ព័ត៌មានជាតិ
កំពុងច្រូតស្មៅគោ ស្រាប់តែរន្ទះបាញ់ ស្លាប់នៅកណ្តាលវាលស្រែ
បាត់ដំបង ៖ គ្រោះធម្មជាតិបានផ្តាច់ជីវិតបុរសម្នាក់តាមរយៈរន្ទះបាញ់បានបង្កការភ្ញាក់ផ្អើលដល់អ្នកភូមិ ខណៈបុរសជាជនរងគ្រោះកំពុងច្រូតស្មៅនៅវាលស្រែក្បែរភូមិ ស្របពេលកំពុងមានផ្គរនិងផ្លេកបន្ទោរខ្លាំងមេឃរកភ្លៀងក៏ត្រូវរន្ទះបាញ់ឲ្យដួលនៅនឹងស្រែស្លាប់ភ្លាមៗ តែម្តង។
សមត្ថកិច្ចឲ្យដឹងថា ករណីបុរសម្នាក់គ្រោះថ្នាក់ដោយគ្រោះធម្មជាតិនេះ បានកើតឡើងកាលពីថ្ងៃទី១១ ខែកក្កដា ឆ្នាំ២០២១ ត្រង់ចំណុចវាលស្រែក្នុងក្រុមទី០៨ ភូមិព្រៃដំរី ឃុំព្រៃតូច ស្រុកមោងឫស្សីខេត្តបាត់ដំបង ដែលជនរងគ្រោះមានឈ្មោះឈាន ឆាយ ភេទប្រុស អាយុ២១ឆ្នាំ រស់នៅក្នុងភូមិឃុំកើតហេតុខាងលើ។
ប្រភពព័ត៌មានពីកន្លែងកើតហេតុបញ្ជាក់ឲ្យដឹងថា មុនកើតហេតុជនរងគ្រោះបានកាន់កណ្តៀវចេញទៅច្រូតស្មៅគោនៅវាលស្រែ ដែលនៅជិតភូមិស្របពេលមេឃរកភ្លៀងផ្តើមមានផ្គរខ្លាំងលាយឡំនិងផ្លេកបន្ទោរហើយមេឃក៏រកធ្លាក់ភ្លៀងលុះទឹកភ្លៀងមិនទាន់ធ្លាក់ផង ក៏ស្រាប់តែឮស្នូរសម្លេងរន្ទះបាញ់ដូចផ្ទុះគ្រាប់មីនត្រង់ចំណុចជនរងគ្រោះកំពុងច្រូតស្មៅហើយអ្នកភូមិក៏បាននាំគ្នាសម្លឹងមើលទៅជនរងគ្រោះហើយមិនបានឃើញសកម្មភាពជនរងគ្រោះច្រូតស្មៅទៀតក៏នាំគ្នាសង្ស័យរួមនឹងក្រុមគ្រួសារផងក៏នាំគ្នាទៅមើលស្រាប់តែឃើញជនរងគ្រោះដួលនៅនឹងស្រែក៏នាំគ្នាឆោឡោជួយសង្គ្រោះតែគ្មានលទ្ធផល។
ក្រោយសមត្ថកិច្ចចុះពិនិត្យសាកសពបានសន្និដ្ឋានថា ជនសង្ស័យពិតជាស្លាប់ដោយរន្ទះបាញ់ខណៈមានផ្គរនិងរន្ទះខ្លាំងស្របពេលជនរងគ្រោះកាន់កណ្តៀវនៅនឹងដៃដែលមានជាតិដែកផងក៏ឆ្លងចរន្តបង្កជារន្ទះបានបាញ់ចំតែម្តង ហើយសាកសពក៏បានប្រគល់ឲ្យគ្រួសារយកទៅធ្វើបុណ្យតាមប្រពៃណី៕
ដោយ ៖ សៅ សារិទ្ធ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ