ព័ត៌មានជាតិ

អាជ្ញាធរក្រុងបាវិត ចុះអនុវត្តបម្រាមគោចរ ដើម្បីទប់ស្កាត់ការីករាលដាលនៃជំងឺកូវីដ-១៩

បានផុស

៣ years មុន

នៅ

ថ្ងៃចន្ទ ២ សីហា ២០២១

ដោយ

នៅយប់ថ្ងៃទី១ ខែសីហា ឆ្នាំ២០២១ លោក វណ្ណ សុមុន្នី អភិបាលរងក្រុងបាវិត តំណាងលោក លឹម សៀងហេង អភិបាលក្រុងបាវិត បានដឹកនាំកម្លាំងចម្រុះចុះអនុវត្តសេចក្តីសម្រេចលេខ០៨៣/២១ ស.ស.រ ចុះ ថ្ងៃទី២៩ ខែកក្កដា ឆ្នាំ២០២១ របស់រដ្ឋបាលខេត្តស្វាយរៀង ស្តីពីការដាក់ចេញនូវវិធានការរដ្ឋបាលនៅក្នុង ភូមិសាស្ត្រ ខេត្តស្វាយរៀង រយៈពេល១៤ថ្ងៃ គិតចាប់ពីម៉ោង២៣និង៥៩នាទី នាថ្ងៃទី២៩ ខែកក្កដា ឆ្នាំ ២០២១ រហូតដល់ថ្ងៃទី១២ ខែសីហា ដើម្បីប្រយុទ្ធនិងទប់ស្កាត់ការឆ្លងរាលដាលនៃជំងឺកូវីដ-១៩ ក្នុងមូលដ្ឋានក្រុងបាវិត ខេត្តស្វាយរៀង ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឱកាសនោះលោក វណ្ណ សុមុន្នី អភិបាលរងក្រុងបាវិត បានធ្វើការណែនាំដល់បងប្អូនប្រជាពលរដ្ឋ អាជីវករ និងអ្នកពាក់ព័ន្ធទាំងអស់ ត្រូវចូលរួមអនុវត្តតាមខ្លឹមសារសេចក្តីសម្រេចរបស់រដ្ឋបាលខេត្តស្វាយរៀងពិសេស ការលក់ដូរ ប្រកបអាជីវកម្មគ្រប់ប្រភេទ អនុញ្ញាតត្រឹមតែការវេចខ្ចប់ប៉ុណ្ណោះ ដោយមិន អនុញ្ញាតឱ្យអតិថិជនចូលមកអង្គុយ ឬទទួលទាននៅក្នុងបរិវេណអាជីវកម្មដ្ឋានរបស់ខ្លួនឡើយ ។ហើយការហាមឃាត់ការជួបជុំ ការលក់ដូរនិងសេពគ្រឿងស្រវឹង ត្រូវអនុវត្តតាមវិធានការបម្រាមគោចរ ( ចាប់ពីម៉ោង២១:០០ នាទីយប់ដល់ម៉ោង៣:០០នាទីទាបភ្លឺ)។

លោក វណ្ណ សុមុន្នី អភិបាលរងក្រុងបាវិត ក៏បានអំពាវនាវដល់បងប្អូនប្រជាពលរដ្ឋទាំងអស់បើគ្មានការចាំបាច់ សូមកុំចេញក្រៅផ្ទះ ហើយរាល់ការធ្វើដំណើរត្រូវមានលិខិតស្នាមបញ្ជាក់ពីអង្គភាព ស្ថាប័ន ក្រុមហ៊ុន ឬអាជ្ញាធរមូលដ្ឋានអោយត្រឹមត្រូវ និងបន្តចូលរួមអនុវត្តតាមការអំពាវនាវរបស់សម្តេចតេជោនាយករដ្ឋមន្ត្រី និងត្រូវមានស្មារតីប្រុងប្រយ័ត្នខ្ពស់ជានិច្ច ក្នុងការទប់ស្កាត់ជំងឺកូវីដ-១៩ នៅកម្ពុជាតាមរយៈការអនុវត្តនូវវិធានការជាបន្តបន្ទាប់របស់ក្រសួងសុខាភិបាល ជាពិសេសការរក្សាអនាម័យ លាងដៃឲ្យស្អាត ពាក់ម៉ាសជាចាំបាច់ និងការរក្សាគម្លាតសុវត្ថិភាពសង្គម និងគម្លាតសុវត្ថិភាពបុគ្គល និង វិធានការ៣កុំនិង៣ការពាររបស់ប្រមុខរាជរដ្ឋាភិបាលកម្ពុជា៕

អត្ថបទ ៖ ភក្ដី