ព័ត៌មានជាតិ

ផ្លូវក្រួសក្រហមចំនួន៥ខ្សែ ក្នុងស្រុកមោងឫស្សី ត្រូវបានជួសជុលឡើងវិញ

បានផុស

៣ years មុន

នៅ

ថ្ងៃអង្គារ ២៤ វិច្ឆិកា ២០២០

ដោយ

ផ្លូវក្រួសក្រហមប្រវែងជិត១៥គីឡូម៉ែត្រ ក្នុងចំណោមផ្លូវទាំង៥ខ្សែ ស្ថិតក្នុងឃុំកកោះ ស្រុកមោងឫស្សី ដែលជាសសៃឈាមសេដ្ឋកិច្ចរបស់កសិករក្នុងការដឹកកសិផលចូលទីផ្សារ ត្រូវបានធ្វើការជួសជុលឡើងវិញ បន្ទាប់ពីរងការខូចខាតដោយសារទឹកជំនន់នាពេលកន្លងមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីរដ្ឋបាលខេត្តបាត់ដំបង បានឱ្យដឹងនៅថ្ងៃទី២៤ ខែវិច្ឆិកា ឆ្នាំ២០២០នេះថា ផ្លូវ១ខ្សែដែលមានប្រវែងជិត១៥គីឡូម៉ែត្រនេះ គឺជាការចាប់ផ្តើមស្តារជួសជុលមុនគេ ក្រោយគ្រោះធម្មជាតិទឹកជំនន់ទឹកភ្លៀងកាលពីកន្លងមក បានបង្កការផលប៉ះពាល់ធ្ងន់ធ្ងរនៅតាមបណ្ដាស្រុក ក្រុងចំនួន៨ របស់ខេត្តបាត់ដំបង។

ដើម្បីឆ្លើយតប គឺអាជ្ញាធរខេត្តបានសម្រេចចុះជួសជុល និងកែលំអជាបន្ទាន់ឡើងវិញរាល់ហេដ្ឋារចនាសម្ពន្ធដែលរងការខូចខាតដោយសាកត្តាគ្រោះធម្មជាតិ ស្របតាមការចាំបាច់របស់ប្រជាពលរដ្ឋនៅតំបន់រងគ្រោះឆាប់បានធ្វើចរាចរណ៍ទៅមក និងដឹកជញ្ជូនកសិផលចូលទីផ្សារជាដើម។

មន្ត្រីដដែលបញ្ជាក់ថា ក្រុមជំនាញបានចាប់ផ្ដើមបើកការដ្ឋានជួសជុលនិងកែលំអផ្លូវក្រួសក្រហមចំនួន៥ខ្សែជាមុនសិន បន្ទាប់មកនឹងបន្តជួសជុលនូវហេដ្ឋារចនាសម្ពន្ធដទៃបន្តទៀត៕

អត្ថបទ ៖ សៅ សារិទ្ធ