ព័ត៌មានជាតិ
លោកតាវ័យចំណាស់អាយុ១០៣ ឆ្នាំ គ្រូពេទ្យចុះទៅចាក់វ៉ាក់សាំងដល់ខ្នងផ្ទះ
ភ្នំពេញ៖ ក្រុមគ្រូពេទ្យមណ្ឌលសុខភាពព្រែកដំបូក បានចុះចាក់វ៉ាក់សាំងការពារជំងឺកូវីដ១៩ជូនលោកតា នន អែម អាយុ១០៣ឆ្នាំ និងលោកយាយស៊ុំ ណេនអាយុ៨៦ឆ្នាំ រស់នៅភូមិតាមល់ឃុំព្រែកដំបូក ស្រុកស្រីសន្ធរខេត្តកំពង់ចាម។
បើតាមលោក អំ ណារ័ត្ន អនុប្រធានមណ្ឌលសុខភាពព្រែកដំបូកបានដឹកនាំក្រុមគ្រូពេទ្យចាក់វ៉ាក់សាំងជូនលោកតា១០៣ឆ្នាំបានឱ្យដឹងនៅល្ងាចថ្ងៃទី២៧កក្កដានេះថា ដោយសារលោកតានន អែម និងលោកយាយ ស៊ុំ ណេន អាយុ៨៦ឆ្នាំ ពិបាកក្នុងការធ្វើដំណើរមកកន្លែងចាក់វ៉ាក់សាំង ទើបលោកបានដឹកនាំក្រុមគ្រូពេទ្យចាក់វ៉ាក់សាំងការពារជំងឺកូវីដ១៩ ជូនលោកតា និងលោកយាយដល់ខ្នងផ្ទះតែម្តង។
លោកបានបន្តថា សម្រាប់ឃុំព្រែកដំបូកលោកតានងអែមជាមនុស្សទី១ ដែលមានអាយុច្រើនជាងគេដែលបានទទួលការចាក់វ៉ាក់សាំងការពារជំងឺកូវីដ១៩។
បើតាមលោក ស្រី វេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាលនិងជាប្រធានគណៈកម្មការចំពោះកិច្ចចាក់វ៉ាក់សាំងក្នុងក្របខណ្ឌទូទាំងប្រទេសបានឱ្យដឹងថា រហូតមកដល់ថ្ងៃទី២៦ កក្កដា មានលោកតាលោកយាយដែលមានអាយុចាប់ពី១០០ឆ្នាំឡើងទៅចំនួន ២១នាក់បានទទួលអំណោយពីសម្តេចតេជោជាបន្តបន្ទាប់ទៀត។
លោកស្រី បានបន្តថាលោកតាលោកយាយក្នុងម្នាក់ៗទទួលបានថវិកាចំនួន ៣លានរៀល និងសម្ភារជាគ្រឿងឧបភោគ បរិភោគមួយចំនួនទៀត៕
អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ