលោក កែន សត្ថា រដ្ឋលេខាធិការទីស្តីការគណៈរដ្ឋមន្ត្រីបានបញ្ជាក់ថា “រាជរដ្ឋាភិបាលកម្ពុជាបានយល់ព្រមជាគោលការណ៍ឲ្យក្រសួងមហាផ្ទៃ សាងសង់អគារទីស្តីការថ្មី លើទីតាំងចាស់ ស្ថិតនៅវិថីព្រះមរោត្តម សង្កាត់ទន្លេបាសាក់ ខណ្ឌចំការមន រាធានីភ្នំពេញ ដោយប្រើប្រាស់ថិវការបស់ក្រសួងមហាផ្ទៃដែលមានស្រាប់ចំនួន២០ ៤៥០ ០០០ ដុល្លារ។ សម្រាប់ថវិកាដែលខ្វះសម្រាប់សាងសង់អគារនេះ ក្រសួងមហាផ្ទៃ ត្រូវស្នើសុំគោលការណ៍ដោះស្រាយជាជំហានៗ តាមវិធីស្របច្បាប់ជាធរមាន ដោយខិតខំកាត់បន្ថយឲ្យបានជាអតិបរមានូវការប្រើប្រាស់ថវិកាជាតិ ដែលកំពុងមានបន្ទុកធ្ងន់ធ្ងរលើចំណាយប្រឆាំងជំងឺកូវីដ-១៩”។
ការសម្រេចអនុញ្ញាតិឲ្យក្រសួងមហាផ្ទៃ សាងសង់អគារទីស្តីការថ្មី លើទីតាំងចាស់ របស់ទីស្តីការគណៈរដ្ឋមន្ត្រីនេះ បានធ្វើឡើងដោយយោងទៅលើចំណាដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ចុះថ្ងៃទី២១ ខែមិថុនា ឆ្នាំ២០២១៕
អត្ថបទ៖ កោះកែវ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ