ព័ត៌មានជាតិ
មិនត្រូវលាក់លៀមទេ តេស្តមានកូវីដ កម្រិតស្រាល ឬគ្មានរោគសញ្ញា សូមរាយការណ៍ទៅអាជ្ញាធរជាបន្ទាន់
អ្នកតេស្តមានកូវីដ ១៩ កម្រិតស្រាលឬគ្មានរោគសញ្ញាដែលកំពុងព្យាបាលនៅផ្ទះ សូមរាយការណ៍ទៅសមត្ថកិច្ច ដើម្បីផ្តល់ការគាំទ្រចាំបាច់ និងការជួយសង្គ្រោះទាន់ពេលបើសិនមានបញ្ហាកើតឡើង។
លោក កើត ឆែ អភិបាលរងរាជធានីភ្នំពេញបានថ្លែងប្រាប់អ្នកកាសែតថា ក្រោយពីរដ្ឋាភិបាលបានចេញគោលការណ៍អនុញ្ញាតិឲ្យអ្នកជំងឺកម្រិតស្រាល អាចសម្រាកព្យាបាលនៅផ្ទះ អាជ្ញាធរនៅតែមានការទទួលខុសត្រូវក្នុងការផ្តល់ការគាំទ្រ និងជំនួយឧបត្ថម្ភតាមតម្រូវការរបស់អ្នកជំងឺ។
លោកបានថ្លែងបញ្ជាក់ថា ករណីអ្នកជំងឺកម្រិតស្រាល ឬគ្មានរោគសញ្ញាដែលធ្វើតេស្តមានវិជ្ជមាន ត្រូវតែរាយការណ៍ទៅមន្រ្តីសុខាភិបាល ឬអាជ្ញាធរមូលដ្ឋានមិនត្រូវលាក់លៀមនោះទេ។
លោកថា ការរាយការណ៍ដើម្បីអាជ្ញាធរកត់ត្រាទុក និងអាចផ្តល់ការប្រឹក្សាពីការថែទាំឲ្យបានត្រឹមត្រូវ និងការផ្តល់ជំនួយឧបត្ថម្ភតាមតម្រូវការចាំបាច់។ ជាមួយគ្នានេះ ការផ្តល់ព័ត៌មានអាចជួយអ្នកជំងឺក្នុងស្ថានភាពអាសន្នណាមួយ អាចជួយសង្រ្គោះទាន់ពេលវេលា។
លោកកើត ឆែ អភិបាលរងរាជធានីភ្នំពេញបានឲ្យដឹងដែរថា អាជ្ញាធរនឹងដាក់ស្លាកតាមផ្ទះពេលមានអ្នកជំងឺកំពុងព្យាបាលតាមផ្ទះ ដើម្បីជូនដំណឹងក្រើនរំលឹកដល់អ្នករស់នៅជុំវិញចូលរួមតាមដាន ឬរាយការណ៍ដល់អាជ្ញាធរមូលដ្ឋានករណីមានអ្នកល្មើស ដើម្បីជាប្រយោជន៍ដល់សុខភាពសាធារណៈ។
លោកបន្តថា សមាជិកគ្រួសារក្នុងដំបូលផ្ទះតែមួយ ក្នុងពេលមានអ្នកជំងឺសម្រាកព្យាបាល ហាមដាច់ខាតការចេញដំណើរទៅក្រៅមិនថាប្រកបអាជីវកម្ម ឬការដើរហើរគោលដៅណាមួយ។ ជាមួយគ្នានេះ ទាំងអ្នកប៉ះពាល់ទាំងអ្នកជំងឺត្រូវដាក់ខ្លួន ១៤ ថ្ងៃ ក្រោយបញ្ចប់ការព្យាបាល។ លោកក៏លើកឡើងពីទិដ្ឋភាពផ្លូវច្បាប់មានការដាក់ទោសវិន័យ សម្រាប់អ្នកល្មើសអាចពិន័យជាទឹកប្រាក់និងជាប់ពន្ធនាគារ។
ក្នុងសេចក្តីប្រកាសចុះថ្ងៃទី ២០ ខែមិថុនា ឆ្នាំ ២០២១ រដ្ឋមន្រ្តីក្រសួងសុខាភិបាល លោក ម៉ម ប៊ុនហេង បានសម្រេចឱ្យអ្នកជំងឺកូវីដ-១៩ កម្រិតស្រាលឬគ្មានរោគសញ្ញាក្នុងរាជធានីភ្នំពេញ អាចទទួលការព្យាបាលដាច់ដោយឡែកនៅផ្ទះដោយខ្លួនឯង ក្រោមការផ្តល់ប្រឹក្សាពីគ្រូពេទ្យ និងគ្រប់គ្រងរបស់អាជ្ញាធរមូលដ្ឋានតាមនីតិវិធីប្រតិបត្តិស្តង់ដារថ្មី។ ការដាក់ចេញគោលការណ៍ឱ្យអ្នកជំងឺកូវីដ-១៩ កម្រិតស្រាលព្យាបាលនៅផ្ទះ ដើម្បីជួយសម្រាលបន្ទុករបស់ក្រុមគ្រូពេទ្យនិងថវិកាចំណាយរបស់រដ្ឋ ស្របពេលស្ថានភាពរីករាលដាលនៃជំងឺផ្លូវដង្ហើមថ្មីមួយនេះមិនមានសញ្ញាថមថយ។
ដោយឡែកថ្មីៗនេះ រដ្ឋាភិបាលក៏បានដាក់ចេញឱ្យអនុវត្តគោលការណ៍ណែនាំការប្រើប្រាស់តេស្តរហ័សរកអង់ទីហ្សែនកូវីដ-១៩ នៅតាមស្ថាប័នរដ្ឋ និងឯកជន ដើម្បីអាចកំណត់មុខសញ្ញាអ្នកផ្ទុកមេរោគកូវីដ-១៩ ឱ្យបានឆាប់រហ័ស និងទាន់ពេល ខណៈការឆ្លងរាលដាលនៃជំងឺកូវីដ-១៩ ព្រមទាំងការប្រឈមរលកទី ៣ បង្កឡើងដោយមេរោគបំប្លែងថ្មីដែលតា (Delta) បានដាក់សម្ពាធបន្ថែម និងបានបន្តគំរាមកំហែងដល់សុខុមាលភាពប្រជាជន និងប្រព័ន្ធសុខាភិបាលសាធារណៈរបស់កម្ពុជា៕
អត្ថបទ៖ ប៊ុណ្ណារ៉ា
អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត
ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ
ក្រសួងការងារ និងបណ្តុះបណ្តាលវិជ្ជាជីវៈ បើកវគ្គបណ្តុះបណ្តាលលើជំនាញផ្នែកកំបោរក្នុងវិស័យសំណង់
ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត
មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
កីឡា៥ ថ្ងៃ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ agoតាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ agoនាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ agoដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ agoមនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ