ព័ត៌មានជាតិ
ពលរដ្ឋមកទទួលសេវាសាធារណៈនៅមន្ទីរសាធារណការ ខេត្តព្រះវិហារ ត្រូវធ្វើតេស្ដរហ័សរកកូវីដ
មន្ទីរសាធារណការ និងដឹកជញ្ជូនខេត្តព្រះវិហារ បានធ្វើតេស្តរកមេរោគកូវីដ-១៩ ជារៀងរាល់ថ្ងៃចំពោះប្រជាពលរដ្ឋដែលមកទទួលសេវាសាធារណៈពីមន្ទីរនេះ ហើយថ្នាក់ដឹកនាំ បុគ្គលិកនៅក្នុងមន្ទីរក៏ត្រូវធ្វើតេស្ដរកមេរោគកូវីដ-១៩ ក្នុង២សប្តាហ៍ម្តងផងដែរ ដើម្បីទប់ស្កាត់អោយបានពីការរីករាលដាល ខណៈដែលជំងឺនេះបាននឹងកំពុងរីករាលដាលយ៉ាងខ្លាំងមិនមានការថមថយសោះ មិនថានៅរាជធានី ឬនៅតាមបណ្តាលខេត្តឡើយ ។
ជាក់ស្តែងនៅព្រឹកថ្ងៃទី២៩ ខែកក្កដា ឆ្នាំ២០២១នេះ មន្ទីរសាធារណការ និងដឹកជញ្ជូនខេត្តព្រះវិហារ បានប្រើប្រាស់ឧបករណ៍តេស្ដរហ័ស រកអង់ទីហ្សែនកូវីដ-១៩(Ag Rapid Test Device) រកឃើញមានវិជ្ជមានកូវីដ-១៩ ចំនួន០១នាក់(មកពីខេត្តស្វាយរៀង) ដែលបានចូលមកទទួលសេវាសាធារណ:ក្នុងមន្ទីរ។
លោក សំ លាងទ្រី ប្រធានមន្ទីរសាធារណការនិងដឹកជញ្ជូនខេត្តព្រះវិហារបានអោយដឹងថា នៅថ្ងៃ២៨ខែកក្កដា មន្ទីរសាធារណការនិងដឹកជញ្ជូនខេត្តព្រះវិហារ បានធ្វើតេស្ដរកអង់ទីហ្សែនកូវីដ-១៩ សរុបបានចំនួន១៣នាក់ ស្រី០នាក់ ក្នុងនោះមានមន្ត្រីជាប់កិច្ចសន្យាចំនួន០២នាក់ផងដែរ រីឯលទ្ធផលអវិជ្ជមានទាំងអស់ ដោយក្នុងនោះបានប្រើប្រាស់ឧបករណ៍តេស្ដរហ័ស រកអង់ទីហ្សែនកូវីដ-១៩(Ag Rapid Test Device) និងសម្ភារផ្សេងៗដែលជាការឧបត្ថមផ្ទាល់របស់លោក ស៊ុន ចាន់ថុល ទេសរដ្ឋមន្ត្រី រដ្ឋមន្ដ្រីក្រសួងសាធារណការ និងដឹកជញ្ជូន និងលោក ប្រាក់ សុវណ្ណ អភិបាលខេត្តព្រះវិហារ។
លោក សំ លាងទ្រី បានបន្តអោយដឹងផងដែរថា សម្រាប់ប្រជាពលរដ្ឋ ដែលមកទទួលសេវាសាធារណៈនៅមន្ទីរសាធារណការ ខេត្តព្រះវិហារ ត្រូវតែធ្វើតេស្ដរហ័សរកកូវីដ-១៩រាល់ថ្ងៃ ទើបអនុញ្ញាត្តអោយចូល។ចំណែក ថ្នាក់ដឹកនាំ បុគ្គលិកនៅក្នុងមន្ទីរក៏ត្រូវធ្វើតេស្ដរកមេរោគកូវីដ-១៩ក្នុង២សប្តាហ៍ម្តងផងដែរ។
លោកបញ្ជាក់ថា គិតមកដល់ត្រឹមថ្ងៃទី២៨ ខែកក្កដា ឆ្នាំ២០២១ ក្រុមការងារបានធ្វើតេស្តរហ័សកូវីដ-១៩ សរុបបានចំនួន១៣១នាក់ ស្រី២២នាក់ ជាលទ្ធផលអវិជ្ជមានទាំងអស់។ តែសម្រាប់នៅព្រឹកថ្ងៃទី២៩ ខែកក្កដា ឆ្នាំ២០២១នេះ មន្ទីរសាធារណការ និងដឹកជញ្ជូនខេត្ត បានធ្វើតេស្ដរហ័ស រកឃើញមានវិជ្ជមានកូវីដ-១៩ ចំនួន០១នាក់ ខណៈដែលគាត់មកទទួលសេវាសាធារណ:ដែលមាន ឈ្មោះ ធុង រដ្ឋា ភេទប្រុស អាយុ ៣៥ឆ្នាំ នៅភូមិទទារ ឃុំចេក ក្រុងស្វាយរៀង ខេត្តស្វាយរៀង បច្ចុប្បន្នមន្ទីរបានរាយការណ៍ជូនអាជ្ញាធរមានសមត្ថកិច្ចពាក់ព័ន្ធ និងមន្ទីរសុខាភិបាលខេត្តព្រះវិហារ ដើម្បីធ្វើការយកសំណាកបន្ថែមនិងព្យាបាល៕
អត្ថបទ ៖ ស្រីរ័ត្ន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង