ព័ត៌មានជាតិ
អ្នកស្រាវជ្រាវ ៖ ការចាក់វ៉ាក់សាំងដល់កុមារ និងយុវវ័យ នឹងផ្ដល់សារៈសំខាន់ដល់កម្ពុជា ក្នុងទិដ្ឋភាពចំនួន៣
អ្នកជំនាញផ្នែកស្រាវជ្រាវ បានលើកឡើងថា យុទ្ធនាការចាក់វ៉ាក់សាំងការពារជំងឺកូវីដ-១៩ ដល់កុមារ និង យុវវ័យ អាយុចាប់ពី១២ ដល់១៧ឆ្នាំ នឹងផ្ដល់សារៈសំខាន់ដល់ប្រទេសកម្ពុជា ក្នុងទិដ្ឋភាព៣សំខាន់ៗ។ ការលើកឡើងនេះ គ្រាដែលសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅថ្ងៃទី១ ខែសីហា ឆ្នាំ២០២១ខាងមុខ នឹងអញ្ជើញជាអធិបតីដ៏ខ្ពង់ខ្ពស់ ក្នុងពិធីបើកយុទ្ធនាការចាក់វ៉ាក់សាំងដល់កុមារ និងយុវវ័យអាយុចាប់ពី១២ឆ្នាំ ដល់១៧ឆ្នាំ នៅវិមានសន្តិភាព។
លោកបណ្ឌិត ឆេង គីមឡុង អនុប្រធានវិទ្យាស្ថានចក្ខុវិស័យអាស៊ី(AVI) និងនាយកនៃមជ្ឈមណ្ឌលនវានុវត្តន៍ផ្នែកអភិបាលកិច្ច និងប្រជាធិបតេយ្យ បានថ្លែងប្រាប់អ្នកសារព័ត៌មានកម្ពុជាថ្មីថា ការចាក់វ៉ាក់សាំងការពារជំងឺកូវីដ-១៩ ដល់កុមារ និងយុវវ័យ អាយុចាប់ពី១២ ដល់១៧ឆ្នាំ គឺនឹងផ្ដល់ផលប្រយោជន៍សំខាន់ៗ ចំនួន៣ទិដ្ឋភាព រួមមាន៖ ទី១. ពង្រឹងភាពស៊ាំនៅក្នុងសង្គម ទី២. ពង្រឹងសុខភាពសាធារណៈ និងទី៣. ពង្រឹងផ្នែកសេដ្ឋកិច្ច។
លោកបណ្ឌិត ឆេង គីមឡុង បានថ្លែងបញ្ជាក់ថា ការផ្ដល់វ៉ាក់សាំងដល់កុមារ និងយុវវ័យនេះ នឹងជួយការពារពីការឆ្លងដល់កុមារខ្លួនឯងផង និងមនុស្សនៅជុំវិញកុមារផង។ ម្យ៉ាងទៀត ការផ្ដល់វ៉ាក់សាំងដល់កុមារ ក៏ជួយបង្កើនភាពស៊ាំក្នុងសង្គម ជាពិសេសបង្ការការឆ្លងជំងឺកូវីដ-១៩ បំប្លែងខ្លួនថ្មី ដែលកំពុងរាតត្បាត នៅបណ្ដាប្រទេសមួយចំនួននៅលើពិភពលោក។ លើសពីនេះទៀត យុទ្ធសាស្រ្ដចាក់វ៉ាក់សាំងដល់កុមារ ក៏នឹងធានាបាននូវសន្តិសុខសាធារណៈ ដែលសំដៅទៅលើផ្នែកសុខាភិបាល ព្រមទាំងលទ្ធភាពដល់ប្រទេសកម្ពុជាជំរុញ និងស្ដារសេដ្ឋកិច្ចឡើងវិញ លើគ្រប់វិស័យ។
អនុប្រធានវិទ្យាស្ថានចក្ខុវិស័យអាស៊ី បានលើកឡើងថា «ដូច្នេះទិដ្ឋភាព៣ ជាធំ គឺទី១ ពង្រឹងនូវភាពស៊ាំទៅដល់សហគមន៍ មានន័យថាទាំងកុមារ ទាំងមនុស្សចាស់ ទី២ ពង្រឹងផ្នែកវិស័យសុខាភិបាល និងសុខភាពសាធារណៈ ទី៣ គឺទៅលើទិដ្ឋភាពសេដ្ឋកិច្ចហ្នឹង»។
នៅពេលសួរថា តើការចាក់វ៉ាក់សាំងដល់កុមារ និងយុវវ័យ នឹងផ្ដល់ផលវិជ្ជមានបែបណាដែរ សម្រាប់វិស័យអប់រំ? លោកបណ្ឌិត ឆេង គីមឡុង បានថ្លែងយ៉ាងដូច្នេះថា «បើសិនក្នុងករីណកុមារភាគច្រើន ទទួលបាននូវវ៉ាក់សាំង វាចូលរួមមួយចំណែកទៀត ទៅដល់ការកាត់បន្ថយ ការឆ្លងរីករាលដាលនៅក្នុងចំណោមកុមារ ដែលកុមារភាគច្រើននេះ គឺយើងឃើញគាត់ស្ថិតនៅក្នុងវ័យ ទទួលបាននូវការសិក្សាអប់រំ ដូច្នេះយើងឃើញថា ការផ្ដល់វ៉ាក់សាំងជូនកុមារ គឺជាការចូលរួមមួយផ្នែកធំ ទៅដល់លទ្ធភាពឲ្យកម្ពុជា អាចបើកសាលារៀន និងផ្នែកអប់រំ នៅក្នុងកម្រិតណាមួយ ឆាប់លឿនជាងមុន»។
យ៉ាងណាក៏ដោយលោកបណ្ឌិត ឆេង គីមឡុង នៅមិនទាន់ទទួលព័ត៌មានច្បាស់លាស់នៅឡើយទេថា រហូតមកដល់ពេលនេះមានប្រទេសណាខ្លះ ទាំងរួមប្រទេសក្នុងតំបន់អាស៊ានផង បានចាក់វ៉ាក់សាំងដល់កុមារនោះ។ ក៏ប៉ុន្តែលោកថា មានបណ្ដាប្រទេសមួយចំនួនហើយ បានគិតគូអំពីការចាក់វ៉ាក់សាំង ការពារជំងឺកូវីដ-១៩ដល់កុមារនេះ៕ (ដោយ)៖ ឃួន សុភ័ក្រ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ២ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ