ព័ត៌មានជាតិ
តេស្ដថ្ងៃនេះ! រកឃើញអាជីវករផ្សារច្បារអំពៅ វិជ្ជមានកូវីដ៣២ នាក់, ក្នុងនោះក៏មានប្រធានផ្សារម្នាក់ដែរ
ការធ្វើតេស្តស្វែងរកអ្នកផ្ទុកជំងឺកូវីដ-១៩ ទៅលើក្រុមអាជីវករផ្សារច្បារអំពៅ ក្នុងរយៈពេលពេញមួយថ្ងៃនេះ គឺក្រុម គ្រូពេទ្យស្ម័គ្រចិត្តយុវជនសម្តេចតេជោ បានរកឃើញអាជីវករ រួមទាំងក្រុមសន្តិសុខផ្សារចំនួន៣២នាក់ មានវិជ្ជមានជំងឺកូវីដ-១៩។ ក្នុងនោះក៏មានលោក គួច ចំណាន ប្រធានគណៈកម្មការផ្សារច្បារអំពៅមួយរូបផងដែរ។
យោងតាមសេចក្តីរាយការណ៍ពីលោក យី ធីរ៉ាត់ នាយករងរដ្ឋបាលសាលាខណ្ឌច្បារអំពៅ បានប្រាប់កម្ពុជាថ្មីនៅរសៀលថ្ងៃទី១៥ ខែកក្កដានេះថា ការធ្វើតេស្តទៅលើក្រុមអាជីវករផ្សារច្បារអំពៅ ក្នុងពេលមួយថ្ងៃនេះ គឺលទ្ធផលរកឃើញចំនួន៣២នាក់។ ក្នុងនោះក៏មានកងសន្តិសុខផ្សារ ហើយថែមទាំងលោកប្រធានគ្រប់គ្រងផ្សារមួយរូបផងដែរ។
ការធ្វើតេស្តនេះ គឺបន្ទាប់ពីមានអាជីវករ៣នាក់ និងកងសន្តិសុខផ្សារ៣នាក់រកឃើញវីជ្ជមានកូវីដ-១៩ កាលពេលថ្មីៗនេះ ហើយដោយមានការស្នើសុំ ពីអាជ្ញាធរខណ្ឌច្បារអំពៅសុំ ទៅរដ្ឋបាលធានីភ្នំពេញ ដើម្បីឲ្យគ្រូពេទ្យមកយកសំណាកទៅលើក្រុមអាជីវករលក់ដូរក្នុងផ្សារច្បារអំពៅ ទើបរកឃើញចំនួនសរុប៣២នាក់។ ការធ្វើតេស្តនេះ គឺទៅលើតែផ្សារលើប៉ុណ្ណោះ។ រីឯផ្សារបន្លែច្បារអំពៅ ដែលស្ថិតនៅខាងជើងផ្សារលើនេះ គឺពុំទាន់បានធ្វើតេស្តនៅឡើយទេ។
បើតាមប្រភពពត័មានច្បាស់ការ បានឲ្យដឹងថា កាលពី៣ថ្ងៃមុន មានស្ត្រីម្នាក់ ក្នុងវ័យ៥០ឆ្នាំ ដែលមានលំនៅដ្ឋានក្បែរផ្សារច្បារអំពៅនេះ បានមរណភាពដោយសារជំងឺកូវីដ-១៩។ លោក គ្រី ហ៊ុច ដែលជាអនុប្រធានគណៈកម្មការផ្សារច្បារអំពៅ បានអំពាវនាវឲ្យក្រុមអាជីវក រក៏ដូចជាអ្នកចេញចូលក្នុងផ្សារច្បារអំពៅ សូមរួសរាន់មកពិនិត្យសំណាក ក្នុងបរិវេណសាលាបឋមសិក្សារច្បារអំពៅទី១ ស្ថិតនៅខាងកើតសាលាខណ្ឌច្បារអំពៅ ក្នុងសង្កាត់ច្បារអំពៅ១ ខណ្ឌច្បារអំពៅ រាជធានីភ្នំពេញ៕ (ដោយ)៖ នរា
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»