ព័ត៌មានជាតិ
យុវជនបាត់ការចងចាំប៉ងសម្លាប់ខ្លួនច្រើនដង រហូតលេបថ្នាំកណ្ដុរដល់ស្លាប់
ខេត្តបន្ទាយមានជ័យ៖ យុវជនវ័យក្មេងម្នាក់កើតជំងឺបាត់ការចងចាំប៉ុនប៉ងសម្លាប់ខ្លួនច្រើនដងមិនបានសម្រេច ចុងក្រោយបានទិញថ្នាំកណ្តុរយកមកលេប ឥឡូវគាត់ស្លាប់បានសម្រេចហើយ។
បើតាមសមត្ថកិច្ចមូលដ្ឋាន បានឱ្យដឹងថា ជនរងគ្រោះមានឈ្មោះ ហុង ដា ភេទប្រុស អាយុ១៩ឆ្នាំ រស់នៅភូមិព្រៃឬស្សី សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។ សមត្ថកិច្ចបញ្ជាក់ថា តាមការណ៍ឱ្យដឹងរបស់ឪពុកជនរងគ្រោះបានប្រាប់ថា កូនប្រុសរបស់គាត់មិនដឹងជាយ៉ាងម៉េចចង់កើតជំងឺបាត់ការចងចាំ ហើយកន្លងទៅធ្លាប់ប៉ុនប៉ងសម្លាប់ខ្លួនជាច្រើនលើករួចមកហើយ តែត្រូវបងប្អូនជួយទាន់ពេល។
សមត្ថកិច្ចបញ្ជាក់ឱ្យដឹងបន្តថា នៅម៉ោងកើតហេតុនោះឪពុកបានលឺសំឡេងកូនក្អួតជាច្រើនដង តែមិនបានចាប់អារម្មណ៍ថាកូនលេបថ្នាំកណ្តុរទេ ពេលក្អួតរួចកូនប្រុសគាត់បានឡើងទៅដេកនៅលើផ្ទះម្នាក់ឯង។ លុះព្រឹកឡើង ឪពុកបានទៅទិញ អេតចាយ ស្រាប់តែប្អូនស្រីរបស់គាត់ទូរសព្ទប្រាប់ថា បងប្រុសបានលេបថ្នាំកណ្តុរស្លាប់នៅក្នុងបន្ទប់ហើយ។
ស្របពេលនោះគាត់បានរាយការណ៍ឱ្យសមត្ថកិច្ចចុះមកពិនិត្យសព ក្នុងនោះសមត្ថកិច្ចចម្រុះបានធ្វើការសន្និដ្ឋានថា សពនេះពិតជាស្លាប់ដោយសារផឹកថ្នាំកណ្តុរពិត គ្មានពាក់ព័ន្ធនឹងឃាតកម្មនោះទេ ព្រោះមានសំបកថ្នាំនៅជិតសព។ សមត្ថកិច្ចប្រគល់សពទៅក្រុមគ្រួសារយកទៅធ្វើបុណ្យតាមប្រពៃណី៕
អត្ថបទ៖ វ៉ាន់ ណាង
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត