ព័ត៌មានជាតិ
បិទភូមិកោះតូចនៅលើកោះរ៉ុង ពាក់ព័ន្ធមនុស្ស ៦ នាក់ ឆ្លងកូវីដ-១៩
ខេត្តព្រះសីហនុ៖ លោក នួន ប៊ុនថុល អភិបាលក្រុងកោះរ៉ុងបានអោយដឹងនាព្រឹកថ្ងៃទី ២៧ ខែកក្កដា២០២១ នេះថាគិតត្រឹមរសៀលថ្ងៃទី ២៦ ខែកក្កដានេះរដ្ឋបាល ក្រុងកោះរ៉ុងសម្រេចបិទភូមិកោះតូច នៃសង្កាត់កោះរ៉ុងសន្លឹម ដោយយោងទៅតាមលទ្ធផលនៃការតេស្តសំណាករកវីរុសកូវីដ-១៩ លើមនុស្សចំនួន១៣៧ នាក់បានរក ឃើញមានវិជ្ជមានកូវីដ-១៩ ចំនួន ៦ នាក់។
លោក នួន ប៊ុនថុល បានឲ្យដឹងថា អ្នកវិជ្ជមានកូវីដ១៩ ទាំង ៦នាក់បានធ្វើការប្រាស្រ័យទាក់ទងជាមួយអ្នករស់នៅក្នុងភូមិជាមួយគ្នាជាច្រើននាក់ទៀត ហេតុនេះទើបរដ្ឋបាលក្រុងសំរេចបិទភូមិកោះតូច ដើម្បីធ្វើតេស្តសំណាករកវីរុសកូវិដ-១៩ លើប្រជាជនក្នុងភូមិទាំងអស់តែម្តង ។
លោកអភិបាលក្រុងកោះរ៉ុង ក៏បានស្នើអោយម្ចាស់អាជីវកម្មដឹកភ្ញៀវទេសចរណ៍ទាំងអស់ សូមផ្អាកការដឹកភ្ញៀវចូលមកភូមិកោះតូចមួយរយ:ពេលខ្លីសិនរង់ចាំការជូន ដំណឹងជាថ្មីម្តងទៀត។ ដោយឡែកចំពោះទូកដឹកទំនិញ ឬគ្រឿងឧបភោគ បរិភោគ គឺអាចចរាចរណ៍បានធម្មតា។
បើតាមលោកអភិបាលក្រុង អ្នកវិជ្ជមានកូវីដ១៩ ទាំង ៦ នាក់ អាចមានការធ្វេសប្រហែសក្នុងការដឹកជញ្ជូនភ្ញៀវទេសចរណ៍ អាស្រ័យហេតុនេះលោកបានស្នើឲ្យប្រជាពលរដ្ឋទាំងអស់ ត្រូវអនុវត្តន៍វិធានការ ៣ កុំ ៣ ការពារឲ្យបាន ជាពិសេសពាក់ម៉ាស់ រក្សាគម្លាត និង លាងសំអាតដៃឲ្យបានញឹកញ៉ាប់ជាមួយសាប៊ូ និង អាល់កុល។
អ្នកវិជ្ជមានទាំង ៦នាក់ ត្រូវបានក្រុមការងាររដ្ឋបាលក្រុងកោះរ៉ុង សហការជាមួយក្រុមគ្រូពេទ្យនៃមន្ទីសុខាភិបាលខេត្តរៀបចំបញ្ជូនមកកន្លែងសំរាកព្យាបាលក្នុងក្រុង ព្រះសីហនុរួចរាល់ហើយនៅល្ងាចថ្ងៃដដែល ៕
អត្ថបទ៖ណារី
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ