ព័ត៌មានជាតិ
អាជ្ញាធរខេត្តរៀបចំទីតាំងឱ្យអាជីវករ ក្រោយបិទខ្ទប់ជិត៥០ផ្សារ
ខេត្តបាត់ដំបង៖ ដោយយោងតម្រូវការរបស់ប្រជាពលរដ្ឋ បន្ទាប់ពីបិទខ្ទប់ផ្សារជិត៥០កន្លែងនៅខេត្តបាត់ដំបង រួចមក អាជ្ញាធរបានអនុញ្ញាតឱ្យ ក្រុមអាជីវករមកពីផ្សារនានាអាចមកលក់បន្លែត្រីសាច់ នៅតាមផ្លូវ បេតុងនានា នៅផ្សារភូពុយ ដែលមានទីធ្លាធំរាប់ហិចតា ស្ថិតនៅក្រុងបាត់ដំបង និងក្រៅទីតាំងបរិវេណផ្សារនានាផ្សេងទៀត។
លោក ផេង សិទ្ធី អភិបាលក្រុងបាត់ដំបង បានឱ្យដឹងថា អាជីវករត្រូវលក់ដូរតាមគំនូសក្រហម ដែលកំណត់ដោយអាជ្ញាធរ ឬម្ចាស់ផ្សារ ដែលមានគម្លាតពីកន្លែងលក់មួយទៅកន្លែងលក់មួយចម្ងាយ ៥ម៉ែត្រ និងអនុវត្តវិធានសុខាភិបាលជាប្រចាំ ដូចជាពាក់ម៉ាស់ ទាំងអ្នកលក់ និងអ្នកទិញ និងមានអាកុល ឬជែល តាមតូបនីមួយៗ។
លោកអភិបាលក្រុងបញ្ជាក់ថា អាជ្ញាធរមិនមែនអនុញ្ញាតឱ្យអាជីវករ លក់តែក្នុងបរិវេណដងផ្លូវបេតុងក្នុង ផ្សារភូពុយមួយទេ នៅក្រៅបរិវេណផ្សារនានាដែលបិទខ្ទប់ ឬ មុខផ្ទះពលរដ្ឋ ឬដឹករថយន្ត រឺម៉ក តាមដងផ្លូវ ក៏អាចលក់ដូរបានដែរ ដើម្បីបំពេញតម្រូវការហូបចុកពលរដ្ឋ ក្នុងក្រុងបាត់ដំបង តែត្រូវអនុវត្តតាមការណែនាំរបស់អាជ្ញាធរ និងប្រកាន់ខ្ជាប់នូវវិធានការសុខាភិបាល។
អាជ្ញាធរខេត្តបាត់ដំបងសម្រេចបិទផ្សារចំនួន៤៩ កន្លែង នៅក្នុងក្រុងបាត់ដំបង ស្រុកថ្មគោល ស្រុកសង្កែ ស្រុកមោងឫស្សី ស្រុកឯកភ្នំ និងស្រុកកំរៀង ជាបណ្តោះអាសន្នរយៈពេល១៤ថ្ងៃ ចាប់ពីថ្ងៃទី១ រហូតដល់ថ្ងៃទី១៤ ខែសីហា ឆ្នាំ២០២១។ ការសម្រេចបិទផ្សានេះ ក្នុងគោលបំណងទប់ស្កាត់ការឆ្លងរាលដាលក្នុងសហគមន៍នូវមេរោគកូវីដ-១៩ ពិសេសប្រភេទបំប្លែងថ្មី ដែលតា ព្រោះចុងក្រោយនេះបានរកឃើញអ្នកឆ្លងថ្មីមានការកើនឡើងគួរឱ្យព្រួយបារម្ភ៕
អត្ថបទ៖ សោ និយមរ័ត្ន
-
ព័ត៌មានជាតិ២២ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល