Connect with us

ព័ត៌មានជាតិ

ពេទ្យខេត្តកោះកុង ជួយសម្រាលកូនជូនស្រ្តីវិជ្ជមានកូវីដ-១៩ ចំនួន១០ករណី

បានផុស

នៅ

កោះកុង៖ កងទ័ពអាវសនៃមន្ទីរពេទ្យបង្អែកខេត្តកោះកុង បានជួយសម្រាលកូនជូនស្រ្តីដែលមានផ្ទុះជំងឺកូវីដ-១៩បានចំនួន១០ករណីទៀត ទោះពួកគាត់ត្រូវប៉ះពាល់គ្រប់ពេលវេលាទៅនឹងជំងឺកូវីដ-១៩ក៏ដោយ។

ជាង១ខែមកនេះ ក្រុមគ្រូពេទ្យផ្នែកសម្ភពនៃមន្ទីរពេទ្យខេត្តកោះកុងដែលធ្វើការជួរមុខបានជួយសង្រ្គោះ និងសម្រាល​ស្រ្តីដែលកើតជំងឺកូវីដ-១៩ បាន១០ករណី បើគិតចាប់ពីថ្ងៃទី១៦ ខែមិថុនា ដល់ថ្ងៃទី១៨ ខែកក្កដា ឆ្នាំ២០២១នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិត ហៃ ឡៃសុន ប្រធានមន្ទីរពេទ្យបង្អែកខេត្តកោះកុង មានប្រសាសន៍ថា ក្រុមគ្រូពេទ្យនៅតែបេ្តជ្ញាខ្ពស់ខិតខំប្រឹងប្រែងបំពេញកាតព្វកិច្ចយ៉ាងខ្លាំងក្លា ទាំងសេវាសម្រាកកូនជូនពលរដ្ឋ និងព្យាបាលជំងឺកូវីដ-១៩ ឥតរារែក ទោះបីដឹងថាជាការងារប្រឈមមុខខ្ពស់នឹងការឆ្លងពីជំងឺកូវីដ-១៩យ៉ាងណាក៏ដោយ ក៏គ្រូពេទ្យអនុវត្តការងារប្រកប​ដោយការទទួលខុសត្រូវខ្ពស់ចំពោះមុខមិនខ្លាចរអា។

លោកវេជ្ជបណ្ឌិត ហៃ ឡៃសុន អះអាងថា រាល់អ្នកជំងឺដែលបានសម្រាលកូនរួចរាល់ហើយពុំមានអាការៈធ្ងន់ធ្ងរអ្វីទេក្រោយសម្រាករយៈពេល៤៨ម៉ោង គឺមានសុខភាពមាំមួនល្អ។ លុះដល់៧២ម៉ោងក្រុមគ្រូពេទ្យបន្តបញ្ចូនស្រ្តី និងកូនទៅអគារព្យាបាលកូវីដ-១៩ កម្រិតស្រាល ដូច្នេះគ្រូពេទ្យមិនទាន់បានធ្វើតេស្តសុខភាពទារកថាមានផ្ទុកកូវីដដែរឬទេ ដោយប្រគល់ភារកិច្ចគ្រូពេទ្យនៅមណ្ឌលព្យាបាលកម្រិតស្រាលស្រាវជ្រាវអាការៈបន្ត។

លោកប្រធានមន្ទីរពេទ្យ បន្ថែមថា ក្នុងចំណោមស្រ្តីដែលបានសម្រាលកូននៅមន្ទីរពេទ្យទាំង១០នាក់កន្លងទៅ គឺមានស្រ្តីម្នាក់ត្រូវបានសម្រាលដោយវះកាត់។ បញ្ហាបើករណីអាការៈឈឺធ្ងន់ធ្ងរ ជាក់ស្តែងកាលពីថ្ងៃទី១៧ ខែកក្កដា មានស្រ្តីរលាកផ្លូវដង្ហើម និងទារកម្នាក់ឈ្លក់ទឹកភ្លោះ រស់នៅភូមិ៤ សង្កាត់ដងទង់ ទើបរក្សាទុកនៅមន្ទីរពេទ្យតាមពិនិត្យព្យាបាលបន្ថែម ហើយព្យាបាលមានអាការៈល្អប្រសើរនឹងបញ្ចូនទៅមណ្ឌលព្យាបាលកម្រិតស្រាលនានាដូចជាវិទ្យាល័យកោះកុង និងវិទ្យាល័យចាំយាមជាដើម។

លោកវេជ្ជបណ្ឌិត ហៃ ឡៃសុន ប្រធានមន្ទីរពេទ្យខេត្ត បង្ហាញថា ព្រឹកថ្ងៃទី១៨ កក្កដានេះ ក្រុមការងារបច្ចេកទេសបានបញ្ចប់ដំណើរការតម្លើងប្រព័ន្ធអុកស៊ីហ្សែនរួចរាល់ ដើម្បីព្យាបាលអ្នកជំងឺកូវីដ-១៩។

លោកវេជ្ជបណ្ឌិត មន្រ្តីពេទ្យ និងបុគ្គលិកនៃមន្ទីរពេទ្យ ក៏ដូចជាអ្នកជំងឺផ្ទាល់ និងក្រុមគ្រួសារ សូមថ្លែងអំណរគុណយ៉ាងជ្រាលជ្រៅចំពោះលោកស្រី មិថុនា ភូថង អភិបាលខេត្តកោះកុង ថ្នាក់ដឹកនាំមន្ទីរអង្គភាពនានាទាំងអស់ ជាពិសេសសប្បុរសជនដែលបានជួយឧបត្ថម្ភថវិកា សម្ភារៈដល់មន្ទីរពេទ្យក្នុងការជួយសង្គ្រោះថែទាំព្យាបាលអ្នកជំងឺឱ្យកាន់តែមានគុណភាព ប្រសិទ្ធភាព និងសមធម៌។

ទន្ទឹមនោះ មន្រ្តីជំនាញ ក៏ក្រើនរម្លឹកជាថ្មីថា បើស្រឡាញ់អាណិត បារម្ភគ្រួសារ ជាពិសេសមនុស្សចាស់ជរា ស្ត្រីមានផ្ទៃពោះ ក្មេងតូចៗ និងទារកនៅផ្ទះ ដែលគ្នាមិនដឹងអីសោះ សូមបងប្អូនកុំនាំជំងឺមកចម្លងពួកគាត់ និងមេត្តាចូលរួមអនុវត្តវិធានការសុខាភិបាល ៣ការពារ៣កុំ កាត់បន្ថយការជួបជុំគ្នា និងសូមកុំមើលស្រាលជំងឺកូវីដ-១៩ឱ្យសោះ៕

អត្តបទ៖ សិរីវឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ នាទី មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​ស្តីពី​សុវត្ថិភាព​អគ្គិភ័យ​នៅតាម​សហគ្រាស គ្រឹះស្ថាន

ព័ត៌មានជាតិ៣ ម៉ោង មុន

រដ្ឋមន្ត្រីពាណិជ្ជកម្មកូរ៉េ សរសើរថាកម្ពុជារីកចម្រើនឆាប់រហ័ស និងបង្ហាញបំណងពង្រីក បណ្តាក់ទុនវិនិយោគបន្ថែម

បច្ចេកវិទ្យា៣ ម៉ោង មុន

អ្នកជំនាញនិយាយថា “យុគមាសរបស់ Apple នៅក្នុងប្រទេសចិនបានបញ្ចប់ហើយ”

សេចក្ដីជូនដំណឹង៣ ម៉ោង មុន

ការលក់សំបុត្រថ្ងៃសុក្ររបស់ក្រុមហ៊ុន Vietjet មានតម្លៃកាន់តែទាបសម្រាប់ការធ្វើដំណើរទៅប្រទេសវៀតណាម និងគោលដៅធ្វើដំណើរផ្សេងៗទៀតពេញមួយឆ្នាំ

សេចក្ដីជូនដំណឹង៤ ម៉ោង មុន

ការសិក្សារបស់ក្រុមហ៊ុន Visa បានបង្ហាញថា ការប្រើប្រាស់សាច់ប្រាក់សុទ្ធ នៅតែបន្តរីកសុះសាយនៅក្នុងប្រទេសកម្ពុជា ដែលផ្ទុយពីនិន្នាការក្នុងតំបន់អាស៊ីអាគ្នេយ៍

Sokha Hotels

ព័ត៌មានពេញនិយម