ព័ត៌មានជាតិ
សូមពលករខ្មែរនៅថៃ កុំអាលទាន់ឆ្លងដែនវិលត្រឡប់មកស្រុកវិញ
ភ្នំពេញ៖ មន្ត្រីជាន់ខ្ពស់ក្រសួងការងារនិងបណ្តុះបណ្តាលវិជ្ជាជីវៈ បានណែនាំដល់ពលករខ្មែរដែលកំពុងស្នាក់នៅឬធ្វើការនៅប្រទេសថៃ កុំអាលទាន់ឆ្លងដែនវិលត្រឡប់មកស្រុកវិញដោយសារព្រំដែនបានបិទហើយ។
តាមរយៈទំព័រហ្វេសប៊ុកនៅយប់ថ្ងៃទី២៩ ខែកក្កដា លោក ហេង សួរ រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ បានជូនដំណឹងដល់បងប្អូនពលករខ្មែរ ដែលកំពុងស្នាក់នៅនិងធ្វើការនៅប្រទេសថៃទាំងអស់ កុំចល័តចេញពីកន្លែង ដែលខ្លួនកំពុងស្នាក់នៅឆ្ពោះមកព្រំដែនកម្ពុជា-ថៃ ដោយសារព្រំដែនបានបិទ។ បើទោះបីមានធុរៈចាំបាច់ ឬចប់ការងារដែលត្រូវវិលត្រឡប់មកស្រុកកំណើតវិញ ក៏ត្រូវពន្យារពេលយ៉ាងហោចណាស់ដល់ថ្ងៃទី១៣ ខែសីហា ឆ្នាំ២០២១ដែរ។
លោក ហេង សួរ បានបន្តទៀតថា ចំពោះមុខនេះ ប្រសិនបើពលករធ្វើដំណើរមកព្រំដែនកម្ពុជា-ថៃ តាមមធ្យោបាយណាក៏ដោយ នឹងត្រូវអាជ្ញាធរមានសមត្ថកិច្ចថៃ តម្រូវឱ្យធ្វើដំណើរវិលត្រឡប់ទៅកន្លែងដើមវិញ។ ចំណែកម្ចាស់រថយន្ត ឬមេខ្យល់ ដែលដឹកជញ្ជូនពលករ គឺល្មើសនឹងបំរាមរបស់អាជ្ញាធរថៃ ក៏ត្រូវប្រឈមនឹងការចាត់វិធានការច្បាប់ផងដែរ។
រាជរដ្ឋាភិបាលកម្ពុជា បានសម្រេចបិទការធ្វើដំណើរឆ្លងព្រំដែនកម្ពុជា-ថៃចាប់ពីយប់ថ្ងៃទី២៩ ខែកក្កដា រហូតដល់ថ្ងៃទី១២ ខែសីហា ដើម្បីទប់ស្កាត់ការរីករាលដាលជំងឺកូវីដ១៩ ជាពិសេសមេរោគបំប្លែងថ្មីដែលតា (Delta)។ប៉ុន្តែអនុញ្ញាតឱ្យតែការដឹកទំនិញ និងការធ្វើដំណើរចាំបាច់តែប៉ុណ្ណោះ។
លោក ស្រី វេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ១៩ក្នុងក្របខ័ណ្ឌទូទាំងប្រទេស បានមានប្រសាសន៍ថាវីរុសបំប្លែងថ្មីដែលតាមានការចម្លងលឿនបានឆ្លងចូលក្នុងសហគន៍ ប៉ុន្តែនៅមិនទាន់ឆ្លងជាលក្ខណៈទូលំទូលាយនៅឡើយទេ។
លោកស្រីបានបន្តថា ដោយសារតែវីរុសដែលតាបានឆ្លងចូលសហគនមន៍ ទើបរដ្ឋាភិបាលបានសម្រេចបិទខ្ទប់ភូមិសាស្ត្រខេត្តចំនួន៨ ដើម្បីឃុំគ្រងវីរុសដែលតា កុំឱ្យចេញទៅទីតាំងផ្សេងទៀតនិងប្រើតេស្តរហ័សស្វែងរកវីរុសពពួកមេរោគអាល់ហ្វានិងដែលតាឱ្យបានលឿន ដើម្បីទប់ស្កាត់កុំឱ្យចម្លងពីបុគ្គលម្នាក់ទៅបុគ្គលម្នាក់ទៀត ព្រោះវីរុសនេះមានការឆ្លងលឿន។
លោកស្រីបានបន្តទៀតថា ការឆ្លងវីរុសបំប្លែងថ្មីនេះ ដោយសាររកឃើញក្នុងចំណោមបងប្អូនពលករត្រឡប់មកពីថៃ ដែលបានឆ្លងដល់ប្រជាពលរដ្ឋក្នុងសហគមន៍ជាបន្តបន្ទាប់។
យោងតាមក្រសួងសុខាភិបាល គិតចាប់ពីថ្ងៃទី៣១រហូតដល់ថ្ងៃទី២៥ខែកក្កដាឆ្នាំ២០២១ កម្ពុជាមានអ្នកឆ្លងវីរុសកូវីដ១៩ បំប្លែងថ្មី B.1.617.2 Deltaចំនួន១១៤នាក់ស្ត្រី៥៩នាក់។ ក្នុងចំណោមអ្នកឆ្លងចំនួន១១៤នាក់ក្នុងនោះរកឃើញនៅថ្ងៃទី២២កក្កដានិងថ្ងៃទី២៥កក្កដា មានចំនួន៣៩នាក់ស្រី១៩នាក់។
ក្នុងចំណោមអ្នក៣៩នាក់ មានអ្នកដំណើរមកពីប្រទេសថៃចំនួន២១នាក់ស្រី១១នាក់ បុគ្គលិកសុខាភិបាល៤នាក់ស្រី១នាក់ ប្រជាជនសហគមន៍ប៉ះពាល់ផ្ទាល់ចំនួន៦នាក់ស្រី៣នាក់និងប្រជាជនប៉ះពាល់មិនផ្ទាល់ចំនួន៨នាក់ស្រី៤នាក់៕
អត្ថបទ៖ សំអឿន
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម១ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម៧ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ១ សប្តាហ៍ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ