ព័ត៌មានជាតិ
សម្ដេចតេជោ បញ្ជាឱ្យប្រើថវិកាសប្បុរសជនទិញរថយន្តដឹកវ៉ាក់សាំង ៤០ គ្រឿងបន្ថែម
សម្ដេចតេជោ ហ៊ុន សែន នាយករដ្ឋមន្ត្រីកម្ពុជានៅព្រឹកថ្ងៃទី ១ ខែសីហា ឆ្នាំ ២០២១នេះ បានបញ្ជាឱ្យទិញរថយន្តសម្រាប់ផ្ទុកវ៉ាក់សាំងចំនួន៤០គ្រឿងបន្ថែមទៀតដោយប្រើប្រាស់ថវិកាបានមកពីការចូលរួមរបស់សប្បុរសជនក្នុងការប្រយុទ្ធប្រឆាំងកូវីដ១៩។
សម្តេចតេជោ ហ៊ុន សែនបញ្ជាក់ថារថយន្តទាំង៤០គ្រឿងនេះគឺទុកជាកេរ្ដិ៍របស់សប្បុរសជន។
សម្តេចតេជោ ហ៊ុន សែន មានប្រសាសន៍ថា”ម្សិលមិញខ្ញុំប្រាប់ទៅលោកជំទាវ ឱ វ៉ាន់ឌីនឱ្យទិញឡានសម្រាប់ផ្ទុកវ៉ាក់សាំងចំនួន ៤០ គ្រឿងបន្ថែមទៀត ដោយប្រើលុយរបស់សប្បុរសជនទិញដើម្បីទុកជាកេរ្តិ៍អាកររបស់សប្បុរសជន”។
សម្ដេចតេជោ បានបន្ថែមថា ព្រោះទោះបីមិនដឹកវ៉ាក់សាំងកូវីដ១៩ក៏យើងអាចដឹកវ៉ាក់សាំងសម្រាប់ចាកឱ្យកូនក្មេង ខណៈដែលបច្ចប្បន្នទារកគឺជាប់កាតព្វកិច្ចចាក់វ៉ាក់សាំង ៦ មុខផងដែរ។
សម្តេចតេជោ ហ៊ុន សែន បានឲ្យដឹងថាថវិកាសប្បុរសជនលើការប្រយុទ្ធប្រឆាំងកូវីដមានចំនួនជាង ១៣០ លានដុល្លារអាមេរិក និងប្រាក់រៀលជាង ៤៨ពាន់លាន រៀលដែលជាការចូលរួមពីមន្ត្រីរាជការកងកម្លាំងប្រដាប់អាវុធ។
រថយន្តដឹកវ៉ាក់សាំងដែលជាថវិកាសប្បុរសជនខ្មែរតាមរយៈសម្តេចតេជោ នាយករដ្ឋមន្ត្រីកម្ពុជា ជារថយន្តម៉ាក Ford ដែលមានការរៀបចំឡើងទៅតាមតម្រូវការរបស់វ៉ាក់សាំង មានកម្រិតត្រជាក់ក្នុងសីតុណ្ហភាព -24c និងមានលក្ខណៈពិសេសជាច្រើនទៀត។
លោកស្រី ឱ វណ្ណឌីនរដ្ឋលេខាធិការក្រសួងសុខាភិបាលនិងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ១៩ បានឲ្យដឹងថាកន្លងមករាជរដ្ឋាភិបាលបញ្ជាទិញដឹកវ៉ាក់សាំងចំនួន៣០គ្រឿងដើម្បីប្រគល់ជូនមន្ទីរសុខាភិបាលរាជធានីភ្នំពេញ-ខេត្ដទាំង២៥។
លោកស្រី ឱ វណ្ណឌីនបានបញ្ជាក់ថារថយន្តដឹកវ៉ាក់សាំងនេះជាតម្រូវការចាំបាច់ណាស់សម្រាប់ក្រុមការងារក្រុមគ្រូពេទ្យរបស់យើងដើម្បីដឹកវ៉ាក់សាំងយកទៅចាក់វ៉ាក់សាំងការពារជំងឺកូវីដ១៩ ជូនប្រជាពលរដ្ឋយើងទូទាំងប្រទេស។
ដូច្នេះរថយន្ដនេះនឹងបម្រើសេវាចាក់វ៉ាក់សាំងកូវីដ១៩នៅទូទាំងប្រទេសកាន់តែលឿនរហ័ស។ កាលពីថ្ងសទី ៥ កក្កដារថយន្តដឹកវ៉ាក់សាំងចំនួន ១០គ្រឿងត្រូវបានប្រគល់ជូនដល់ក្រសួងការពារជាតិនិងកាលពីថ្ងៃទី៩កក្កដា២០២១ រថយន្តចំនួន ៣០ គ្រឿងបានប្រគល់ជូនមន្ទីរសុខាភិបាលរាជធានីភ្នំពេញ-ខេត្ដទាំង២៥រួចរាល់ហើយ៕ ដោយ៖ណារី
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?