ព័ត៌មានជាតិ
មេសហជីពមួយរូប អំពាវនាវដល់កម្មករ មានស្រុកកំណើត នៅខេត្តដែលបិទខ្ទប់ ផ្អាកទៅស្រុកបណ្ដោះអាសន្ន
ប្រធានសហជីពមួយរូប បានចេញមុខអំពាវនាវ ដល់សមាជិក-សមាជិការបស់ខ្លួន ក៏ដូចជាកម្មករ-នយោជិត ដែលមានស្រុកកំណើត នៅខេត្តដែលនឹងត្រូវបិទខ្ទប់ សូមផ្អាកទៅស្រុកកំណើតរបស់ខ្លួន បណ្ដោះអាសន្ន ដើម្បីចូលរួមទប់ស្កាត់ការឆ្លងរាលដាល ក្នុងសហគមន៍នៃមេរោគកូវីដ-១៩ ជាពិសេសប្រភេទដែលតា (Delta)។
ការអំពាវនាវយ៉ាងដូច្នេះ បន្ទាប់ពីរាជរដ្ឋាភិបាលកម្ពុជា នៅយប់ថ្ងៃទី២៨ ខែកក្កដា ឆ្នាំ២០២១ បានចេញសេចក្តីសម្រេច ស្ដីពី ការបិទខ្ទប់ភូមិសាស្ត្រខេត្តកោះកុង, ពោធិ៍សាត់, បាត់ដំបង, ប៉ៃលិន, បន្ទាយមានជ័យ, ឧត្តរមានជ័យ, ព្រះវិហារ និងខេត្តសៀមរាប ដើម្បីទប់ស្កាត់ការឆ្លងរាលដាលក្នុងសហគមន៍នៃមេរោគកូវីដ១៩ បំប្លែងថ្មី Delta។ការបិទខ្ទប់នេះ គឺមានរយៈពេល១៤ថ្ងៃ ចាប់ពីម៉ោង១១ និង៤៥នាទី យប់ថ្ងៃទី២៩ ខែកក្កដា ឆ្នាំ២០២១ រហូតដល់ថ្ងៃទី១២ ខែសីហា ឆ្នាំ២០២១។
លោក ឡុង សុផាត ប្រធានសហភាពសហជីពយុវជន ការពារសិទ្ធិកម្មករកម្ពុជា (YPCWRC ) និងជាប្រធានសហពន្ធ័សហជីពសម្លេងយុវជនខ្មែរ បានសរសេរនៅលើទំព័រហ្វេសប៊ុករបស់លោក នាព្រឹកថ្ងៃទី២៩ ខែកក្កដានេះថា យោងតាមសេចក្តីសម្រេច របស់រាជរដ្ឋាភិបាល ស្តីពី ការបិទខ្ទប់ភូមិសាស្រ្តខេត្តកោះកុង ខេត្តពោធិ៍សាត់ ខេត្តបាត់ដំបង ខេត្តប៉ៃលិន ខេត្តបន្ទាយមានជ័យ ខេត្តឧត្តមានជ័យ ខេត្ត ព្រះវិហារ និងខេត្ត សៀមរាប ដើម្បីទប់ស្កាត់ការឆ្លងរាលដាល ក្នុងសហគមន៍នៃមេរោគកូវីដ-១៩ ប្រភេទដែលតា(Delta)។
លោក ឡុង សុផាត បានសរសេរបន្តថា «ក្នុងនាមសហភាពសហជីពយុវជន ការពារសិទ្ធិកម្មករកម្ពុជា (YPCWRC ) ក្នុងនាមសហពន្ធ័សហជីពសម្លេងយុវជនខ្មែរ (VKYUF) និងក្នុងនាមខ្លួនខ្ញុំផ្ទាល់ ខ្ញុំសូមធ្វើការអំពាវយ៉ាងទទូចចំពោះបងប្អូនថ្នាក់ដឹកនាំ សកម្មជន សមាជិក សមាជិកា សហភាព និងសហពន្ធ័ ព្រមទាំងបងប្អូនកម្មករនិយោជិត ដែលមានផ្ទះសំបែង ឪពុកម្តាយ បងប្អូនសាច់ញ្ញាតិ ក្រុមគ្រួសារ តាំងនៅតាមបណ្តាខេត្ត ដែលបានរៀបរាប់ខាងលើនេះ ប្រសិនបើគ្មានការចាំបាច់នោះទេ ជាបណ្តោះអាសន្ន សូមកុំទាន់ធ្វើដំណើរទៅស្រុកកំណើត ក្នុងស្ថានភាព និងកាល:ទេស:ដ៏គួរឲ្យព្រួយបារម្ភនេះ»។
ប្រធានសហជីពរូបនេះ បានលើកឡើងទៀតថា «បងប្អូនជ្រាបស្រាប់ហើយ យោងតាមសេចក្តីជូនព័ត៌មានជាបន្តបន្ទាប់កន្លងមក របស់ក្រសួងសុខាភិបាល បានបញ្ជាក់រួចហើយថា វីរុសកូវីដ-១៩ បំប្លែងថ្មីដែលតា(Delta) ពិតជាកាចសាហាវខ្លាំងណាស់ ដែលរយ:ពេលឆ្លងក៏លឿនជាង និងកម្រិតហានិភ័យកម្រាមកំហែងដល់អាយុជីវិត ក៏មានខ្ពស់ជាងមុន»។
លោកថា «ដូច្នេះដើម្បីការពារខ្លួនយើង និងមនុស្សជាទីស្រលាញ់ទាំងអស់ ក្នុងក្រុមគ្រួសារយើង ត្រូវផ្អាកជាបណ្តោះអាសន្ន ចំពោះការធ្វើដំណើរទៅបណ្តាខេត្តទាំងអស់នេះ មួយរយ:សិន និងបន្តអនុវត្តឲ្យបានម៉ឺងម៉ាត់ជាងមុន បន្ថមទៀត តាមវិធានការរបស់សម្តេចតេជោ ហ៊ុន សែន ៣កុំ ៣ការពារ និងវិធានការចាំបាច់នានា របស់ក្រសួងសុខាភិបាល»៕ (ដោយ)៖ ឃួន សុភ័ក្រ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ