ព័ត៌មានជាតិ
លោក ជិន ម៉ាលីន ស្នើឲ្យសង្គមស៊ីវិលចូលរួមផ្តល់យោបល់ ប្រសើរជាងការវាយតម្លៃតាមអារម្មណ៍
លោក ជិន ម៉ាលីន អនុប្រធាន និងជាអ្នកនាំពាក្យគណៈកម្មាធិការសិទ្ធិមនុស្សកម្ពុជា បានថ្លែងប្រាប់កម្ពុជាថ្មី ដោយស្នើឲ្យក្រុមអង្គការសង្គមស៊ីវិល ក៏ដូចជាមនុស្សមួយចំនួនតូច ដែលមានគំនិតមិនល្អចំពោះរាជរដ្ឋាភិបាល គួរចូលរួមផ្តល់យោបល់ ជាជាងការវាយតម្លៃបែបអវិជ្ជមាន ឬតាមអារម្មណ៍របស់ខ្លួន ដែលមិនចូលចិត្តរាជរដ្ឋាភិបាល។
ការលើកឡើរបស់មន្រ្តីជាន់ខ្ពស់ផ្នែកសិទ្ធិមនុស្សនេះ គឺជាការឆ្លើយតបទៅនិងការលើកឡើងរបស់ក្រុមអង្គការសង្គមស៊ីវិល ក៏ដូចជាក្រុមមនុស្សមួយចំនួនតូច ដែលនាំគ្នារិៈគន់ស្ថាប័នសិទ្ធិមនុស្សថ្នាក់ជាតិមួយ ដែលគ្រោងនឹងបង្កើតឡើងនាពេលខាងមុខ ដោយអះអាងថា ស្ថាប័នសិទ្ធិមនុស្សដែលគ្រោងបង្កើតឡើងនោះ នឹងមិនអាចធ្វើឲ្យសិទ្ធិមនុស្សនៅកម្ពុជាមានភាពប្រសើរឡើងឡើយ។
លោក ជិន ម៉ាលីន ថ្លែងប្រាប់កម្ពុជាថ្មីនៅព្រឹកថ្ងៃទី១៤ ខែកក្កដានេះថា ការលើកឡើងរបស់សង្គមស៊ីវិលទាំងនេះ គឺជាការដឹងឡើងបែបបារម្ភជ្រុល ហើយជាទម្លាប់មួយរបស់សង្គមស៊ីវិល ដែលតែងតែចាត់ទុករាជរដ្ឋាភិបាលជាសត្រូវ ហើយមើលរាជរដ្ឋាភិបាលក្នុងផ្លូវអាក្រក់។ លោកថា សូម្បីតែស្ថាប័ននេះ មិនទាន់ចេញជារូបរាងផង គាត់ធ្វើការវិនិច្ឆ័យក្នុងផ្លូវអវិជ្ជមានរួចទៅហើយ ដែលនេះគឺជាទម្លាប់នៃការធ្វើការ របស់អង្គការសង្គមស៊ីវិលនៅកម្ពុជា យើងនាពេលកន្លងមក។
បើតាមលោក ជិន ម៉ាលីន ដូច្នេះជាជាងការវាយតំលៃ នៅពេលដែលស្ថាប័នមួយមិនទាន់កើតជារូបរាង អង្គការសង្គមស៊ីវិល គួរតែពិនិត្យទៅលើខ្លឹមសារឲ្យបានច្បាស់លាស់ ហើយយល់ឲ្យច្បាស់ និងចូលរួមផ្តល់យោបល់ ថាតើនៅមានចំណុចខ្វះចន្លោះត្រង់ណា ហើយត្រូវបំពេញបន្ថែមយ៉ាងណា ដើម្បីឲ្យស្ថាប័ននេះបំពេញការងារប្រកបដោយឯករាជ្យ និងប្រសិទ្ធភាពប្រសើរជាងវាយតម្លៃ ដោយមិនមើលដោយផ្អែកលើទស្សនៈរបស់ខ្លួន ដែលមានចំពោះរដ្ឋាភិបាល។
មន្រ្តីជាន់ខ្ពស់ផ្នែកសិទ្ធិមនុស្សរូបនេះ បានពន្យល់ថា គណៈកម្មាធិការសិទ្ធិមនុស្សបច្ចុប្បន្ននេះ គឺជាយន្តការរបស់រាជរដ្ឋាភិបាល ចំណែកស្ថាប័នសិទ្ឋិមនុស្សជាតិ ដែលគ្រោងនឹងបង្កើតឡើងនាពេលខាងមុខនេះ គឺជាស្ថាប័នដែលមានស្វ័យភាព និងឯករាជភាព មិនចំណុះឲ្យរាជរដ្ឋាភិបាលនោះទេ ហើយដែលមានការចូលរួមពីគ្រប់ភាគីទាំងអស់។ ក្នុងនោះមានតំណាងរាជរដ្ឋាភិបាល សង្គមស៊ីវិល ដៃគូអភិវឌ្ឍន៍ ស្ថាប័នវិជ្ជាជីវៈ ផ្នែកសិក្សាស្រាវជ្រាវ តំណាងគ្រឹះស្ថានឧត្តមសិក្សា និងមានការចូលរួមពីតំណាងសិទ្ធិនីមួយៗផងដែរ។
លោក ជិន ម៉ាលីន បញ្ជាក់ថា ស្ថាប័នសិទ្ធិមនុស្សជាតិ ដែលគ្រោងនឹងបង្កើតឡើងនាពេលខាងមុខនេះ មានសមាសភាពចម្រុះ ដូច្នេះស្ថាប័ននេះមានស្វាយភាព មានឯករាជ្យភាព ក្នុងការបំពេញការងាររបស់ខ្លួន និងមិនចំណុះឲ្យរាជរដ្ឋាភិបាលនោះទេ។
សូមបញ្ជាក់ថា កាលពីថ្មីៗនេះ គណៈកម្មាធិការសិទ្ធិមនុស្សកម្ពុជា (គ.ស.ម.ក.) បានសហការជាមួយការិយាល័យឧត្តមស្នងការ អង្គការសហប្រជាជាតិ ទទួលបន្ទុកសិទ្ធិមនុស្សនៅកម្ពុជា (OHCHR) រៀបចំដាក់ដំណើរការពិគ្រោះយោបល់ ជាមួយក្រសួង ស្ថាប័ន អង្គការសង្គមស៊ីវិល និងភាគីពាក់ព័ន្ធនានា ដើម្បីប្រមូលធាតុចូលលើសេចក្តីព្រាងច្បាប់ ស្តីពីការរៀបចំ និងការប្រព្រឹត្តទៅនៃគណៈកម្មាធិការជាតិសិទ្ធិមនុស្សកម្ពុជា ដោយចាប់ពីខែកក្កដា ឆ្នាំ២០២១នេះតទៅ ហើយកិច្ចពិគ្រោះយោបល់ នឹងបែងចែកជាក្រុម និងធ្វើឡើងតាមរយៈការជួបប្រជុំពិគ្រោះយោបល់ដោយផ្ទាល់ ឬតាមរយៈប្រព័ន្ធវីដេអូ (Video Conference)។
ការរៀបចំដំណើរការពិគ្រោះយោបល់នេះ គ្រោងនឹងធ្វើឡើងប្រមាណ៦០កិច្ចពិគ្រោះយោបល់ រហូតដល់ត្រឹមដំណាច់ឆ្នាំ២០២១។ ប៉ុន្តែខណៈពេលកំពុងរៀបចំដាក់ដំណើរការពិគ្រោះយោបល់នេះ មានក្រុមសង្គមស៊ីវិល ក៏ដូចជាមនុស្សមួយចំនួនតូច ដែលតែងតែមើលរាជរដ្ឋាភិបាលលើផ្លូវអាក្រក់នោះ បានចេញមកវាយតម្លៃរួចទៅហើយ៕ (ដោយ)៖ កោះកែវ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ