ព័ត៌មានជាតិ

អាជ្ញាធរខេត្តសៀមរាបប្រកាស សង្កាត់៤ និងឃុំ១ ក្លាយជាតំបន់លឿងទុំនិងតំបន់ក្រហម

បានផុស

៣ years មុន

នៅ

ថ្ងៃសុក្រ ៣០ កក្កដា ២០២១

ដោយ

កាលពីយប់មិញនេះ រដ្ឋបាលខេត្តចេញសេចក្តីសម្រេចដាក់ចេញវិធានការរដ្ឋបាលជាបណ្តោះអាសន្ន ចំពោះសកម្មភាព មុខរបរ អាជីវកម្ម ការជួបជុំ ឬការប្រមូលផ្តុំមនុស្ស និងបម្រាមគោចរ ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ ក្នុងភូមិសាស្ត្រខេត្តសៀមរាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាលខេត្ត បានចេញសេចក្តីសម្រេចកំណត់តំបន់ “លឿងទុំ” ក្នុងភូមិសាស្ត្រសង្កាត់ស្លក្រាម ស្វាយដង្គំ គោកចក និងសង្កាត់សាលាកំរើក របស់ក្រុងសៀមរាប ខេត្តសៀមរាប ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ ហើយនៅក្នុងភូមិសាស្ត្រខេត្តសៀមរាបទី២ រដ្ឋបាលខេត្តចេញសេចក្តីសម្រេចកំណត់”តំបន់ ក្រហម” ក្នុងភូមិសាស្ត្រឃុំកំពង់ឃ្លាំង និង “តំបន់លឿងទុំ”នៅក្នុងភូមិសាស្ត្រឃុំកៀនសង្កែ ឃុំដានរុន ស្រុកសូទ្រនិគម ខេត្តសៀមរាប ដើម្បីទប់ស្កាត់ការឆ្លងរាលដាលនៃជំងឺកូវីដ-១៩ ក្នុងភូមិសាស្ត្រខេត្តសៀមរាប ដូច្នេះហើយសូមបងប្អូនប្រជាពលរដ្ឋ នៅទូទាំងបានដឹង។

ខេត្តសៀមរាប ត្រូវចូលរួមជាមួយប្រមុខរាជរដ្ឋាភិបាល និងក្រសួងសុខាភិបាល ដែលបានដាក់ចេញនូវ វិធានការទប់ស្កាត់ នៃការរីករាលដាលនៃជំងឺដ៏កាចសាហាវអត់ស្រមោលកូវីដ១៩ ដូច្នេះបងប្អូនត្រូវតែស្តាប់តាមការណែនាំ ៣កុំនិង៣ការពារ កុំជួបជុំគ្នានិងត្រូវពាក់ម៉ាស ឲ្យបានខ្ជាប់ខ្ជួនជានិច្ច៕