ព័ត៌មានជាតិ
បែកធ្លាយករណីផ្ទុះជម្លោះរវាងលោកប្រធាន OD ស្រុកស្វាយអន្ទរ និងលោកប្រធានមន្ទីរសុខាភិបាលខេត្តព្រៃវែង ក្នុងកិច្ចប្រជុំរឿងបក្ខពួកនិយមនិងពុករលួយ
ថ្មីៗនេះ មានករណីផ្ទុះជម្លោះគ្នារវាងលោក ហួរ ដា ប្រធានការិយាល័យសុខាភិបាលស្រុកប្រតិបត្តិស្វាយអន្ទរ និងលោក សេង បញ្ញាឫទ្ធិ ប្រធានមន្ទីរសុខាភិបាលខេត្តព្រៃវែង នៅក្នុងកិច្ចប្រជុំមួយ តាមប្រព័ន្ធវីដេអូ Zoom ដែលលោក ហួរ ដា ប្រធានOD ស្រុកស្វាយអន្ទរ បានលើកឡើងថា លោក សេង បញ្ញាឫទ្ធិ ប្រធានមន្ទីរសុខាភិបាលខេត្តព្រៃវែង ជាមនុស្សប្រកាន់បក្ខពួកនិយម និងធ្វើអំពើរពុករលួយ ។
ករណីជម្លោះគ្នានេះ បានកើតឡើងកាលពីថ្ងៃទី៣០ ខែកក្កដា ឆ្នាំ២០២១ ដោយលោក ហួរ ដា ប្រធាន OD ស្រុកស្វាយអន្ទរ បានលើកឡើងក្នុងកិច្ចប្រជុំអណត្តិរបស់មន្ទីរសុខាភិបាលខេត្តព្រៃវែង តាមប្រព័ន្ធវីដេអូ Zoom ដោយលោក ហួរ ដា លើកឡើងថា លោកនឹងធ្វើសន្និសីទសារព័ត៌មានមួយនិយាយអំពីរឿង របស់លោក សេង បញ្ញាឫទ្ធិ ប្រធានមន្ទីរសុខាភិបាលខេត្តព្រៃវែង ជាមនុស្ស ៖ ទី១. បក្សពួកនិយម ទី២. ពុករលួយ ទី៣. ដកដាក់មន្ត្រីស្រេចតែចិត្ត ទី៤. កាន់ជើងប្រធានមន្ទីរពេទ្យបង្អែកស្រុកស្វាយអន្ទរ ដោយសារតែជាដន្លងនឹងគ្នា ទី៥. រឿងគាត់ (លោក ហួរ ដា) បើកគ្លីនិកមិនមានច្បាប់ ដោយសារថា បើលោករត់ច្បាប់ក៏លោក សេង បញ្ញាឫទ្ធិ មិនអើពើ ឬមិនអនុញ្ញាតឲ្យច្បាប់ដដែល និងទី៦. លោក ហួរ ដា ដាក់លក្ខខណ្ឌថា គ្រប់សេវាសុខាភិបាលឯកជនទាំងអស់ក្នុងស្រុកស្វាយអន្ទរ ត្រូវស្ថិតក្រោមការគ្រប់គ្រងរបស់លោកផ្ទាល់ ប្រធានមន្ទីរសុខាភិបាលខេត្ត មិនមានសិទ្ធិមកលូកលាន់ឡើយ ។
គួររំលឹកថា កាលពីពេលកន្លងទៅ លោក ហួរ ដា ធ្លាប់បានលើកយករឿងដែលលោក សេង បញ្ញាឫទ្ធិ ប្រធានមន្ទីរសុខាភិបាលខេត្តព្រៃវែង ដករូបលោកចេញពីតួនាទីជាប្រធានមន្ទីរពេទ្យបង្អែកខេត្តព្រៃវែង ដែលលោកទើបតែកាន់តំណែងបានត្រឹមតែរយៈពេល២ខែប៉ុណ្ណោះ ។
ក្នុងជម្លោះកាលពីពេលកន្លងទៅ លោក ហួរ ដា មិនត្រឹមតែនិយាយក្នុងកិច្ចប្រជុំដូចលើកនេះទេ គឺលោក ហួរ ដា បានធ្វើការ Live ផ្ទាល់ និងបង្ហោះសារតាម Facebook របស់លោក វាយប្រហារលោក សេង បញ្ញាឫទ្ធិ ប្រធានមន្ទីរសុខាភិបាលខេត្តព្រៃវែង រហូតដល់មានកិច្ចអន្តរាគមន៍ពីថ្នាក់លើ ចុះមកសម្របសម្រួល និងចុះកិច្ចសន្យាដាក់លក្ខខណ្ឌដែលមានខ្លឹមសារផ្ទុយពីគោលការណ៍ដឹកនាំ និងរបៀបរបបការងារទៀតផង ដោយគ្រាន់តែដើម្បីតម្រូវចិត្តលោក ហួរ ដា កុំឲ្យ Live ឬបង្ហោះសារតាម Facebook ៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ