ព័ត៌មានជាតិ
សាលាឯកជនមួយចំនួនបានផ្អាកដំណើរការសិក្សាជាបណ្តោះអាសន្ន
ភ្នំពេញ៖ សាលាឯកជនមួយចំនួនបានសម្រេចផ្អាកដំណើរការសិក្សាជាបណ្តោះអាសន្នដោយសារស្ថានភាពជំងឺកូវីដ-១៩។
លោក ហេង វ៉ាន់ដា ប្រធានក្រុមប្រឹក្សាភិបាលសមាគមគ្រឹះស្ថានឧត្តមសិក្សាកម្ពុជា បានមានប្រសាសន៍នៅថ្ងៃទី១៦ ខែកក្កដានេះថា សាលាខ្លះបានផ្អាកទាំងស្រុងតែម្តង ដោយសារមិនអាចទប់ទល់នឹងការចំណាយបាន ដែលបណ្តាលមកពីស្ថានភាពកូវីដ-១៩នៅតែអូសបន្លាយយូរ។
លោកបានបន្តថា ពិសេសសាខាសាលានៅតាមខេត្ត ភាគច្រើនបានផ្អាកដំណើរការ។ បើមាន បើកតែសាខាណាដែលអាចរៀនតាមអនឡាញបានប៉ុណ្ណោះ តែមានតិចតួចទេ។
យ៉ាងណាក៏ដោយ លោក ហេង វ៉ាន់ដា មិនបានដឹងថា តើមានសាលារៀនប៉ុន្មានបានផ្អាកដំណើរការនោះទេ ព្រោះថារឿងផ្អាកបែបនេះមិនបានប្រកាសជាផ្លូវការ និងមិនបានរាយការណ៍មកសមាគមនដែរ។
លោកបានបន្ថែមថា ប៉ុន្តែពេលសាលារដ្ឋ និងឯកជនបើកដំណើរការឡើងវិញ សាលាទាំងនោះអាចនឹងបើកឡើងវិញដែរដោយអាចបើកនៅទីតាំងចាស់ ឬក៏រកទីតាំងថ្មី។
កាលពីថ្ងៃទី១៦ ខែមិថុនា ឆ្នាំ២០២១ វិស័យឯកជនបានដាក់សំណើ៧ចំណុចឱ្យក្រសួងអប់រំយុវជន និងកីឡាជួយដោះស្រាយបញ្ហាប្រឈមនានារបស់គ្រឹះស្ថានសិក្សាឯកជននៅទូទាំងប្រទេសក្នុងកំឡុងពេលមានវិបត្តិជំងឺកូវីដ‑១៩ ក្នុងនោះមានការសុំបើកសាលារៀនឡើងវិញផងដែរ។
ចំពោះសំណើសុំបើកសាលារៀនឡើងវិញនេះ ត្រូវបានវិស័យឯកជន ដែលមានលោក ហេង វ៉ាន់ដា ប្រធានក្រុមការងារ វិស័យអប់រំនៃវេទិការាជរដ្ឋាភិបាល-ផ្នែកឯកជន បានជួបប្រជុំជាមួយលោកបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំយុវជន និងកីឡា កាលពីថ្ងៃទី២៣ ខែមិថុនា ឆ្នាំ២០២១ តាមប្រព័ន្ធវីដេអូ។ ប៉ុន្តែរហូតមកដល់ពេលនៅមិនទាន់មានការឆ្លើយតបពីរដ្ឋាភិបាលនៅឡើយទេ៕
អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ