ព័ត៌មានជាតិ
មេបញ្ជាការតំបន់ប្រតិបត្តិការសឹករងកំពង់ធំ ផ្ដល់អំណោយស្បៀងអាហារ ជូនគ្រួសារយោធិន
ឧត្តមសេនីយ៍ទោសោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បាននាំយកអំណោយស្បៀងអាហារ ដែលជាជំនួយឧបត្ថម្ភរបស់សប្បុរសជន ក្នុងវិស័យមនុស្សធម៌ ផ្ដល់ជូនដល់ក្រុមគ្រួសារយោធិនដែលមានជីវភាពលំបាកខ្វះខាត ១២ គ្រួសារ ដែកកំពុងតែរស់នៅក្នុងបន្ទាយជាមួយស្វាមី នៃបញ្ជាការតំបន់ប្រតិបត្តិការសឹករងកំពង់ធំ ស្ថិតនៅភូមិថ្នល់បែក ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ នៅព្រឹកថ្ងៃទី២២ ខែកក្កដា ឆ្នាំ២០២១។
ឧត្តមសេនីយ៍ទោ សោម ស៊ុន បានថ្លែងអំណរគុណដ៏ជ្រាលជ្រៅជាទីបំផុត ចំពោះសប្បុរសជននានាដែលបានជួយឧបត្ថម្ភស្បៀងអាហារក្នុងវិស័យមនុស្សធម៌ ជួយដល់ការលំបាកខ្វះខាត របស់ក្រុមគ្រួសារអតីតយុទ្ធជន និងគ្រួសារយោធិន ក៏ដូចជាប្រជាពលរដ្ឋដែលជួបការលំបាកខ្វះខាត។
មេបញ្ជាការតំបន់ប្រតិបត្តិការសឹករងកំពង់ធំ បានណែនាំដល់គ្រួសារយោធិនទាំងអស់ ដែលរស់នៅក្នុងបន្ទាយ ត្រូវខិតខំបង្កបង្កើនផល ចិញ្ចឹមសត្វ ដើម្បីដោះស្រាយជីវភាពគ្រួសារ រួមផ្សំនឹងគោលរបបរបស់ស្វាមី ដែលថ្នាក់លើបានផ្ដល់ជូន និងសូមឱ្យគ្រួសារយោធិនទាំងអស់ ត្រូវតែប្រុងប្រយ័ត្នការពារខ្លួន ឲ្យជៀសផុតពីជំងឺកូវីដ១៩ ដោយត្រូវអនុវត្តឱ្យបានត្រឹមត្រូវ តាមវិធានការនានារបស់ក្រសួងសុខាភិបាល ៣ការពារនិង ៣កុំ របស់សម្ដេចតេជោ ហ៊ុន សែន។
ចំណែកស្បៀងអាហារ ដែលបានជួយឧបត្ថម្ភជូនគ្រួសារយោធិន ដែលមានជីវភាពលំបាកខ្វះខាតនៅពេលនេះ ដោយក្នុងមួយគ្រួសារទទួលបាននូវអង្ករចំនួន២៥ គីឡូក្រាម មីមួយកេស ទឹកត្រីមួយយួរ និងត្រីខកំប៉ុងមួយយួរ សម្រាប់ដោះស្រាយជីវភាពប្រចាំថ្ងៃ។ គ្រួសារយោធិន បានគោរពថ្លែងអំណរគុណ ចំពោះសប្បុរសជន និងថ្នាក់ដឹកនាំនៃបញ្ជាការដ្ឋានតំបន់ប្រតិបត្តិការសឹករងកំពង់ធំ ដែលជានិច្ចកាលតែងតែផ្សារភ្ជាប់ពីសុខទុក្ខ និងជីវភាពរស់នៅរបស់យោធិន ទូទាំងអង្គភាព និងជូនពរឯកឧត្តម អស់លោក លោកស្រីសម្បុរសជន ទាំងអស់បានជួបតែសេចក្តីសុខ សេចក្តីចម្រើន និងប្រកបដោយពុទ្ធពរទាំងបួនប្រការ និងសម្រេចជោគជ័យគ្រប់ភារកិច្ច៕
អត្ថបទ៖ ប៊ុន រដ្ឋា
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៨ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ