ព័ត៌មានជាតិ
បិទផ្អាកអាជីវកម្មផ្សារអណ្ដូងទឹក ស្រុកបូទុមសាគរ រយៈពេល ១៤ ថ្ងៃ ជាបណ្តោះអាសន្ន
រដ្ឋបាលស្រុកបូទុមសាគរ សម្រេចបិទផ្អាកអាជីវកម្មជាបណ្ដោះអាសន្ន ផ្សារអណ្ដូងទឹក រយៈពេល១៤ថ្ងៃ ក្រោយមន្រ្តីជំនាញចុះយកសំណាក ធ្វើតេស្តរហ័ស រកឃើញការឆ្លងកូវីដ ១៩ លើអាជីវករចំនួន កាលពីថ្ងៃទី៩ កក្កដា ម្សិលមិញ។
លោក ហាក់ ឡេង អភិបាលស្រុកបូទុមសាគរ បានចេញសេចក្តីសម្រេចបិទផ្អាកផ្សារអណ្តូងអទឹក ស្ថិតនៅក្នុងឃុំអណ្តូងទឹក ភ្លាមៗ ដើម្បីបង្ការ និងទប់ស្កាត់ការឆ្លងរីករាលដាលវីរុសកូវីដបន្ថែមទៀត។ ដំណើរការបិទផ្សារនេះ ធ្វើឡើងចាប់ពីថ្ងៃទី១០ ខែកក្កដា ដល់ថ្ងៃទី២៤ កក្កដាជាបណ្តោះអាសន្ន សម្រាប់ទុកលទ្ធភាពដល់ក្រុមការងារស្រាវជ្រាវចំពោះពលរដ្ឋពាក់ព័ន្ធផ្ទាល់ និងប្រយោលទទួលយកមកព្យាបាល។
លោកអភិបាលស្រុកបូទុមសាគរ ក៏អំពាវនាវដល់អាជីវករ និងក្រុមគ្រួសារអាជីវករដែលពាក់ព័ន្ធ ព្រមទាំងប្រជាពលរដ្ឋ បើមានអាការៈក្តៅខ្លួន ក្អក ពិបាកដកដង្ហើម ដែលសង្ស័យថា ឆ្លងមេរោគកូវីដ១៩ សូមអញ្ជើញមកទំនាក់ទំនងជាមួយអាជ្ញាធរមូលដ្ឋាន និងមណ្ឌលសុខភាពអណ្តូងទឹកជាបន្ទាន់ (ឬទំនាក់ទំនងតាមលេខទូរស័ព្ត ០១៥ ២១០ ៦៦៦) ដើម្បីមកយកសំណាកតេស្តរកកូវីដ និងអនុវត្តន៍វិធានចត្តាឡីស័ក តាមការណែនាំរបស់ក្រសួងសុខាភិបាលឲ្យបានត្រឹមត្រូវបំផុត។
មន្រ្តីសុខាភិបាល បានរកឃើញអាជីវករមានវិជ្ជមានកូវីដ១៩ប្រមាណជា១២នាក់ ក្រោយការយកសំណាកធ្វើតេស្តរហ័សកាលពីថ្ងៃម្សិលមិញ។ សម្រាប់ថ្ងៃទី១០ ខែកក្ដដា នេះដែរ បន្តរកសំណាកអាជីវករផ្សារថ្មស ស្ថិតនៅក្នុងឃុំថ្មស ហើយលទ្ធផលមកទល់ម៉ោងនេះរកឃើញ១៧នាក់មានវិជ្ជមាន។
រដ្ឋបាលស្រុក ព្រមានទៀតថា ករណីដែលអាជ្ញាធរពិនិត្យឃើញថា បងប្អូនអាជីវករ ពលរដ្ឋ ខកខាន ឬគេចវេសមិនបានយកសំណាក ហើយអាជ្ញាធរពិនិត្យទៅមានពាក់ព័ន្ធជាមួយអាជីវករលក់ដូរនៅផ្សារអណ្តូងទឹកដែលផ្ទុកមេរោគកូវីដនោះ គឺអាជ្ញាធរមិនអនុញ្ញាតឱ្យពលរដ្ឋដែលមិនបានទៅយកសំណាក ចូលប្រកបអាជីវកម្មលក់ដូរមួយរយៈពេលវែង។ ដូច្នេះរំពឹងថា ពលរដ្ឋចូលរួមសហការបានយ៉ាងល្អ និងយោគយល់ឈរលើស្មារតីទទួលខុសត្រូវខ្ពស់។
ភ្ជាប់នឹងវិធានការយកសំណាកនៅស្រុកបូទុមសាគរ គេសង្កេតឃើញរដ្ឋបាលខេត្តកោះកុង ល្ងាចថ្ងៃទី៩ ខែកក្ដដា ក៏សម្រេចដាក់បម្រាមគោចរពេលយប់រយៈពេល ៨ម៉ោង នៅក្នុងភូមិសាស្ត្រស្រុក-ក្រុង ចំនួន ៣គឺស្រុកស្រែអំបិល, ស្រុកមណ្ឌលសីមា និងក្រុងខេមរភូមិន្ទ ដើម្បីទប់ស្កាត់ការឆ្លងរាលដាលជំងឺកូវីដ១៩ ដោយតម្រូវឲ្យធ្វើការផ្អាកជាបណ្តោះអាសន្នរាល់ការធ្វើចរាចរណ៍នៅចន្លោះម៉ោង២១ ដល់ម៉ោង៤ ទាបភ្លឺលើកលែងតែចំពោះករណីចាំបាច់មួយចំនួន៕
អត្តបទ៖សិរីវឌ្ឍនៈ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ