ព័ត៌មានជាតិ
តំបន់ណាដែលផ្ទុះជំងឺកូវីដ-១៩ក្នុងខេត្តកោះកុង នឹងត្រូវធ្វើតេស្តរហ័ស
កោះកុង៖ អភិបាលរងខេត្តកោះកុង ទទួលបន្ទុកខាងប្រយុទ្ធនឹងជំងឺកូវីដ-១៩ អះអាងថា តំបន់រស់នៅរបស់ពលរដ្ឋតាមមូលដ្ឋានភូមិឃុំស្រុកណាដែលផ្ទុះជំងឺកូវីដ-១៩ច្រើនជាងគេ នឹងតម្រូវឱ្យពលរដ្ឋយកសំណាកធ្វើតេស្តរហ័សរកមេរោគ និងបញ្ចូនទៅព្យាបាលឱ្យបានទាន់ពេលវេលាបំផុត។
លោក ទូ សាវុធ អភិបាលរងខេត្តកោះកុង លើកឡើងថា តបនឹងអ្វីដែលជាការណែនាំរបស់លោកស្រី មិថុនា ភូថង អភិបាលខេត្ត លើជាវិធានការទប់ស្កាត់នឹងជំងឺកូវីដ-១៩ គឺតំបន់ណាដែលរកឃើញអត្រាឆ្លងជំងឺកូវីដ-១៩ ខ្លាំងជាងគេ នឹងត្រូវអនុវត្តការធ្វើតេស្តយកសំណាកទៅពិនិត្យរហ័សចំពោះគ្រប់ប្រជាពលរដ្ឋក្នុងមូលដ្ឋានទាំងនោះ។
ការលើកឡើងយ៉ាងដូច្នេះរបស់លោក ទូ សាវុធ ធ្វើឡើងក្រោយការអនុវត្តធ្វើតេស្តរហ័សទៅលើថ្នាក់ដឹកនាំខេត្ត កងកម្លាំងប្រដាប់អាវុធ និងមន្រ្តីរាជការនៃមន្ទីរអង្គភាពនានាជុំវិញរកមេរោគកូវីដ-១៩អស់ពេល៣ថ្ងៃមកនៅបណ្តាអគារព្យាបាលនីមួយៗទូទាំងខេត្ត។
លោកអភិបាលរងខេត្ត បន្ថែមថា ក្រៅពីការផ្ទុះជំងឺកូវីដនៅក្រុងខេមរភូមិន្ទ និងស្រុកមណ្ឌលសីមា ក្រុមគ្រូពេទ្យនឹងទៅធ្វើតេស្តនៅឃុំថ្មស ស្រុកបូទុមសាគរ និងឃុំកោះស្តេច ស្រុកគិរីសាគរ ខណៈឃុំថ្មរកឃើញជាង១០០មានវិជ្ជមានកូវីដ-១៩ រីឯឃុំកោះស្តេចមានមនុស្ស១៤នាក់។
ចាប់ពីថ្ងៃទី១៨ ដល់ថ្ងៃទី២០ ខែកក្កដា នៃការធ្វើតេស្តរហ័សក្នុងចំណោមថ្នាក់ដឹកនាំមន្រ្តីរាជការទូទាំងខេត្តជាច្រើនរយនាក់ មន្រ្តីសុខាភិបាលខេត្តបានរកឃើញមានមន្រ្តីរាជការស៊ីវិលសរុបចំនួន១០នាក់មានវិជ្ជមានកូវីដ-១៩ ហើយបានបញ្ចូនទៅសម្រាកព្យាបាលនៅមណ្ឌលព្យាបាលក្នុងបរិវេនវិទ្យាល័យកោះកុង។
តាមការអង្កេតរបស់រដ្ឋបាលខេត្ត និងមន្ទីរអង្គភាពនីមួយៗឃើញថា មានក្រុមមន្រ្តីរាជការបានចូលរួមសហការបានល្អប្រសើរទៅតាមកាតព្វកិច្ចរបស់ពួកគេរៀងៗខ្លួន ក្នុងន័យដឹងប្រាកដប្រជាអំពីជំងឺកូវីដ-១៩ដោយស្ម័គ្រចិត្តព្យាបាលឥតជំទាស់គ្មានការខ្មាសអៀន។ ព្រោះលាក់បាំងព័ត៌មានពីជំងឺកូវីដ ជាកត្តាហានិភ័យគ្រោះថ្នាក់បំផុតទៅដល់សាច់ញាតិក្រុមគ្រួសារ និងពលរដ្ឋដ៏ទៃទៀតក្នុងសហគមន៍នាពេលបច្ចុប្បន្ននេះ៕
អត្តបទ៖ សិរីវឌ្ឍនៈ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ