ព័ត៌មានជាតិ
ដាច់ចិត្តម្ល៉េះ ប្រពន្ធទើបឆ្លងទន្លេបាន២០ថ្ងៃប្តីសម្រេចបញ្ចប់ជីវិតដោយចងក
ភ្នំពេញ ៖ ពិតជាគួរឲ្យរន្ធត់ចិត្ត ខណៈដែលបុរសម្នាក់គិតខ្លីដាច់ចិត្តបញ្ចប់ជីវិតដោយចងកសម្លាប់ខ្លួន ចោលប្រពន្ធដែលទើបនិងឆ្លងទន្លេបាន២០ថ្ងៃប៉ុណ្ណោះ។
ហេតុការណ៍នេះបានកើតឡើង កាលពីវេលាម៉ោង១០និង៣០នាទីព្រឹក ថ្ងៃទី២០ ខែកក្កដានៅចំណុចចំការស្វាយ ភូមិសំរោងក្អែរ២ ឃុំសំរោងធំ ស្រុកកៀនស្វាយ ខេត្តកណ្តាល។
ជនរងគ្រោះដែលសម្រេចចិត្តសម្លាប់ខ្លួននេះឈ្មោះ អ៊ុ លីហៀង អាយុ២៦ឆ្នាំមុខរបរកម្មករសំណង់ស្នាក់នៅក្នុងភូមិកើតហេតុ។
តាមការបំភ្លឺពីឈ្មោះ សេង ស្រីលីស អាយុ២៨ឆ្នាំ ដែលត្រូវជាប្រពន្ធសពបានឲ្យនគរបាលដឹងថា កាលពីរសៀលថ្ងៃទី១៩ ខែកក្កដា ប្តីរបស់ខ្លួន(ជនរងគ្រោះ) បានមកសុំលុយ៣០០០រៀលទៅទិញសាច់ក្លែម។ ប៉ុន្តែពេលនោះប្រពន្ធកំពុងបំបៅដោះកូនង៉ែតពុំទាន់យកលុយឲ្យ ធ្វើឲ្យបុរសជាប្តីខឹងក៏ទាត់កង្ហារមួយជើងបណ្តាលឲ្យបាក់។ ភ្លាមនោះប្រពន្ធបានស្តីបន្ទោសថា ខ្លួនឯងនេះយកស្រាជាធំមិនដឹងថា ប្រពន្ធជាប់រវល់បំបៅដោះកូនសោះ។
ប្រពន្ធសពបន្តថា ពេលស្តីបន្ទោសរួចខ្លួនបានយកលុយក្រដាស៥០០០០រៀលហុចឲ្យប្តីហើយប្តីក៏ចេញទៅបាត់។ លុះប្រមាណជាមួយសន្ទុះធំប្តីបានយកលុយអាប់មកវិញសល់៤៧០០០រៀលឲ្យខ្លួនជាប្រពន្ធរួចដើរទៅចំការក្រោយផ្ទះបាត់ទៅ។ ហើយដោយបាត់យូរពេកប្រពន្ធបានដើររកប្តីតែមិនឃើញរួចក៏ចូលដេកទៅ។ លុះដល់ព្រឹកឡើងថ្ងៃទី២០ ខែកក្កដា វេលាម៉ោង១០និង៣០នាទីខ្លួនចេញទៅរកម្តងទៀតក៏ប្រទះឃើញប្តីចងកសម្លាប់ខ្លួនក្រោមដើមស្វាយបាត់ទៅហើយ។
ប្រពន្ធសពបានរៀបរាប់ប្រាប់នគរបាលថា មិនគួរប្តីគាត់ខ្លីដល់ថ្នាក់ដាច់ចិត្តសម្លាប់ខ្លួនចោលប្រពន្ធនិងកូនង៉ែតទើបបាន២០ថ្ងៃនេះសោះ។ តើឲ្យនាងសង្ឃឹមទៅលើអ្នកណា?៕
ដោយ ៖ នរា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង