ព័ត៌មានជាតិ
បុរសចំណាស់ចេញពីគុក មិនកែ ជក់ថ្នាំញៀន បំផ្លាញទ្រព្យ វាយប្រពន្ធកូន ត្រូវអាវុធហត្ថឃាត់ខ្លួន
ខេត្តបន្ទាយមានជ័យ៖ ជនសង្ស័យវ័យចំណាស់ម្នាក់ធ្លាប់ជាប់គុក ចេញមកវិញមិនកែខ្លួន ជក់ថ្នាំញៀនទៀត មកដល់ផ្ទះបំផ្លាញព្រទ្យសម្បត្តិ និងវាយប្រពន្ធកូនឱ្យរបួស ត្រូវអាវុធហត្ថឃាត់ខ្លួនបាននៅល្ងាចថ្ងៃទី២០ ខែ កក្កដា ឆ្នាំ២០២១។ ការឃាត់ខ្លួនជនសង្ស័យនេះ យោងតាមពាក្យបណ្ដឹងរបស់ជនរងគ្រោះឈ្មោះ ជួន វិធីវិន ភេទស្រី អាយុ៤៨ឆ្នាំ រស់នៅភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ក្នុងករណីប្តីបំផ្លាញព្រទ្យសម្បត្តិ និងវាយប្រពន្ធកូន។
លោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែតបានឱ្យដឹងថា ក្រោយពីទទួលបានពាក្យប្តឹង លោកបានដឹកនាំកម្លាំងអាវុធហត្ថ១ក្រុមចុះដល់កន្លែងកើតហេតុ ឃាត់ខ្លួនជនសង្ស័យត្រូវជាប្ដីមកមូលដ្ឋានកងរាជអាវុធហត្ថក្រុងដើម្បីសួរនាំ។
ប្រពន្ធបាននិយាយថា ប្ដីរបស់គាត់ឈ្មោះ ជិម រ៉ា អាយុ៥៥ឆ្នាំ ធ្លាប់ជាប់គុក១ឆ្នាំមកហើយ ពេលចេញពីគុកមកវិញ មិនគិតរកសីុ ដើរជក់ថ្នាំញៀនឡើងចង់ឆ្កួត មកដល់ផ្ទះវាយព្រទ្យសម្បត្តិ និងប្រពន្ធកូនមិនដែលលោះថ្ងៃឡើយ។ លុះនៅថ្ងៃទី១៩ ខែកក្កដា ឆ្នាំ២០២១នេះ ប្ដីគាត់មកពីជក់ថ្នាំញៀនវិញបានវាយព្រទ្យសម្បត្តិ និងប្រពន្ធកូនឱ្យរងរបួសគ្រប់គ្នារហូតស៊ូទ្រាំនឹងប្តីធ្វើបាបបន្តទៀតមិនបាន ក៏ដាក់ពាក្យប្តឹងឱ្យអាវុជហត្ថឃាត់ខ្លួនតែម្តង។
ដោយផ្អែកលើពាក្យបណ្ដឹង និងការស្ដាប់ចម្លើយរបស់ជនសង្ស័យ បានបញ្ជូនមកបញ្ជាការដ្ឋានកងរាជអាវុធហត្ថខេត្តចាត់ការបន្ត។
លោកវរសេនីយ៍ឯក ម៉ែន ភិរម្យ មេបញ្ជាការរងកងរាជអាវុធហត្ថខេត្ត ទទួលការងារយុត្តិធម៌បានបញ្ជាក់ថា ការឃាត់ខ្លួនជនសង្ស័យខាងលើ ធ្វើឡើងដោយទទួលតាមបទបញ្ជារបស់លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត។ ជនសង្ស័យត្រូវបានកម្លាំងការិយាល័យព្រហ្មទណ្ឌកងរាជអាវុធហត្ថខេត្តបញ្ជូនទៅសាលាដំបូងខេត្តចាត់ការតាមច្បាប់ហើយនៅរសៀលថ្ងៃពុធ ទី២១ ខែកក្កដា ឆ្នាំ២០២១នេះ៕
អត្ថបទ៖ វ៉ាន់ ណាង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ