កម្ពុជាប្តេជ្ញារក្សាឱ្យបាននិរន្តរភាពប្រព័ន្ធ​​ស្បៀងនៅឆ្នាំ២០៣០
Connect with us
Helistar Cambodia - Helicopter Charter Services

ព័ត៌មានជាតិ

កម្ពុជាប្តេជ្ញារក្សាឱ្យបាននិរន្តរភាពប្រព័ន្ធ​​ស្បៀងនៅឆ្នាំ២០៣០

បានផុស

នៅ

ភ្នំពេញ៖ រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានប្តេជ្ញាថា កម្ពុជានឹងរក្សាឱ្យបាននូវនិរន្តរភាពប្រព័ន្ធស្បៀងនៅឆ្នាំ២០៣០ ដើម្បីធានាឱ្យបាននូវសន្តិសុខស្បៀង អាហារូបត្ថម្ភ ប្រកបដោយគុណភាព សុវត្ថិភាព និងសុខុមាលភាពជូនដល់ប្រជាជនគ្រប់រូប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក វេង សាខុន រដ្ឋមន្រ្តីក្រសួងកសិកម្ម រុក្ខាប្រ​មាញ់ និងនេសាទ បានមានប្រសាសន៍ថាដើម្បីរក្សាឱ្យបាន​និរន្តរ​ភាព​ប្រព័ន្ធស្បៀងនៅឆ្នាំ២០៣០  កម្ពុជាបានកំណត់ចក្ខុវិស័យប្រែក្លាយកសិកម្មកម្ពុជាឱ្យទៅជា​កសិកម្ម​​ទំនើប​មានលក្ខណៈប្រកួតប្រជែង បរិយាប័ន្ន ធន់នឹងការប្រែប្រួលអាកាសធាតុ និងនិរន្តរភាព បង្កើនប្រាក់ចំណូល វិបុល​ភាព និងសុខុមាលភាព។

ថ្លែង នៅក្នុងកិច្ចប្រជុំលើកទី១០ តាមប្រព័ន្ធ វីដេអូ ជាមួយក្រុមការងារបច្ចេកទេសចម្រុះដើម្បីពិភាក្សា និងពិនិត្យវឌ្ឍ​នភាព​លើវិស័យសន្តិសុខស្បៀង និងអាហារូបត្ថម្ភ  លោករដ្ឋមន្ត្រី​បានស្នើឱ្យរួមគ្នាអនុវត្តគោល​នយោ​បាយ​​អភិវឌ្ឍន៍​កសិកម្ម​ឆ្នាំ​២០២១-២០៣០ ដោយបន្តជំរុញការអនុវត្ត​កសិ​កម្មល្អ “GAP” បង្កើតកសិដ្ឋាន GAP/​សហគមន៍​កសិកម្ម GAP ផលិត​កម្មកសិកម្មតាមកិច្ចសន្យា។ បង្កើនផលិតភាព ពិពិ​ធកម្ម ការកែច្នៃកសិផល និងពាណិជ្ជូប​នីយកម្ម ការប្រើ​ប្រាស់​បច្ចេកវិទ្យាបៃតង បច្ចេកវិទ្យាវៃឆ្លាតនឹងអាកាសធាតុ បង្កើនផលិតភាព និងប្រសិទ្ធភាពប្រើ​ប្រាស់ធន​ធានដីទឹក​និង​ធនធានសេនេទិក​ និងការ​ប្រឹក្សា​បច្ចេកទេសកសិកម្មទំនើប។​

លោករដ្ឋមន្ត្រីបានបន្តទៀតថា ជាងនេះក៏ត្រូវបង្កើនការកសាងហេដ្ឋារចនាសម្ព័ន្ធគាំទ្រកសិកម្ម (ទឹកផ្លូវភ្លើង និង​ហិរញ្ញវត្ថុ​) និងបង្កើន​ឥណ​ទាន​កសិកម្ម​ដែលមានការប្រាក់ទាប បន្ទូរបន្ថយនូវរបាំងបច្ចេកទេស និងលក្ខខណ្ឌ​តម្រូវ​នានា និង​កសិធុរកិច្ចស្បៀង​អាហារ “ការផ្គត់ផ្គង់ស្បៀងអាហារគ្មានព្រំដែន ​បង្កើត​ឱ្យ​មាន​ការស្តុកស្បៀង​អាហារ និងប្រព័ន្ធស្បៀងបម្រុង​ជាសាកលទាំង​ក្នុង​តំបន់ក្នុងប្រទេស និងតាម​សហគមន៍។

ត្រូវសហការអនុវត្ត និងគិតគូរប្រើប្រាស់ស្បៀងអាហារវៃឆ្លាតនៅពេលអនាគត ដោយពិនិត្យផលិតផលដែលមានអាហារូបត្ថម្ភខ្ពស់ដូចជាសណ្តែក បន្លែស្លឹកខៀវ ផែ្ល និងមើម ផ្លែឈើសំខាន់ៗ សាច់ ត្រី ស៊ុត ទឹកដោះគោ និងអនុផលព្រៃឈើ ដែលមាននៅតាមមូលដ្ឋានជាដើម។

លោករដ្ឋមន្ត្រី សង្ឃឹមថា អន្តរស្ថាប័នពាក់ព័ន្ធទាំងអស់នឹងចូល​រួមសហការដើ​តាម​ផែនទី​បង្ហាញ​ផ្លូវនេះ ដើម្បីឆ្ពោះទៅសម្រេចគោលដៅចំបងសម្រាប់ប្រទេសជាតិយើង គឺការធានាឱ្យ​បាននូវសន្តិសុខស្បៀង អាហា​រូបត្ថម្ភ ប្រកបដោយគុណភាព សុវត្ថិភាព និងសុខុមាលភាពជូនដល់ប្រជាជនគ្រប់រូប៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២២ វិនាទី មុន

រង្វាន់​ធំ $10,000 បាន​ផ្លាស់​ប្តូរជីវិត​អ្នកលក់​ចាប់ហួយ​ទាំងស្រុង​ក្នុងពេល​លំបាក​នា​សម័យ​កូ​វីដ19

កីឡា៣១ នាទី មុន

ជូនពរ​អត្ត​ព​លិ​ក​កម្ពុជា ក្នុងការ​ប្រកួត Tokyo Olympic Games 2020 ល្ងាច​នេះ

ព័ត៌មានជាតិ៣៧ នាទី មុន

វ៉ាក់សាំង​ស៊ី​ណូ​វ៉ា​ក់ ១​លាន​ដូ​ស​បន្ថែម​ទៀត នឹង​មកដល់​កម្ពុជា​នៅ​ព្រឹកស្អែក​នេះ

ជីវិតកម្សាន្ដ៤២ នាទី មុន

ភរិយា​ស្ដេច​ប្រដាល់ អេ ភូ​ថង បញ្ជាក់​ពី​ស្ថានភាព​ជំងឺ​ស្វាមី

សេចក្ដីជូនដំណឹង១ ម៉ោង មុន

សេចក្តីជូនដំណឹង ស្តីពីការងារ ជួសជុលផ្លូវ​មេតុង​មេ ដាក់លូ សាងសង់ក្បាលលូ និង​ដាក់​ស្លាកព័ត៌មាន នៅ​ភូមិតាគម ឃុំពាមឯក ស្រុកឯកភ្នំ ខេត្តបាត់ដំបង

Sokha Hotels

ព័ត៌មានពេញនិយម

Helistar Cambodia - Helicopter Charter Services