ព័ត៌មានជាតិ
ឆេះទូកកណ្ដាលសមុទ្រ ម្នាក់ស្លាប់ ១០ នាក់រួចជីវិត
ហេតុការណ៍អគ្គិភ័យឆេះទូកឈើរត់ឈ្នួលមួយនៅកណ្ដាលសមុទ្រ បណ្ដាលឱ្យមនុស្សម្នាក់ស្លាប់ និង១០ នាក់ត្រូវសង្គ្រោះទាន់ពេល។
ទូកឈើរត់ឈ្នូលមួយគ្រឿង ខណៈកំពុងធ្វើដំណើរតាមសមុទ្រស្រាប់តែផ្ទុះបែកផ្កាភ្លើងឆាបឆេះយ៉ាងសន្ធោរសន្ធៅនៅលើផ្ទៃសមុទ្រជាហេតុធ្វើឱ្យអ្នកដំណើរនាំគ្នាលោតចុះទឹកគេចចេញពីអណ្តាតភ្លើង ដែលមានផ្សែងខ្មួលខ្មាញ់។
ហេតុការណ៍នេះ បានកើតមានឡើងនៅម៉ោង ១០៖២០នាទីព្រឹកថ្ងៃទី២១ ខែកក្តដាឆ្នាំ២០២១ ស្ថិតនៅចំណុច ចន្លោះពីផែសហគមន៍ភូមិដេីមថ្កូវ សង្កាត់កោះរ៉ុង ក្រុងកោះរ៉ុង ក្នុងដំណើរឆ្ពោះទៅកាន់ដីគោកខេត្តព្រះសីហនុ។ ម្ចាស់ទូកបានប្រាប់ថា មូលហេតុនៃការឆេះ មកពីធ្លាយទុយោប្រេងម៉ាស៊ីន ទៅប៉ះនិងបំពង់ស៊ីម៉ាំង ទើបធ្វើឱ្យឆេះតែម្ដង។
សមត្ថកិច្ចក្រុងកោះរ៉ុងបានឲ្យដឹងថា ក្រោយមានឧបទ្ទវហេតុកើតឡើងគេបានឃើញទូកអូប័រល្បឿនលឿនរបស់លោកឧកញ៉ា ទៀ វិចិត្រ បានមកធ្វើការជួយសង្គ្រោះប្រជាពលរដ្ឋដែលជនរងគ្រោះកំពុងតោងធុងនិងបន្ទះស្នោរបណ្តែតខ្លួននៅលើផ្ទៃទឹក។សមត្ថកិច្ចបានឲ្យដឹងថា ទូកយន្តដែលឆេះនេះ មានដឹកមនុស្សប្រុសស្រីចាស់ក្មេងចំនួន១១នាក់។
ទូកដឹកបន្លែចំនួន១គ្រឿងនេះមានទំហំ ទទឹង៣.៤ម៉ែត្រ បណ្តោយ១៣ម៉ែត្រ ម៉ាស៊ីន១៣០សេស ម្ចាស់ឈ្មោះ រត្ន័ ឧត្តម ភេទប្រុស អាយុ២៦ ឆ្នាំ ទីលំនៅបច្ចុប្បន្នភូមិកោះរ៉ុងសន្លឹម សង្កាត់កោះរ៉ុងសន្លឹម ក្រុងកោះរ៉ុង ខេត្តព្រះសីហនុ។
សមត្ថកិច្ចបានឲ្យដឹងទៀតថា តាមការបំភ្លឺរបស់តៃកុងទូក នៅលេីទូកមានដឹកមនុស្សចំនួន១១នាក់ ស្រី០៥នាក់បានចេញដំណេីរពីផែសហគមន៍ភូមិដេីមថ្កូវ សង្កាត់កោះរ៉ុង ក្រុងកោះរ៉ុងទៅផែ៥២ សង្កាត់១ ក្រុងព្រះសីហនុ ខេត្តព្រះសីហនុ លុះដល់កន្លែងកេីតហេតុ ម៉ាស៊ីនបានធ្លាយទុយោប្រេង ប៉ះនឹងបំពង់ស៊ីម៊ាំងម៉ាស៊ីនទូកបណ្តាលឱ្យមានភ្លេីងឆាបឆេះយ៉ាងខ្លាំង។
ករណីនេះបណ្តាល ជនរងគ្រោះជាអ្នកដំណើរម្នាក់ ឈ្មោះហ៊ីង ស្រស់ ភេទស្រី អាយុ៥០ឆ្នាំស្លាប់។ សពរស់នៅភូមិដេីមថ្កូវ សង្កាត់កោះរ៉ុង ក្រុងកោះរ៉ុង។ដោយឡែកបុរសតៃកុងទូកបានរងរបួសធ្ងន់ផងដែរ៕
អត្ថបទ៖ ស៊ុយ ចាន់ធា
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»