ព័ត៌មានជាតិ
អភិបាលរងខេត្តរតនគិរីក្រើនរំលឹកពលរដ្ឋក្រោយចាក់វ៉ាក់សាំងកូវីដ-១៩ដូសទី១ រួច
ខេត្តរតនគិរី៖ អភិបាលរងខេត្តរតនគិរី ក្រើនរំលឹកទៅដល់ប្រជាពលរដ្ឋដែលទទួលបានការចាក់វ៉ាក់សាំងប្រឆាំងនឹងជំងឺកូវីដ-១៩ដូសទី១ កុំជិះសេះលែងដៃ សូមបន្តការអនុវត្តនូវវិធានការរបស់ក្រសួងសុខាភិបាល និងអនុវត្ត “៣កុំ ៣ការពារ” ឱ្យបានខ្ជួាប់ខ្ជួន និងត្រឹមត្រូវជាទីបំផុត បើទោះបីក្រោយពីបានចាក់វ៉ាក់សាំងរួចហើយក្តី ព្រោះនេះជាជម្រើសដ៏ចាំបាច់ និងត្រូវតែអនុវត្តគ្រប់ៗគ្នា ដើម្បីរួមគ្នាប្រយុទ្ធប្រឆាំងនឹងជំងឺកូវីដ-១៩ មិនឱ្យមានការឆ្លងរីករាលដាលក្នុងសហគមន៍បន្តទៀត។
លោក ញ៉ែម សំអឿន អភិបាលរងខេត្តរតនគិរី និងជាអ្នកនាំពាក្យរដ្ឋបាលខេត្ត បានមានប្រសាសន៍ នៅសៀលថ្ងៃទី១៨ ខែកក្កដា ឆ្នាំ២០២១នេះថា យុទ្ធនាការចាក់វ៉ាក់សាំងជូនដល់ប្រជាពលរដ្ឋក្នុងក្រុងបានលុងរយៈពេល៦ថ្ងៃមកនេះ បានចំនួន៥៣% ក្នុងចំនួនប្រជាពលរដ្ឋដែលនឹងត្រូវចាក់វ៉ាក់សាំងប្រមាណជិត២មុឺននាក់។ លោកបន្តថា បន្ទាប់ពីបញ្ចប់យុទ្ធនាការក្រុងបានលុងរដ្ឋបាលខេត្តនឹងបន្តចាក់ជូនប្រជាពលរដ្ឋតាមបណ្តាស្រុកនានាតាមផែនការដែលបានកំណត់បន្តទៀត ដើម្បីឆ្លើយតបនឹងផែនការរបស់រាជរដ្ឋាភិបាលកម្ពុជា ដែលនឹងគ្រោងចាក់វ៉ាក់សាំងជូនប្រជាពលរដ្ឋនៅទូទាំងប្រទេសឱ្យបាន១០លាននាក់នៅបំណាច់ឆ្នាំ២០២១នេះ។
ជាមួយគ្នានេះ លោក ញ៉ែម សំអឿន បានបន្តអំពាវនាវទៅដល់ប្រជាពលរដ្ឋក្នុងក្រុងបានលុង សូមអញ្ជើញមកទទួលការចាក់វ៉ាក់សាំងឱ្យបានគ្រប់ៗគ្នា ដើម្បីខ្លួនឯង គ្រួសារ និងសហគមន៍គ្មានជំងឺកូវីដ-១៩។ ម្យ៉ាងទៀតសូមអាជ្ញាធរមូលដ្ឋាន បន្តផ្សព្វផ្សាយអំពីវិធានការរបស់ក្រសួងសុខាភិបាល ពិសេសតាមមូលដ្ឋានចំពោះអ្នកមកពីក្រៅ ដើម្បីបានដឹង និងយកមកធ្វើតេស្ត និងធ្វើចត្តាឡីស័កបានទាន់ពេលវេលា។
សូមបញ្ជាក់ថា គិតត្រឹមថ្ងៃទី១៧ ខែកក្កដា ឆ្នាំ២០២១ ខេត្តរតនគិរី មាន អ្នកវិជ្ជមានជំងឺកូវីដ-១៩ សរុប ចំនួន ៦៣៦នាក់ ព្យាបាល ជាសះស្បើយ សរុបចំនួន ៣៤៩នាក់ និងស្លាប់ ចំនួន ៤នាក់៕
អត្ថបទ៖ វុទ្ធឦសាន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង