ព័ត៌មានជាតិ
ចាប់ខ្លួនបានហើយ ជនដៃដល់ដែលកាប់ជនរងគ្រោះនៅសង្កាត់ជ័យជំនះ
មិនបានប៉ុន្មានថ្ងៃផង ជនសង្ស័យដែលប្រើដាវកាប់លើជនរងគ្រោះបណ្តាលឲ្យរបួសធ្ងន់ដល់លើផ្ទះជាន់ទី២ នៅសង្កាត់ជ័យជំនះ ខណ្ឌដូនពេញ ត្រូវបានកម្លាំងនគរបាលខណ្ឌដូនពេញចាប់ខ្លួនបានហើយ។
មន្ត្រីប៉ុស្តិ៍នគរបាលរដ្ឋបាលជ័យជំនះ នៃអធិការដ្ឋាននគរបាលខណ្ឌដូនពេញបានឲ្យដឹងថា ករណីហិង្សាដោយចេតនាមានស្ថានទម្ងន់ទោស(យកដាវកាប់បណ្តាលអោយរបួសធ្ងន់)ជនសង្ស័យត្រូវបានចាប់ខ្លួននៅថ្ងៃទី១៤ ខែកក្កដា ឆ្នាំ២០២១នេះ។
ជនសង្ស័យឈ្មោះ ប៊ិន កែវបញ្ញារិទ្ធ ហៅ អាម៉ល់ ភេទប្រុស អាយុ៣៤ ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅផ្ទះលេខ៥០E2 ផ្លូវលេខ១៥៤ ក្រុម២៨ ភូមិ៧ សង្កាត់ ជ័យជំនះ ខណ្ឌដូនពេញ រាជធានី ភ្នំពេញ(ឃាត់ខ្លួន)។ ចំណែកជនរងគ្រោះឈ្មោះ តាំង អៀងលី ភេទប្រុស អាយុ៣០ឆ្នាំ ជនជាតិខ្មែរ មុខរបរចុងភៅ ស្នាក់នៅមិនពិតប្រាកដ ។ សមត្ថកិច្ចបានដកហូតដាវកែឆ្នៃពណ៌សចំនួនមួយដើម។
គួរបញ្ជាក់ថា កាលពីថ្ងៃទី១៣ ខែកក្កដា ឆ្នាំ២០២១ វេលាម៉ោងប្រហែល១៨និង០០នាទី មានករណីហិង្សាមួយបានកើតឡើង ខណៈជនរងគ្រោះបានដើរចេញពីកន្លែងធ្វើការផ្លូវលេខ១៧២ក្រោយវត្តឧណ្ណាលោម ដើម្បីទៅរកមិត្តភ័ក្ដិហូបចុក។ ពេលដើរមកដល់ចំណុចផ្លូវលេខ១៥៤ មានច្រកឡើងកាំជណ្តើរទៅលើជាន់ទី២ អែបជញ្ជាំងផ្ទះលេខ50E2ផ្លូវលេខ១៥៤ ក្រុម២៨ ភូមិ៧ សង្កាត់ជ័យជំនះ ជនរងគ្រោះបានឈរនៅកាំជណ្តើរជាន់ទី២ ពេលនោះជនសង្ស័យបានដើរចេញពីផ្ទះសំដៅមករកជនរងគ្រោះ ហើយអោយជនរងគ្រោះចុះក្រោមវិញ ប៉ុន្តែជនរងគ្រោះមិនព្រមចុះ ហើយជនសង្ស័យបានដើរទៅផ្ទះយកដាវចេញពីក្នុងផ្ទះដើរមករកជនរងគ្រោះម្តងទៀត និងអោយជនរងគ្រោះចុះ ប៉ុន្តែជនរងគ្រោះមិនព្រមចុះ ជនសង្ស័យក៏យកដាវកាប់ទៅលើជនរងគ្រោះត្រូវដៃខាងឆ្វេងបណ្តាលអោយរបួសធ្ងន់ បន្ទាប់មកជនសង្ស័យក៏បានចុះមកក្រោមគេចខ្លួនបាត់ លុះដល់ថ្ងៃទី១៤ ខែកក្កដា ឆ្នាំ២០២១វេលាម៉ោង០៩និង៣០នាទី កម្លាំងប៉ុស្តិ៍នគរបាលជ័យជំនះបានឃើញជនសង្ស័យឈរកាន់ដាវនៅចំណុចផ្លូវលេខ១៧២កែង១៩ ភូមិ៩ សង្កាត់ជ័យជំនះបានធ្វើការឃាត់ខ្លួន រួមជាមួយដាវយកមកធ្វើការសាកសួរនៅប៉ុស្តិជ័យជំនះតែម្តង។
បច្ចុប្បន្នអធិការនគរបាលខណ្ឌដូនពេញ កំពុងកសាងសំណុំរឿងបញ្ជូនទៅចាត់ការតាមនិតិវិធី៕
អត្ថបទ ៖ រស្មី
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ