មន្ត្រី កបប ខេត្តស្វាយរៀង រកឃើញអាល់កុលក្លែងក្លាយ និងទឹកដោះគោ-ម្សៅទឹកដោះគោ ខូចគុណភាព
Connect with us
Helistar Cambodia - Helicopter Charter Services

ព័ត៌មានជាតិ

មន្ត្រី កបប ខេត្តស្វាយរៀង រកឃើញអាល់កុលក្លែងក្លាយ និងទឹកដោះគោ-ម្សៅទឹកដោះគោ ខូចគុណភាព

បានផុស

នៅ

ខេត្តស្វាយរៀង៖ នៅថ្ងៃទី១៤ ខែកក្កដា ឆ្នាំ២០២១ មន្ត្រីសាខាការពារអ្នកប្រើប្រាស់កិច្ចការប្រកួតប្រជែង សហការជាមួយអាជ្ញាធរដែនដី បានចុះត្រួតពិនិត្យទំនិញ និងឃ្លាំមើលទំនិញចេញពីប្រភពដើម រហូតដល់ទីតាំងកន្លែងចែកចាយផលិតផលអាល់កុល ជែលលាងដៃ និង តាមដានតំលៃទំនិញ នៅតាមបណ្ដា ដេប៉ូ ម៉ាត ឃ្លាំង ទំនិញ ឱសថស្ថាន ស្ថិតក្នុងក្រុងស្វាយរៀង ខេត្តស្វាយរៀង ដោយបានរកឃើញអាល់កុលក្លែងក្លាយ ទឹកដោះគោ និងម្សៅទឹកដោះគោ ខូចគុណភាពមួយចំនួន។             

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ផឹង និល ប្រធានសាខា ក.ប.ប ខេត្ត បានឱ្យដឹងថា ដោយមានការណែនាំពី លោកប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋាន ក.ប.ប មន្ត្រីជំនាញបានសហការជាមួយមន្ទីរពាណិជ្ជកម្មខេត្ត និង អាជ្ញាធរដែនដី បានពិនិត្យទៅលើ អាល់កុល ជែលលាងដៃ នៅតាមឱសថស្ថាន បានប្រើប្រាស់ឧបករណធ្វើ Test Kits បឋមទៅលើ​អាល់កុល និង ជែលលាងដៃដើម្បីស្វែងរកអាល់កុលក្លែងក្លាយ។

លោក ផឹង និល បានបញ្ជាក់ថា ជាលទ្ធផលមន្ត្រីជំនាញបានរកឃើញទំនិញខូចគុណភាព និងអាល់កុលក្លែងក្លាយចំនួន ២៤០លីត្រ ម្សៅទឹកដោះគោ ម៉ាក DUMEX ចំនួន ៦កំប៉ុង (ខូចគុណភាព) ទឹកដោះកំប៉ុងក្រដាស់ ចំនួន ៤៦កំប៉ុង (ខូចគុណភាព) ហើយមន្ត្រីជំនាញបានធ្វើកំណត់ហេតុដកហូតទំនិញទាំងនោះ និងអាល់កុលក្លែងក្លាយធ្វើការដុតកម្ទេច​ចោល​តែ​ម្តង។

លោក ផឹង និល បានអំពាវនាវដល់ប្រជាពលរដ្ឋនៅក្នុងខេត្តស្វាយរៀងទាំងអស់ សូមមានការប្រុងប្រយ័ត្នឱ្យបានខ្ពស់ក្នុងការទិញទំនិញគ្រប់ប្រភេទ ត្រូវមើលការបរិច្ឆេទបានច្បាស់លាស់ជាមុនសិនមុនទិញទៅបរិភោគ ចៀសវាងនាំឱ្យប៉ះពាល់ដល់សុខភាព៕

អត្ថបទ៖ ភក្ដី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services