ព័ត៌មានជាតិ
មន្រ្តីជំនាញបន្តដកហូតអាល់កុលមានសារធាតុមេតាណុលតាមឱសថស្ថាន និងទីផ្សារ
ខេត្តតាកែវ៖ មន្ត្រីជំនាញសាខា នៃ អគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ ក.ប.ប. ខេត្តតាកែវ បានចុះត្រួតពិនិត្យទំនិញតាមឱសថស្ថាន និងទីតាំងក្នុងផ្សារតាកែវ ស្ថិតនៅសង្កាត់រការក្រៅ ក្រុងដូនកែវ ខេត្តតាកែវ កាលពីថ្ងៃទី១២ ខែកក្កដា ឆ្នាំ២០២១នេះ។
នៅក្នុងសកម្មភាពនោះដែរ មន្រ្តីជំនាញប្រចាំខេត្តតាកែវ បានធ្វើការដកហូត អាល់កុលមានសារធាតុមេតាណុលចំនួន ២១០.៥លីត្រ យកមករក្សាទុក និងដោះស្រាយតាមនីតិវិធីច្បាប់ជាធរមាន។
ដោយមានតម្រូវការចាំបាច់ប្រើប្រាស់យ៉ាងសំខាន់នៅក្នុងបរិបទសម័យជំងឺកូវីដ-១៩ បងប្អូនប្រជាពលរដ្ឋគ្រប់រូប តែងប្រកាន់ភ្ជាប់នូវអនាម័យខ្លួនប្រាណជាប្រចាំ។ ក្រៅពីការពាក់ម៉ាស និងលាងសំអាតដៃជាមួយសាប៊ូ ជែល ព្រមទាំងរក្សាគម្លាតសង្គម ប្រជាពលរដ្ឋតែងដាក់ដបអាល់កុលតាមខ្លួនជាប់ជានិច្ច ទោះបីដំណើរជិតឆ្ងាយក៏ដោយ។
ទន្ទឹមនឹងនេះ ក៏មានជនឆ្លៀតឱកាសមួយក្តាប់តូចចង់កេងចំណេញ រហូតហ៊ានផលិតអាល់កុលមិនត្រឹមត្រូវតាមស្តង់ដា ដើម្បីលក់ចែកចាយនៅលើទីផ្សារ ឱសថស្ថាន ឬ ហាងលក់ទំនិញចាប់ហួយផ្សេងៗ ដែលអាចធ្វើទៅបាន។ សកម្មភាពផ្ទុយនឹងច្បាប់បែបនេះ គឺមិនដែលរត់គេចរួចពីសំណាក់មន្ត្រីជំនាញនោះទេ។
សូមជម្រាបជូនថា មន្ត្រីជំនាញសាខា ក.ប.ប. ខេត្តតាកែវ បានចុះត្រួតពិនិត្យផលិតផលទំនិញនៅតាមបណ្តាផ្ទះលក់ទំនិញ និងឱសថស្ថាន នៅផ្សារតាកែវ ស្ថិតក្នុងឃុំរការក្រៅ ក្រុងដូនកែវ ខេត្តតាកែវ រកឃើញអាល់កុលក្លែងក្លាយ និងទំនិញហួសកាលបរិច្ឆេទប្រើប្រាស់មួយចំនួន កាលពីថ្ងៃទី០៦ ខែកក្កដា ឆ្នាំ២០២១ ដកហូតអាល់កុលក្លែងក្លាយ ឬមេតាណុលប្រមាណ ៣កាន និង ២៧ដប ស្មើនឹង ៩៦.៥០លីត្រ និងម្សៅកាហ្វេ ហួសកាលបរិច្ឆេទប្រើប្រាស់ ចំនួន ៣កញ្ចប់ ស្មើនឹង ១.៥០ គីឡូក្រាម។
ដោយឡែក កាលពីថ្ងៃទី៥ ខែកក្កដា ឆ្នាំ២០២១ មន្ត្រីជំនាញសាខា ក.ប.ប. ខេត្តតាកែវ បានចុះធ្វើការត្រួតពិនិត្យផលិតផលទំនិញនៅតាមបណ្តាគេហដ្ឋាន និងឱសថស្ថាន នៅក្រុងដូនកែវ ខេត្តតាកែវ ដកហូត អាល់កុលមានសារធាតុមេតាណុលប្រមាណ ១០៧.៥លីត្រ ក្រោយបានធ្វើតេស្តបឋម និងទំនិញហួសកាលបរិច្ឆេទប្រើប្រាស់មួយចំនួន រួមមាន ឡេលាបស្បែកគ្មានស្លាកសញ្ញាត្រឹមត្រូវ ប្រមាណ ៥គីឡូក្រាម ម្សៅលាបកូនក្មេងហួសកាលបរិច្ឆេទនៃការប្រើប្រាស់ប្រមាណ ៥គីឡូក្រាម៕
អត្ថបទ៖ រ៉ាវុទ្ធ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ