ព័ត៌មានជាតិ
ផ្ទះពលរដ្ឋជាង៦៥០ខ្នង កំពុងរងផលប៉ះពាល់ដោយជំនន់ទឹកភ្លៀងនៅស្រុកភ្នំព្រឹក
ខេត្តបាត់ដំបង៖ បើគិតមកទល់នឹងថ្ងៃទី១៦ ខែកក្កដា ឆ្នាំ២០២១នេះ ផ្ទះប្រជាពលរដ្ឋចំនួន៦៥៦ខ្នងបាន រងនូវផលប៉ះពាល់យ៉ាងធ្ងន់ធ្ងរដោយជំនន់ទឹកភ្លៀងនៅស្រុកភ្នំព្រឹក។ អាជ្ញាធរក្នុងតំបន់នោះបានឱ្យដឹងថា ភូមិចំនួន១២ ក្នុងឃុំចំនួន៤ នៃស្រុកភ្នំព្រឹក ខេត្តបាត់ដំបង បានរងគ្រោះដោយ ជំនន់ទឹកភ្លៀង និងប៉ះពាល់ផ្ទះប្រជាពលរដ្ឋសរុបចំនួន ៦៥៦ ខ្នងផ្ទះ។
លោក យ៉ាន ឧត្តម នាយករងសាខាកាកបាទក្រហម ទទួលបន្ទុកគ្រោះមហន្តរាយខេត្តបាត់ដំបង បានឱ្យដឹងបន្ថែមថា ផ្ទះប្រជាពលរដ្ឋចំនួន៧៤ខ្នង លិចទាំងស្រុង នឹងបានជម្លៀសទៅកាន់ទីទួលសុវត្ថិភាព ហើយគ្រួសាររងផលប៉ះពាល់តិចតួច ៥៨២គ្រួសារ។
បន្ថែមពីនោះ ជំនន់ទឹកភ្លៀងបានបង្កឱ្យដាច់លូប្រអប់២កន្លែង ផ្លូវគ្រួសក្រហម ចំណុចស្រែ១០០ ភូមិបួរ ប្រវែង ៣០០ម៉ែត្រ និងនៅភូមិអូរជ្រៃ ឃុំបារាំងធ្លាក់ ប្រវែង ១៥០ម៉ែត្រ។ លោកបញ្ជាក់ថា គ្រោះមហន្តរាយនេះមិនបង្កឱ្យប៉ះពាល់ដល់ជីវិតមនុស្សសត្វនោះទេ។
បើតាមអាជ្ញាធរស្រុកភ្នំព្រឹកបានឱ្យដឹងថា ជំនន់ទឹកភ្លៀងបានវាយប្រហារឃុំចំនួន៤ ក្នុងស្រុកភ្នំព្រឹក មានឃុំពេជ្រចិន្តា ឃុំភ្នំព្រឹក ឃុំបារាំងធ្លាក់ និងឃុំបួរ បន្ទាប់ពីភ្លៀងធ្លាក់ខ្លាំងនៅថ្ងៃទី១៤ និង១៥ ខែកក្កដា ដែលបង្កផលប៉ះពាល់ផ្ទះពលរដ្ឋ ផលដំណាំ និងផ្លូវថ្នល់អស់ជាច្រើន។ មកទល់ពេលនេះអាជ្ញាធរបញ្ជាក់ថាស្ថានភាពជំនន់ទឹកភ្លៀងបានស្រកវិញបណ្តើរៗហើយ៕
អត្ថបទ៖ សោ និយមរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ