ព័ត៌មានជាតិ
សម្តេចតេជោ ហ៊ុន សែន៖ ទោះបីស្ថិតក្នុងតម្លៃណាក៏ដោយ កម្ពុជាត្រូវតែចាក់វ៉ាក់សាំងចាក់ជូនប្រជាពលរដ្ឋ ដើម្បីការពារជីវិត
ថ្លែងក្នុងពិធីទទួលវ៉ាក់សាំងបង្ការជំងឺកូវីដ-១៩ ប្រភេទអាស្ត្រាហ្សេនីកា (AstraZeneca) ជាជំនួយរបស់រដ្ឋាភិបាលជប៉ុន នាយប់ថ្ងៃទី២៣ ខែកក្កដា ឆ្នាំ២០២១ នេះ សម្ដេចតេជោ ហ៊ុន សែន បានមានប្រសាសន៍ថា បើទោះបីស្ថិតក្នុងតម្លៃណាក៏ដោយ កម្ពុជាត្រូវតែចាក់វ៉ាក់សាំងចាក់ជូនប្រជាពលរដ្ឋ ដើម្បីការពារជីវិតកុំឲ្យស្លាប់ ហើយនេះជាសិទ្ធិដំបូងបំផុត ដែលប្រជាពលរដ្ឋត្រូវតែទទួលបាន។
សម្ដេចតេជោ ហ៊ុន សែន លើកឡើងយ៉ាងនេះថា “ទោះបីស្ថិតក្នុងតម្លៃណាក៏ដោយ វាក់សាំងត្រូវតែរកមកជូនប្រជាជនកម្ពុជា ហើយក៏មានអ្នកខ្លះធ្វើអត្ថាធិប្បាយថា ប្រហែលជាមរតកធំបំផុតរបស់ ហ៊ុន សែន គឺវ៉ាក់សាំង ប៉ុន្តែខ្ញុំសូមបញ្ជាក់ត្រឡប់ទៅវិញថា មរតករបស់ ហ៊ុន សែន មិនមែនមានត្រឹមតែវ៉ាក់សាំងនោះទេ មរតករបស់ ហ៊ុន សែន បានយកប្រជាជនចេញពីការស្លាប់ នៅថ្ងៃ៧ មករា ១៩៧៩ មរតករបស់ ហ៊ុន សែន ក៏បានយកប្រជាពលរដ្ឋចេញពីសង្គ្រាម នាំមកនូវសន្តិភាព និងការអភិវឌ្ឍរហូតមកដល់សព្វថ្ងៃ ហើយមរតករបស់ ហ៊ុន សែន មានច្រើនទៀត”។
មានប្រសាសន៏នៅក្នុងឳកាសនោះដែរ សម្តេចបានរំលឹកថា “ខ្ញុំមិនចង់បានមរតក ឬមិនមរតកអ្វីទេ អ្វីដែលជាការចង់បានរបស់ខ្ញុំ គឺសុខមាលភាពរបស់ប្រជាជន ជីវិតរបស់ប្រជាជន ត្រូវបានរស់រាន ហើយសិទ្ធជាដំបូងរបស់ប្រជាពលរដ្ឋ មិនមែនបញ្ចេញមតិ ឬប្រជាធិបតេយ្យនោះទេ គឺសិទ្ធិរស់រានមានជីវិត ដែលត្រូវតែទទួលបាន ដូច្នេះទោះបីអ្នកណាចង់និយាយអី ក៏និយាយទៅ តិចទៀនច្បាប់កម្ពុជា ក៏តិចទៀនទៅចុះ តែច្បាប់កម្ពុជាធ្វើដើម្បីការពារជីវិតមនុស្ស។
អ្នកចង់និយាយពីអ្វី ក៏និយាយតាមចិត្តអ្នកចង់ ក៏ប៉ុន្តែអ្វីដែលខ្ញុំចង់បាន និងកំពុងធ្វើ គឺការពារជីវិតប្រជាជន កុំអោយស្លាប់”។
បើតាមសម្តេចតេជោ ហ៊ុន សែន “ទោះបីជាយើងខិតខំការពារ ក៏យើងមិនអាចឃាត់មនុស្សមិនឲ្យស្លាប់បានដែរ ដូច្នេះការរៀបចំក្តារមឈូស ដែលគេចាត់ទុកថា ជាការប្រមាថជីវិតនោះ តែជាការគោរពរបស់ខ្ញុំចំពោះសាកសពទាំងឡាយ ដែលបានស្លាប់ដោយកូវីដ១៩ ខ្ញុំមិនចង់ឃើញប្រជាជនកម្ពុជាណាម្នាក់ នៅពេលមរណភាពដោយកូវីដ១៩ ហើយបែរជាត្រូវរុំនឹងកន្ទេលហើយយកទៅកប់ ឬបូជានោះទេ”៕ កោះកែវ
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត