ព័ត៌មានជាតិ
៦ ចំណុចសំខាន់ ឪពុកម្តាយស្វែងយល់ឲ្យច្បាស់ ពេលយកកូនទៅចាក់វ៉ាក់សាំង
យុទ្ធនាការចាក់វ៉ាក់សាំងសម្រាប់កុមារ និងយុវជនអាយុ ១២ ឆ្នាំ ដល់ ១៧ ឆ្នាំ នឹងចាប់ផ្តើមពីថ្ងៃ ០១ សីហានេះតទៅ។ កម្ពុជាថ្មីលើកពីការយល់ដឹងសំខាន់ៗចំនួន ៦ ចំណុច សម្រាប់ឪពុកម្តាយឬអាណាព្យាបាលស្វែងយល់ឲ្យបានច្បាស់ មុនពេលនាំកូនៗទៅទទួលការចាក់វ៉ាក់សាំងកូវីដ១៩។
1/វ៉ាក់សាំងត្រូវចាក់៖ សីណូវ៉ាក់
2/រយៈពេលត្រូវចាក់៖ បន្ទាប់ពីចាក់ដូសទីមួយ ត្រូវរង់ចាំរយៈពេល ២១ ថ្ងៃ ទើបអាចចាក់ដូសទីពីរបាន
3/ឯកសារចាំបាច់៖
កុមារអាយុចាប់ពី១២ ដល់អាយុក្រោម១៥ឆ្នាំ សូមយកមកជាមួយនូវសំបុត្រកំណើត ឬសៀវភៅស្នាក់នៅ ឬសៀវភៅគ្រួសារ ឬលិខិតឆ្លងដែន។
-យុវវ័យចាប់ពីអាយុ១៥ឆ្នាំ ដល់អាយុក្រោម១៨ឆ្នាំ ត្រូវយកមកជាមួយនូវសំបុត្រកំណើត ឬអត្តសញ្ញាណប័ណ្ណសញ្ជាតិខ្មែរ ឬសៀវភៅស្នាក់នៅ ឬសៀវភៅគ្រួសារ ឬលិខិតឆ្លងដែនភ្ជាប់មកជាមួយ។
ជាមួយគ្នានេះ ក៏ត្រូវបំពេញលិខិតព្រមព្រៀងអនុញ្ញាតឱ្យកុមារ និងយុវវ័យ ចាក់វ៉ាក់សាំងកូវីដ១៩ ជាលាយលក្ខណ៍អក្សរពីសំណាក់៖
-មាតាបិតា ឬអាណាព្យាបាល ក្នុងករណីកុមារឬយុវវ័យនោះស្នាក់នៅឆ្ងាយពីមាតាបិតា ឬអាណាព្យាបាល តម្រូវឱ្យមាតាបិតាឬអាណាព្យាបាល បំពេញនូវលិខិតព្រមព្រៀងជាលាយលក្ខណ៍អក្សរ ហើយផ្ញើតាមប្រព័ន្ធអនឡាញ មកកូនចៅដើម្បីផ្តល់ឱ្យគ្រូពេទ្យនៅទីតាំងចាក់វ៉ាក់សាំង។
-អ្នកគ្រប់គ្រងចំពោះកុមារកំព្រាដែលរស់នៅតាមមណ្ឌល។
-អាជ្ញាធរមូលដ្ឋានក្នុងករណីក្មេងកំព្រាពុំមានអាណាព្យាបាល ឬមិនមានទីតាំងស្នាក់នៅពិតប្រាកដ។
4/ខេត្តក្រុងគោលដៅ៖ រាជធានីភ្នំពេញ ខេត្តកណ្តាល ខេត្តព្រះសីហនុ ខេត្តកោះកុង។
5/ លក្ខខណ្ឌសុខភាព៖ គ្រូពេទ្យនឹងសួរពីបញ្ហាសុខភាពរបស់កុមារជាមុន បើកុមារមិនមានបញ្ហាអ្វីទេ ក្រោយពីពិនិត្យ ក្រុមគ្រូពេទ្យនឹងអនុញ្ញាតឬក៏មិនអនុញ្ញាតឱ្យចាក់វ៉ាក់សាំង។
6/ផលរំខានក្រោយការចាក់៖ ជាទូទៅផលរំខាននៃការចាក់វ៉ាក់សាំងទៅលើកុមារ មានតិចតួចដូចជាក្ដៅខ្លួន ការឈឺ ឬក៏ឡើងក្រហមនៅកន្លែងចាក់។
គួរបញ្ជាក់ថា យុទ្ធនាការចាក់វ៉ាក់សាំងកូវីដ-១៩ ល់កុមារ និងយុវវ័យនឹងចាប់ផ្តើមពីថ្ងៃ ០១ សីហានេះតទៅ ដែលតាមការប៉ាន់ស្មានមាន កុមារនិងយុវជនអាយុពី១២ឆ្នាំទៅក្រោម១៨ឆ្នាំប្រមាណ២លាននាក់នឹងត្រូវចាក់វ៉ាក់សាំងបង្ការជំងឺកូវីដ-១៩ ដោយមានតម្រូវការវ៉ាក់សាំងប្រមាណពី៤ទៅ៥លានដូស៕
អត្ថបទ៖ ប៊ុណ្ណារ៉ា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?