ឃាត់យុវជនម្នាក់​ពីបទសេពសន្ថវៈ​ជាមួយកុមារី​ជាអនិតិជន​នៅស្រុកសាមគ្គីមានជ័យ

កំពង់ឆ្នាំង យុវជនម្នាក់ត្រូវបានម្តាយក្មេងស្រីប្ដឹងសមត្ថកិច្ចឱ្យឃាត់ខ្លួន​បន្ទាប់ពីចោទប្រកាន់ថារួមភេទជាមួយកូន​ស្រីអាយុ ១៤ឆ្នាំ។ ហេតុការណ៍ឃាត់ខ្លួនខាងលើនេះបានធ្វើឡើងនៅថ្ងៃទី២៥ ខែកក្កដា នៅចំណុចវាលស្រែខាងក្រោយផ្ទះចម្ងាយ៥គីឡូម៉ែត្រ ដែលស្ថិតក្នុងភូមិថ្មីខ្មែរ ឃុំត្បែងខ្ពស់ ស្រុកសាមគ្គីមាន​ជ័យ ខេត្តកំពង់ឆ្នាំង។

សមត្ថកិច្ចនគបាលមូលដ្ឋានបានឱ្យដឹងថា​ បុរសជនសង្ស័យដែលត្រូវបានឃាត់ខ្លួនក្នុងករណីនេះមាន ឈ្មោះ យឿន សាវី អាយុ១៧ឆ្នាំ ជនជាតិខ្មែរ មុខរបរកសិ ករមានទីលំនៅបច្ចុប្បន្ន ភូមិត្បែងខ្ពស់ ឃុំត្បែងខ្ពស់ ស្រុកសាមគ្គីមានជ័យ ខេត្តកំពង់ឆ្នាំង។

ចំណែកកុមារីរងគ្រោះមាន ឈ្មោះ ព.ធ.រ ភ អាយុ១៤ឆ្នាំ ជនជាតិខ្មែរ មុខរបរសិស្ស មានទីលំនៅបច្ចុប្បន្ន ភូមិ​ថ្មីខ្មែរ ឃុំត្បែងខ្ពស់ ស្រុកសាមគ្គីមានជ័យ ខេត្តកំពង់ឆ្នាំង។

សមត្ថកិច្ចបានបញ្ជាក់ថាតាមបណ្ដឹ ងរបស់ម្ដាយកុមារីរងគ្រោះឱ្យដឹងថា ជនសង្ស័យខាងលើបានរួមភេទជាមួ យកូនស្រីខ្លួន ចំនួន៣ដង រហូត មកដល់ថ្ងៃទី២៥ ខែកក្កដា ទើបម្តាយរបស់ជនរងគ្រោះដឹង និងបានមកដាក់ពាក្យបណ្តឹងនៅប៉ុស្តិ៍នគរបាលរដ្ឋបាល ទើបឈានដល់ការឃាត់ខ្លួនជនសង្សយ័តែម្តង។

លោកអធិការនគបាលស្រុកសាមគ្គីមានជយ័បានឱ្យដឹងតាមទូរស័ព្ទនៅល្ងាចថ្ងៃទី២៥ ខែកក្ដដានេះថា នៅចំពោះមុខសមត្ថកិច្ចទាំងជនសង្សយ័ និងជនរងគ្រោះបានឆ្លើយថាពួកគេស្រឡាញ់គ្នា និងបានរួមភេទជាមួយគ្នា៣ដងហើយ។ ក៏ត្រូវម្តាយខាងស្រីប្តឹងសមត្ថកិច្ចឃាត់តែម្តង។

ករណីនេះសមត្ថកិច្ចបានកសាងសំណុំរឿងបញ្ជូនជនសង្ស័យទៅស្នងការដ្ឋាននគរបាលខេត្តកំពង់ ឆ្នាំងចាត់ការបន្តតាមនិតិវិធី៕ អត្ថបទ៖ឈៀងថារិទ្ធ