ព័ត៌មានជាតិ

អភិបាលខេត្តព្រះសីហនុ ចុះពិនិត្យអគារត្រៀមទទួលពលករដែលវិលត្រឡប់ពីប្រទេសជិតខាង

បានផុស

៣ years មុន

នៅ

ថ្ងៃព្រហស្បតិ៍ ២៩ កក្កដា ២០២១

ដោយ

លោក គួច ចំរើន អភិបាលនៃគណៈអភិបាលខេត្តព្រះសីហនុ នៅរសៀលថ្ងៃទី២៩ ខែកក្កដា ឆ្នាំ២០២១ បានដឹកនាំមន្ត្រីក្រោមឱវាទចុះពិនិត្យអគារត្រៀមសម្រាប់ទទួលពលករមកពីប្រទេសជិតខាងដើម្បីធ្វើចត្តាឡីស័ក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អគារសម្រាប់ទទួលពលករកខ្មែរធ្វើចក្តាឡីស័កនេះ មានទីតាំងនៅភូមិ១ សង្កាត់លេខ៣ ក្រុងព្រះសីហនុ ដែលមានពីរអគារ គឺអគារទី១ សម្រាប់ទទួលពលករស្នាក់នៅ និងធ្វើចក្តាឡីស័ក និងអគារទី២. សម្រាប់ព្យាបាលពលករ ដែលក្រុមគ្រូពេទ្យរកឃើញមានវេជ្ជមានកូវីដ-១៩ អគារទាំងពីរនេះអាចឱ្យពលករស្នាក់នៅបានចំនួន៨០នាក់ ។

ក្នុងឱកាសនោះដែរលោក គួច ចំរើន អភិបាលខេត្តព្រះសីហនុ បានមានប្រសាសន៍ថា អគារទាំងពីរនេះ រដ្ឋបាលខេត្តបានត្រៀមរៀបចំទទួលពលករចំណាកស្រុកដែលវិលមកពីប្រទេសជិតខាង ដើម្បីធ្វើចក្តាឡីស័ក និងធ្វើជាកន្លែងព្យាបាលអ្នកមានវិជ្ជមានកូវីដ- ១៩ ។ ក្នុងពេលជាមួយគ្នានេះដែរ លោកអភិបាលខេត្តក៏បានធ្វើការណែនាំឱ្យក្រុមគ្រូពេទ្យត្រូវមានការប្រុងប្រយ័តខ្ពស់ និងយកចិត្តទុកដាក់តាមដានជាប្រចាំ ពិសេសរកវីរុសបំប្លែងថ្មីដែលមានប្រភពមកពីឥណ្ឌា និងសូមជូនពរដល់ក្រុមគ្រូពេទ្យ ក៏ដូចជាក្រុមការងារប្រយុទ្ធប្រឆាំងនឹងជំងឺកូវីដ-១៩ខេត្ត បំពេញភារកិច្ចទទួលបានជោគជ័យ ចៀសផុតពីជំងឺកូវីទាំងអស់គ្នា ៕

អត្ថបទ ៖ ស៊ុយ ចាន់ធា