ព័ត៌មានជាតិ

រដ្ឋបាលខេត្តបន្តរកឃើញអ្នកឆ្លងកូវីដ ចំនួន៥នាក់ និងជាសះស្បើយ២៨នាក់

បានផុស

៣ years មុន

នៅ

ថ្ងៃព្រហស្បតិ៍ ១៥ កក្កដា ២០២១

ដោយ

រដ្ឋបាលខេត្តស្ទឹងត្រែងបន្តរកឃើញអ្នកឆ្លងជំងឺកូវីដ-១៩ ចំនួន២៨នាក់ ពាក់ព័ន្ធនឹងព្រឹត្តិការណ៍២០កុម្ភៈ ស្លាប់ម្នាក់និងជាសះស្បើយ២៨នាក់ គិតត្រឹមម៉ោង ៥:០០ នាទីរសៀលថ្ងៃទី១៤ ខែកក្កដា ឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមគ្រូពេទ្យបញ្ជាក់ថា ជំងឺកូវីដ១៩ ទោះតិចឬច្រើនយើងនៅតែបន្តរកឃើញ ជារៀងរាល់ថ្ងៃ ក្នុងភូមិសាស្ត្រខេត្តស្ទឹងត្រែង រួមជាមួយភូមិឃុំមួយចំនួនផងដែរ។ កុំគ្រូពេទ្យនៅតែបន្តស្រាវជ្រាវរកអ្នកដែលបានប៉ះផ្ទាល់ជាមួយអ្នកវិជ្ជមានចំនួន៥នាក់ខាងលើ យកសំណាកវិភាគតេស្តរហ័ស ដើម្បីរកមេរោគកូវីដ១៩ ជៀសវាងឆ្លងរីករាលដាលបន្ត។

រដ្ឋបាលខេត្តស្ទឹងត្រែងសង្ឃឹមយ៉ាងមុតមាំថា អ្វីដែលយើងគ្រប់គ្នាអាចយកឈ្នះជំងឺកូវីដ១៩បាននោះ គឺមានតែប្រជាពលរដ្ឋយើងទាំងអស់ នាំគ្នាចូលរួមអនុវត្តវិធានការសុខាភិបាល ៣ការពារ-៣កុំ ឲ្យបានខ្ជាប់ខ្ជួនជាពិសេស គឺការពាក់ម៉ាស និងលាងសំអាតដៃនិងអាល់កុល ឬសាប៊ូជាប់ជាប្រចាំ និងរក្សាគម្លាតសុវត្ថិភាព។ គ្រូពេទ្យជំនាញបញ្ជាក់ថា អ្នកជាសះស្បើយទាំង២៨នាក់ ត្រូវបានអនុញ្ញាតឲ្យចេញពីមណ្ឌលព្យាបាលចត្តាឡីស័កថ្នាក់ខេត្ត និងត្រូវបន្ដធ្វើចត្តាឡីស័កនៅផ្ទះដោយខ្លួនឯងរយៈពេល១៤ថ្ងៃបន្ថែមទៀត។

គិតត្រឹមម៉ោង ៥:០០នាទីរសៀលថ្ងៃទី១៤ ខែកក្កដា ឆ្នាំ២០២១នេះ ខេត្តស្ទឹងត្រែង រកឃើញអ្នកវិជ្ជមានជំងឺកូវីដ-១៩ សរុបចំនួន ៤៣៧នាក់ ស្រី ១៩៦នាក់ ព្យាបាលជាសះស្បើយ សរុបចំនួន១៥៦នាក់ ស្រី ៧៦ នាក់ ស្លាប់ម្នាក់ និងកំពុងសម្រាកព្យាបាល ២៨១នាក់ ស្រី ១២០នាក់៕

អត្ថបទ៖ ងិនលីម

Related Topics:កូវីដ-១៩