ព័ត៌មានជាតិ
រដ្ឋបាលខេត្តចុះពិនិត្យការដ្ឋានស្ថាបនាបន្ទាន់ ផ្លូវកៅស៊ូមួយខ្សែ ដែលស្ថិតនៅជាប់មាត់ច្រកអន្តរជាតិភ្នំដី
ដោយមើលឃើញពីការលំបាកក្នុងការដឹកជញ្ជូនទំនិញនានា ចេញចូលវាងកម្ពុជា-ថៃតាមច្រកអន្តរជាតិគីឡូ១៣-ភ្នំដី ស្ថិតនៅ ស្រុកសំពៅលូនខេត្តបាត់ដំបង មន្ទីរសាធារណការនិងដឹកជញ្ជូនខេត្ត បានផ្តល់គម្រោងស្ថាបនាកំណាត់ផ្លូវស្ថិតនៅក្បែរខ្សែបន្ទាត់ព្រំដែនខ្មែរ-ថៃ ជាប់និងមាត់ច្រកអន្តរជាតិគីឡូ១៣(ភ្នំដី) នេះជាបន្ទាន់។
កំណាត់ផ្លូវតភ្ជាប់ពីមុខច្រកព្រំដែនអន្តរជាតិគីឡូ១៣ភ្នំដីនេះ ជាប្រភេទផ្លូវ ក្រាលកៅស៊ូDBST ដែលមានប្រវែងចំនួន៣៦០ម៉ែត្រ ទទឹង៩ម៉ែត្រ ដែលសាងសង់ដោយកញ្ចប់ថវិការបស់ក្រសួងសាធារណការ និងអនុវត្ត គម្រោងដោយផ្ទាល់ពីមន្ទីរសាធារណការ និងដឹកជញ្ជូន ខេត្ត ដែលក្រុមការងាររបស់មន្ទីរកំពុងតែធ្វើយ៉ាងសកម្ម ដោយគ្រោងនិងបញ្ចប់នូវការសាងសង់ឲ្យរួចរាល់ជាស្ថាពរ នៅចុងខែកក្កដាឆ្នាំ២០២១នេះ។
លោក ព្រួញរិទ្ធថា ប្រធានមន្ទីរសាធារណការនិងដឹកជញ្ជូនខេត្តបាត់ដំបង បានប្រាប់ឲ្យដឹងបន្ថែមថា ក្រៅពីចាក់ក្រាលកៅស៊ូតភ្ជាប់ពីមាត់ច្រកព្រំដែនខាងលើនេះ ក៏មានកាយដាក់ប្រព័ន្ធលូរំដោះទឹកភ្លៀង នៅក្បែរខាងផ្លូវតាមមុខផ្ទះប្រជាពលរដ្ឋផងដែរ ដោយកំណត់ឲ្យប្រជាជននៅទីនោះចូលរួមដាក់លូ តាមមុខផ្ទះរបស់ខ្លួន។
ឯកឧត្តម ងួន រតនៈ អភិបាលនៃគណអភិបាលខេត្តបាត់ដំបង ខណៈដែលចុះពិនិត្យការស្ថាបនាផ្លូវមួយខ្សែខាងលើនាចុងសប្តាហ៍នេះ ជាមួយមន្ត្រីពាក់ព័ន្ធបានមានប្រសាសន៍ថា ផ្លូវមួយខ្សែនេះ វាពិតជាមានសារៈសំខាន់ណាស់ដែលពាក់ព័ន្ធការធ្វើចរាចរយានយន្តគ្រប់ប្រភេទក្នុងការចេញចូល ទៅ ច្រកទ្វារព្រំដែននិងជួយសម្រួលដល់ការលំបាកកន្លងមករួមទាំងការដឹកទំនិញផងដែរ។ បន្ថែមពីនេះ ដើម្បីឆ្លើយតបទៅនិងសំណូមពរ ដែលជាតម្រូវការចាំបាច់របស់អាជ្ញាធរស្រុកនិងមូលដ្ឋាន ព្រមទាំងប្រជាពលរដ្ឋទូទៅនៅទីនេះ បានប្រើប្រាស់ដើម្បីជាប្រយោជន៍សាធារណៈទូទៅផងដែរ៕
អត្ថបទ៖ សោ និយមរ័ត្ន
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១០ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ