ព័ត៌មានជាតិ

ជាសញ្ញាល្អ នៅថ្ងៃទី១៧កក្កដា នេះ ខេត្តរតនគិរី មិនមានអ្នកឆ្លងជំងឺកូវីដទេ និងមានអ្នកជាសះស្បើយជាង៣០នាក់

បានផុស

៣ years មុន

នៅ

ថ្ងៃអាទិត្យ ១៨ កក្កដា ២០២១

ដោយ

រដ្ឋបាលខេត្តរតនគិរី ថ្ងៃទី១៧ ខែកក្កដា ឆ្នាំ២០២១ បានប្រកាសមិនមានករណីឆ្លងជំងឺកូវីដ-១៩ ទេ និងមានអ្នកជាសះស្បើយចំនួន៣១នាក់ ត្រូវបានអនុញ្ញាតឲ្យវិលត្រឡប់ទៅផ្ទះវិញ និងតាមដានសុខភាពបន្តរយៈពេល១៤ថ្ងៃបន្ថែមទៀត។ នេះជាសញ្ញាល្អមួយសម្រាប់ខេត្តរតនគិរី ដែលអាចកាត់ផ្ដាច់ការឆ្លងរីករាលដាលនៃជំងឺដ៏កាចសាហាវនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមបញ្ជាក់ថា នៅថ្ងៃទី១៧ ខែកក្កដា ឆ្នាំ២០២១ ក្រុមការងារឆ្លើយតបបន្ទាន់មន្ទីរសុខាភិបាល នៃរដ្ឋបាលខេត្តរតនគិរី បានយកសំណាកនាក់ពាក់ព័ន្ធជាមួយបុគ្គលវិជ្ជមានកូវីដ-១៩ ចំនួន៣២៨នាក់ តែពុំបានរកឃើញករណីវិជ្ជមានជំងឺកូវីដ-១៩ឡើយសូម្បីតែ១នាក់។

ដោយឡែកនៅថ្ងៃទី១៧ ដដែលនេះ មានអ្នកជំងឺកូវីដ-១៩ ចំនួន៣១នាក់ ត្រូវបានក្រុមគ្រូពេទ្យអនុញ្ញាតឲ្យចេញពីមណ្ឌលព្យាបាល និងត្រូវបន្ដធ្វើចត្តាឡីស័កដោយខ្លួនឯងរយៈពេល១៤ថ្ងៃ ដើម្បីតាមដានសុខភាពមុននឹងប្រាស្រ័យទាក់ទងជាមួយអ្នកដទៃ។

សូមបញ្ជាក់ថា គិតត្រឹមថ្ងៃទី១៧ ខែកក្កដា ឆ្នាំ២០២១ ខេត្តរតនគិរី មានអ្នកវិជ្ជមានជំងឺកូវីដ-១៩ សរុបចំនួន ៦៣៦នាក់ ព្យាបាលជាសះស្បើយចំនួន៣៤៩នាក់ និងស្លាប់ចំនួន៤នាក់៕

អត្ថបទ ៖ វុទ្ធឦសាន