ព័ត៌មានជាតិ
ក្រុមគ្រូពេទ្យ នៃតំបន់ប្រតិបត្តិការសឹករងកំពង់ធំ បន្តដំណើរទៅស្រុកជីក្រែង ដើម្បីចាក់វ៉ាក់សាំងជូនពលរដ្ឋនៅទីនោះ
(កំពង់ធំ)៖ ដោយអនុវត្តបទបញ្ជា លោកមេបញ្ជាការ រងកងទ័ពជើងគោក មេបញ្ជាការយោធភូមិភាគទី៤ ក្រោយពីបានបិទបញ្ចប់យុទ្ធនាការ ចាក់វ៉ាក់សាំងម្ជុលទី១ ជូនប្រជាពលរដ្ឋចំនួនជិត៩.០០០នាក់ នៅ២ឃុំ របស់ស្រុកប្រាសាទបាគង ខេត្តសៀមរាបរួចរាល់, ពេលនេះក្រុមគ្រូពេទ្យ នៃតំបន់ប្រតិបត្តិការសឹករងកំពង់ធំ បានបន្តដំណើរ ដើម្បីអនុវត្តយុទ្ធនាការ ចាក់វ៉ាក់សាំងម្ជុលទី១ ជូនប្រជាពលរដ្ឋ រស់នៅឃុំខ្វាវ ស្រុកជីក្រែង ខេត្តសៀមរាប នៅព្រឹកថ្ងៃទី២៥ ខែកក្កដា ឆ្នាំ២០២១នេះ។
លោកឧត្ដមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានសំណេះសំណាលប្រគល់ភារកិច្ច និងជូនដំណើរក្រុមគ្រូពេទ្យ រួមទាំងក្រុមការងារចាក់វ៉ាក់សាំង ការពារជំងឺកូវីដ-១៩ នៃបញ្ជាការដ្ឋានតំបន់ប្រតិបត្តិការសឹករងកំពង់ធំ ចំនួន៣៦នាក់ ទៅកាន់ទីតាំងចាក់វ៉ាក់សាំង ជូនប្រជាពលរដ្ឋនៅឃុំខ្វាវ ស្រុកជីក្រែង ខេត្តសៀមរាប បន្តទៀត។
លោកឧត្ដមសេនីយ៍ទោ សោម ស៊ុន មានប្រសាសន៍ថា ដើម្បីឆ្លើយតបតាមបទបញ្ជារបស់ថ្នាក់លើ ឲ្យមានប្រសិទ្ធភាពក្រុមគ្រូពេទ្យ និងក្រុមការងារទាំងអស់ ត្រូវបំពេញភារកិច្ចប្រកបដោយស្មារតី ទទួលខុសត្រូវខ្ពស់តាមផ្នែកជំនាញនីមួយៗ ដែលបានប្រគល់ និងត្រូវប្តេជ្ញាចិត្តដាច់ខាត ដោយឆន្ទៈមុះមុត ក្នុងការប្រយុទ្ធប្រឆាំងមេរោគកូវីដ-១៩ ដោយត្រូវធ្វើយ៉ាងណា ឲ្យប្រជាពលរដ្ឋទទួលបានវ៉ាក់សាំងគ្រប់ៗគ្នា ដើម្បីការពារអាយុជីវិតរបស់គាត់ ជៀសផុត ពីការឆ្លងជំងឺដ៏កាចសាហាវនេះ។
ជាមួយគ្នានេះ មេបញ្ជាការតំបន់ប្រតិបត្តិការសឹករងកំពង់ធំ បានណែនាំដល់ក្រុមគ្រូពេទ្យ និងក្រុមការងារទាំងអស់ ត្រូវប្រុងប្រយ័ត្នជាប់ជានិច្ច ដោយមិនត្រូវធ្វេសប្រហែស ក្នុងមួយវិនាទីណាឡើយ ក្នុងការការពារខ្លួនឯងម្នាក់ៗ ដោយត្រូវអនុវត្តតាមវិធានការ របស់ក្រសួងសុខាភិបាល ពិសេសវិធានការ ៣ការពារ និង៣កុំ របស់សម្តេចតេជោហ៊ុន សែន នាយករដ្ឋមន្ត្រីនៃកម្ពុជា ឲ្យបានម៉ឺងម៉ាត់បំផុត។
លោកឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានប្រគល់ជូន នូវសម្ភារៈបរិក្ខាពេទ្យ សម្រាប់ការពារខ្លួន ក្នុងពេលបំពេញភារកិច្ច និងឧបត្ថម្ភជូននូវស្បៀងអាហារ និងថវិកា សម្រាប់ដោះស្រាយ ជីវភាពប្រចាំថ្ងៃជូនក្រុមគ្រូពេទ្យ និងក្រុមការងារ ព្រមទាំងបានលើកទឹកចិត្ត ឲ្យខិតខំបំពេញភារកិច្ច ដើម្បីទទួលបានជោគជ័យផងដែរ៕ (ដោយ)៖ ប៊ុន រដ្ឋា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ