ព័ត៌មានជាតិ
សមត្ថកិច្ចហាមឃាត់សកម្មភាព ក្រុមអ្នកបើកម៉ូតូបំពាក់សារ៉ែន បើកផ្លូវឲ្យរថយន្តសង្គ្រោះបន្ទាន់
កម្លាំងសមត្ថកិច្ច នៃស្នងការដ្ឋាននគរបាលរាជធានីភ្នំពេញ បានចាប់ផ្ដើមអនុវត្តតាមការណែនាំ របស់រដ្ឋបាលរាជធានីភ្នំពេញ ដោយហាមឃាត់មិនឲ្យក្រុមអ្នកបើកបរម៉ូតូ ដែលបំពាក់សារ៉ែនបើកផ្លូវ ឲ្យរថយន្តពេទ្យសង្គ្រោះបន្ទាន់ បន្តធ្វើសកម្មភាពនេះទៀតឡើយ។
លោកវរសេនីយ៍ឯក សាន សុខសីហា ជំនួយការស្នងការ និងជាអ្នកនាំពាក្យ នៃស្នងការដ្ឋាននគរបាលរាជធានីភ្នំពេញ បានថ្លែងប្រាប់អ្នកសារព័ត៌មានកម្ពុជាថ្មី នាព្រឹកថ្ងៃទី១៥ ខែកក្កដានេះថា កម្លាំងសមត្ថកិច្ចរាជធានីភ្នំពេញ បានហាមឃាត់សកម្មភាពក្រុមអ្នកបើកបរម៉ូតូ ដែលបំពាក់សារ៉ែនបើកផ្លូវ ឲ្យរថយន្តពេទ្យសង្គ្រោះបន្ទាន់នេះ តាំងពីអង្គារក្នុងសប្ដាហ៍នេះមកម្លេះ។ លោកថា សកម្មភាពរបស់ពួកគេ បានបង្កឲ្យមានបញ្ហាច្រើន ហើយក៏មានប្រជាពលរដ្ឋជាច្រើន ក៏បានរាយការណ៍អំពីបញ្ហានេះ មកកាន់ស្នងការដ្ឋាននគរបាលរាជធានីភ្នំពេញផងដែរ។
លោកវរសេនីយ៍ឯក សាន សុខសីហា បានថ្លែងយ៉ាងដូច្នេះថា «តាំងពីម្សិលមិញ ម្សិលម្ងៃ យើងអនុវត្តតាមការណែនាំ របស់សាលារាជធានីភ្នំពេញ គឺយើងមានគោលការណ៍ ដើម្បីហាមឃាត់មិនឲ្យពួកគាត់ បើកនាំមុខឡានសង្រ្គោះបន្ទាន់ ឬក៏អីទៀតទេ ព្រោះវាមើលទៅវាដូចជា បង្កភាពអនាធិបតេយ្យច្រើន បង្កឲ្យមានបញ្ហាច្រើន ហើយប្រជាពលរដ្ឋភាគច្រើន បញ្ជាក់មក រអ៊ូមក ទាក់ទងមកអំពីបញ្ហាហ្នឹងដែរ អញ្ចឹងណា»។
អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ បានបញ្ជាក់ទៀតថា ចាប់ពីពេលនេះតទៅ ប្រសិនបើក្រុមអ្នកបើកបរម៉ូតូ ដែលបំពាក់សារ៉ែនបើកផ្លូវ ឲ្យរថយន្តពេទ្យសង្គ្រោះបន្ទាន់ទាំងនោះ នៅតែបន្តសកម្មភាពដដែលនេះទៀត សមត្ថកិច្ចនឹងដកហូតអាវ និងសម្ភារៈរបស់ពួកគេមួយចំនួនទៀត ព្រមទាំងឲ្យធ្វើកិច្ចសន្យាអប់រំណែនាំ ហើយបើនៅតែមិនស្ដាប់តាមការណែនាំបន្តទៀត នោះសមត្ថកិច្ចនឹងចាត់វិធានការទៅតាមច្បាប់។
ទោះបីជាបែបនេះក្ដី តំណាងក្រុមអ្នកបើកបរម៉ូតូ ដែលបំពាក់សារ៉ែនបើកផ្លូវ ឲ្យរថយន្តពេទ្យសង្គ្រោះបន្ទាន់ទាំងនោះ បានប្រាប់អ្នកសារព័ត៌មានថា ពួកគេបានធ្វើសកម្មភាពនេះ អស់រយៈពេលជាច្រើនខែមកហើយ ដោយការស្ម័គ្រចិត្ត នឹងមិនមានប្រាក់ខែ ឬប្រាក់ឧបត្ថម្ភអ្វីឡើយ។ ពួកគេ នឹងបញ្ឈប់សកម្មភាពតាមការណែនាំ របស់អាជ្ញាធរ និងសមត្ថកិច្ចនាពេលនេះ។ ក៏ប៉ុន្តែនៅពេលខាងមុខ ពួកគេមានបំណងស្នើសុំទៅក្រសួង-ស្ថាប័នពាក់ព័ន្ធ ដើម្បីអាចបន្តសកម្មភាពនេះបន្តទៅទៀត។
បើតាមលោកវរសេនីយ៍ឯក សាន សុខសីហា អ្នកនាំពាក្យ នៃស្នងការដ្ឋាននគរបាលរាជធានីភ្នំពេញ ក្រុមអ្នកបើកបរម៉ូតូ ដែលបំពាក់សារ៉ែនទាំងនោះ មិនមានអង្គភាពអ្វីច្បាស់លាស់នោះឡើយ ដោយគ្រាន់តែពួកគេបង្កើតជាក្រុមៗ និងមិនមានការស្នើសុំ ការអនុញ្ញាតត្រឹមត្រូវណាមួយ ទៅក្រសួង-ស្ថាប័នពាក់ព័ន្ធនោះឡើយ៕ (ដោយ)៖ ឃួន សុភ័ក្រ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ