ព័ត៌មានជាតិ
វ៉ាក់សាំង Johnson & Johnson របស់អាមេរិកជាង៦០ម៉ឺនដូសបន្ថែមទៀតបានមកដល់កម្ពុជា
វ៉ាក់សាំងកូវីដ១៩ Johnson & Johnson ចំនួន៦០៩៦០០ដូសបន្ថែមទៀតដែលជាជំនួយរបស់រដ្ឋាភិបាល និងប្រជាជនអាមេរិក តាមរយៈមជ្ឈមណ្ឌលកូវ៉ាក់បានដឹកមកដល់ប្រទេសកម្ពុជាហើយ នៅវេលាម៉ោង០០និង៤០នាទីអាធ្រាត្រ ចូលថ្ងៃទី២ ខែសីហា ឆ្នាំ២០២១ ដោយមានការអញ្ជើញទៅទទួលដោយផ្ទាល់ពីលោកស្រី យក់ សម្បត្តិ រដ្ឋលេខាធិការក្រសួងសុខាភិបាល នៅអាកាសយានដ្ឋានអន្តរជាតិភ្នំពេញ។
វ៉ាក់សាំងចំនួន៦០៩,៦០០ដូសនេះជាលើកទី២ហើយក្នុងចំណោមវ៉ាក់សាំងចំនួន១លាន៦ម៉ឺន១០០ដូសរបស់សហរដ្ឋអាមេរិក តាមរយៈមជ្ឈមណ្ឌលកូវ៉ាក់ ប្រគល់ជូនដល់រាជរដ្ឋាភិបាល និងប្រជាជនកម្ពុជាដោយជំនួយលើកទី១ទទួលបានរួចហើយចំនួន៤៥០,៥០០ដូសកាលពីព្រឹកថ្ងៃ៣០ ខែកក្កដា ឆ្នាំ២០២១កន្លងទៅដោយអញ្ជើញទៅទទួលដោយផ្ទាល់ពីលោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាលនិងលោកBen wohlauer ភារធារីស្ថានទូតអាមេរិក ប្រចាំនៅកម្ពុជា។
លោក Ben wohlauer បានមានប្រសាសន៍ថា សហរដ្ឋអាមេរិកបានប្តេជ្ញាចិត្តជាថ្មីក្នុងការជួយលើកកម្ពស់ដល់សុខភាពសាធារណៈរបស់ប្រជាពលរដ្ឋកម្ពុជា ហើយការប្តេជ្ញាចិត្តនេះកាន់តែមានភាពច្បាស់លាស់នៅពេលមានជំងឺរាតត្បាតទូទាំងពិភពលោក។
លោកបានបញ្ជាក់ថា យើងមិនមែនចែករំលែកវ៉ាក់សាំងទាំងនេះដើម្បីទទួលបាននូវការអនុគ្រោះ ឬការស្វែងរកសម្បទានទេ វ៉ាក់សាំងរបស់យើងមិនមានភ្ជាប់ជាមួយលក្ខខណ្ឌណាមួយឡើយ យើងចែករំលែកវ៉ាក់សាំងទាំងនេះដើម្បីជួយសង្គ្រោះជីវិតមនុស្សនិងដើម្បីឈានទៅបញ្ចប់ការរីករាលដាលនៃជំងឺរាតត្បាតនេះ។
គួរបញ្ជាក់ថា ក្រៅពីសហរដ្ឋអាមេរិក ជប៉ុនបានផ្តល់ចំនួន១លានដូស និងអង់គ្លេស៤១ម៉ឺន៥ពាន់ដូស និងប្រទេសចិនបានផ្តល់២លា២សែនដូសផងដែរ សម្រាប់ចូលរួមប្រយុទ្ធប្រឆាំងនឹងជំងឺកូវីដ១៩នៅកម្ពុជា៕
អត្ថបទ ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង