ព័ត៌មានជាតិ
ហ៊ានណាស់ ទុកដល់ក្រោយផ្ទះហើយ ចូលទៅលួចបានទៀត ទីបំផុតប៉ូលិសតាមចាប់វាយខ្នោះ
ជនសង្ស័យក្នុងអំពើចោរកម្មម្នាក់ត្រូវបានប៉ូលិសស្រុកសំរោងតាមប្រម៉ាញ់និងចាប់ខ្លួនបាន ក្រោយលួចរថយន្តបានសម្រេច និងព្យាយាមគេចខ្លួន។
ជនសង្ស័យក្នុងករណីនេះ ត្រូវបានឃាត់ខ្លួននៅថ្ងៃទី២១ ខែកក្កដា ឆ្នាំ២០២១ វេលាម៉ោង១៤និង១០នាទី ក្រោមការណែនាំចង្អុលបង្ហាញពីសំណាក់លោក សុខ សំណាង ស្នងការនគរបាលខេត្តតាកែវ ដោយកម្លាំងជំនាញអធិការនគរបាលស្រុកសំរោង សហការជាមួយប៉ុស្តិ៍នគរបាលរដ្ឋបាលបឹងត្រាញ់ខាងជើង នៅចំណុចផ្លូវជាតិលេខ៣ ចន្លោះគីឡូម៉ែត្រ ៦១-៦២ ស្ថិតនៅក្នុងភូមិខ្នាចខាងត្បូង ឃុំបឹងត្រាញ់ខាងជើង ស្រុកសំរោង ខេត្តតាកែវ។
ជនសង្ស័យមានឈ្មោះ ជួន វីឡា ភេទប្រុស អាយុ២៩ ឆ្នាំ ទីកន្លែងកំណើតនៅភូមិយាយអុក ឃុំជ្រាំងម្ទេស ស្រុកស្វាយទាប ខេត្តស្វាយរៀង ស្នាក់នៅផ្ទះជួលក្នុងសង្កាត់ចោមចៅទី១ ខណ្ឌពោធិ៍សែនជ័យ។ រថយន្តដែលបានលួចម៉ាក TOYOTA TACOMA ពណ៌ទឹកប្រាក់ ស៊េរីឆ្នាំ២០០០ ពាក់ស្លាកលេខភ្នំពេញ2AA 6339 កម្មសិទ្ធរបស់ឈ្មោះ ឡោ ប៊ុនថេង ភេទប្រុស អាយុ២៩ឆ្នាំ មានទីលំនៅភូមិក្របីត្រាំ ឃុំជង្រុក ស្រុកគងពិសី ខេត្តកំពង់ស្ពឺ។
តាមការបញ្ជាក់ពីម្ចាស់រថយន្តថា ខណៈដែលគាត់ទុករថយន្តនៅក្រោយផ្ទះមិនបានប្រយ័ត្នក៏ត្រូវជនសង្ស័យខាងលើចូលទៅលួចនិងជិះគេចតែម្តង ទើបបានរាយការទៅសមត្ថកិច្ចសំអន្តរាគមន៍។
បច្ចុប្បន្នជនសង្ស័យនិងវត្ថុតាង ត្រូវបានកម្លាំងជំនាញស្រុកសំរោងកសាងសំណុំរឿងបញ្ជូនទៅស្នងការដ្ឋាននគរបាលខេត្តតាកែវ ចាត់ការបន្តតាមនីតិវីធី៕
អត្ថបទ ៖ វីរៈ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង