ព័ត៌មានជាតិ
អាជ្ញាធរខណ្ឌពោធិ៍សែនជ័យបង្ហាញទីតាំងចាក់វ៉ាក់សាំងកូវីដ-១៩ ដល់កុមារ ៣កន្លែង
ភ្នំពេញ៖ អាជ្ញាធរខណ្ឌពោធិ៍សែនជ័យបានបង្ហាញទីតាំងចាក់វ៉ាក់សាំងការពារជំងឺកូវីដ-១៩ ចំនួន៣កន្លែងសម្រាប់ចាក់ដល់កុមារ និងយុវជនចាប់ពីថ្ងៃទី០១ ខែសីហា ឆ្នាំ២០២១ខាងមុខនេះ។
បើតាមសេចក្តីជួនដំណឹងរបស់រដ្ឋបាលខណ្ឌពោធិ៍សែនជ័យចុះថ្ងៃទី២៩ ខែកក្កដានេះ បានឱ្យដឹងថា រដ្ឋបាលខណ្ឌពោធិ៍សែនជ័យ សូមអញ្ជើញបងប្អូនប្រជាពលរដ្ឋ ដែលមានកូនអាយុចាប់ពី ១២ឆ្នាំ ដល់ក្រោម១៨ឆ្នាំ ដែលពុំទាន់បានចាក់វ៉ាក់សាំងបង្ការជំងឺកូវីដ-១៩ ដែលមានទីលំនៅស្ថិតនៅក្នុងខណ្ឌពោធិ៍សែនជ័យ សូមនាំកូនមកទទួលវ៉ាក់សាំងនៅទីតាំងដូចខាងក្រោម៖
‑ មន្ទីពេទ្យបង្អែកពោធិ៍ចិនតុង សម្រាប់ប្រជាពលរដ្ឋរស់នៅសង្កាត់កាកាបទី១ ចោមចៅទី១ ចោមចៅទី២។
‑ មណ្ឌលសុខភាពសាមគ្គី សម្រាប់ប្រជាពលរដ្ឋរស់នៅសង្កាត់ត្រពាំងក្រសាំង និងចោមចៅទី៣។
– មណ្ឌលសុខភាពសំរោងក្រោម សម្រាប់ប្រជាពលរដ្ឋរស់នៅនសង្កាត់កាកាបទី២ និងសំរោងក្រោម។
រដ្ឋបាលខណ្ឌពោធិ៍សែនជ័យបានបន្តថា ការចាក់វ៉ាក់សាំងបង្ការជំងឺកូវីដ-១៩ ជូនកុមារ និងយុវជនអាយុចាប់ពី ១២ឆ្នាំ ដល់ក្រោម១៨ឆ្នាំ ចាប់ពីថ្ងៃអាទិត្យ ទី០១ ខែសីហា ឆ្នាំ២០២១ ពេលព្រឹកចាប់ពីម៉ោង ៧៖០០ដល់ ម៉ោង១១៖៣០នាទី និងពេលរសៀល ចាប់ពីម៉ោង១៣៖០០ ដល់ម៉ោង ១៦៖៣០នាទី ដោយភ្ជាប់មកជាមួយនូវសៀវភៅស្នាក់នៅ សៀវភៅគ្រួសារ សំបុត្រកំណើត ឬអត្តសញ្ញាណប័ណ្ណខ្មែរ។
រដ្ឋបានខណ្ឌបានអំពាវនាវដល់បងប្អូនប្រជាពលរដ្ឋ ដែលមានកូនអាយុចាប់ពី១២ឆ្នាំរហូតដល់ក្រោម១៨ឆ្នាំដែលមិនទាន់បានចាក់វ៉ាក សាំងជំងឺកូវីដ -១៩ ដូសទី១ អញ្ជើញនាំកូនចៅទៅទទួលការចាក់ឱ្យបានគ្រប់ៗគ្នានិងយកចិត្តទុកដាក់អនុវត្តការវិធានការ ៣ការពារនិង៣កុំ ឱ្យបានខ្ជាប់ខ្ជួន និងតាមការណែនាំរបស់ ក្រសួងសុខាភិបាល ដើម្បីធានាបាននូវសណ្ដាប់ខ្ជាប់ របៀបរៀប ជាពិសេសត្រូវអនុវត្តបានខ្ជាប់ខ្លួនដោយ សហការ ជាមួយក្រុមការងាររដ្ឋបាលខណ្ឌ រក្សារគម្លាតសុវត្ថិភាព ពាក់ម៉ាសនៅកន្លែងចាក់រ៉ាក់សាំង ដើម្បីទប់ស្កាត់ការឆ្លងរាលដាលជំងឺកូវីដ-១៩។
គួរបញ្ជាក់ថា រដ្ឋាភិបាលនឹងចាប់ផ្តើមបើកយុទ្ធនាការចាក់វ៉ាក់សាំងដល់កុមារនិងយុវវ័យចាប់ពីងាយុ១២ឆ្នាំដល់ក្រោម១៨ឆ្នាំ ចាប់ពីថ្ងៃទី១ ខែសីហា ឆ្នាំ២០២១នៅតាមរាជធានីខេត្តចំនួន៤រួមមាន រាជធានីភ្នំពេញ កណ្តាល ក្រុងព្រះសីហនុ និងខេត្តកោះកុង៕
អត្ថបទ៖ សំអឿន
-
ព័ត៌មានជាតិ១៩ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ