ព័ត៌មានជាតិ
និស្សិតឆ្នើម២រូប ដែលត្រូវបន្តការសិក្សា នៅប្រទេសបារាំង ទទួលបានថវិកាក្នុងម្នាក់ ១ម៉ឺនដុល្លារ
លោកបណ្ឌិត ប៉ែន ស៊ីម៉ន តំណាងរាស្រ្តមណ្ឌលខេត្តកំពត និងជាប្រធានគណៈកម្មការអង្កេត បោសសំអាត និងប្រឆាំងអំពើពុករលួយ នៃរដ្ឋសភាជាតិ ព្រមទាំងជាប្រធានមូលនិធិសម្រាប់និស្សិតខេត្តកំពត អមដំណើរដោយលោក ជាវ តាយ អភិបាល នៃគណៈអភិបាលខេត្តកំពត និងលោក ជឹង ផល្លា ប្រធានក្រុមប្រឹក្សាខេត្ត កាលពីចុងសប្ដាហ៍កន្លងទៅនេះ បានអញ្ជើញជាអធិបតី ក្នុងពិធីសំណេះសំណាល និងប្រគល់ប្រាក់សោហ៊ុយវិភាជន៍ និងជូនដំណើរនិស្សិតឆ្នើម របស់ខេត្តកំពតឆ្នាំ២០២១ ចំនួន២រូប ដើម្បីទៅបន្តការសិក្សានៅតាមគ្រឹះស្ថាននានា នៃសាធារណរដ្ឋបារាំង ដែលពិធីនេះបានប្រារព្ធធ្វើ នៅសាលសន្និសីទបូកគោ នៃសាលាខេត្តកំពត។
និស្សិតឆ្នើមទាំង២រូប របស់ខេត្តកំពតប្រចាំឆ្នាំ២០២១ រួមមាន៖ ទី១-និស្សិតឈ្មោះ សុខ អាយលិ ភេទប្រុស ដែលត្រូវទៅបន្តការសិក្សាថ្នាក់អនុបណ្ឌិតទេ្វ (Double Master Degree) ផ្នែក (Industrial performance and Mechatronics System ) នៅសាលាជាតិជាន់ខ្ពស់រ៉ែ Alès (IMT Mines d’Alès)។ ទី២-និស្សិតឈ្មោះ ឆាយ លីអាន ភេទប្រុស ត្រូវទៅបន្តការសិក្សាផ្នែកវិទ្យាសាស្ត្រវិស្វកម្មនៅ Télécom Sud de Paris នៃវិទ្យាស្ថានពហុបច្ចេកទេសក្រុងប៉ារីស (Institut Polytechnique de Paris)។
នាឱកាសនោះលោកបណ្ឌិត ប៉ែន ស៊ីម៉ន បានប្រគល់នូវសោហ៊ុយវិភាជន៍ ដល់និស្សិតឆ្នើមទាំង២នាក់ ក្នុងម្នាក់ៗទទួលបាន ចំនួន១ម៉ឺនដុល្លារអាមេរិក និងបានផ្តាំផ្ញើដល់និស្សិតឆ្នើមទាំង២ ត្រូវបន្តខិតខំសិក្សារៀនសូត្រ ស្រូបយកចំណេះដឹងបទពិសោធន៍ល្អៗ ដើម្បីយកមកបម្រើប្រជាជន និងប្រទេសជាតិ តាមជំនាញរបស់ខ្លួន។ ជាចុងបញ្ចប់លោកបណ្ឌិត ប៉ែន ស៊ីម៉ន ក៏បានជូនពរដល់និស្សិតទាំង២ សូមមានសុខភាពល្អ និងទទួលបានជោគជ័យក្នុងការសិក្សា ដើម្បីក្លាយជាសសរទ្រូង ក្នុងការអភិវឌ្ឍន៍ប្រទេសជាតិ នាពេលអនាគត៕ (ដោយ)៖ ឃួន សុភ័ក្រ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ