ព័ត៌មានជាតិ
ទោះការងារច្រើនយ៉ាងណា ក៏កងអាវុធហត្ថ ឆ្លៀតជួយសម្រួលការឆ្លងផ្លូវ នៅតាមសាលារៀន
អាណាព្យាបាលសិស្សានុសិស្សតូចៗ បានសម្តែងការអរគុណនិងពេញចិត្ត នូវសកម្មភាពមនុស្សធម៌របស់អាវុធហត្ថរាជធានី ដែលតែងតែជួយសម្រួលចរាចររាល់ថ្ងៃសម្រាប់បញ្ចៀសគ្រោះថ្នាក់ចរាចរលើដងផ្លូវមុខសាលារាល់ម៉ោងចេញចូលរបស់សិស្សពិសេសដឹកដៃឆ្លងថ្នល់នេះ តែម្ដង។
ជាក់ស្ដែងសកម្មភាពកម្លាំងកងរាជអាវុធហត្ថរាជធានីភ្នំពេញ ថ្ងៃអង្គារទី២៤ ខែវិច្ឆិកា ឆ្នាំ២០២០ បានចេញសម្រួលចរាចរតាមដងផ្លូវនានាច្រើនសាលា ដើម្បីដឹកដៃសិស្សតូចៗឆ្លងថ្នល់ដល់ចិញ្ចើមផ្លូវសុវត្ថិភាពគ្រប់ពេលសិស្សចេញចូលទៅសាលារៀន និងត្រឡប់ទៅផ្ទះវិញ។
នេះជាសកម្មភាព ដ៏ល្អវិសេសវិសាល ដែលកម្លាំងអាវុធហត្ថរាជធានី បានបំពេញកាតព្វកិច្ចរាល់ថ្ងៃជូន សិស្សានុសិស្ស ដើម្បីបញ្ចៀសករណីគ្រោះថ្នាក់ផ្សេងៗពិសេសចរាចរតែម្ដង។ មន្ត្រីអាវុធហត្ថរាជធានីបានឲ្យដឹងថា ក្រៅពីនោះកម្លាំងក្នុងទីបញ្ជាការ ក៏ដូចជាកម្លាំងមូលដ្ឋានអាវុធហត្ថខណ្ឌទាំង១៤ នៃកងរាជអាវុធហត្ថរាជធានីភ្នំពេញ បានក្រោកពីព្រលឹមនាំគ្នាធ្វើលំហាត់ប្រាណ ដើម្បីសុខភាពរាងកាយមាំមួន ធ្វើអនាម័យ បោសជូត សំអាត បរិវេណទាំងខាងក្នុងខាងក្រៅ កន្លែងធ្វើការជាប្រចាំ រួចរួសរាន់ងូតទឹក ស្លៀកពាក់ រង់ចាំទទួលបទបញ្ជា ចេញបេសកកម្ម ការពារ សន្តិសុខ សណ្តាប់ធ្នាប់ សុវត្ថិភាព ជូនសិស្សានុសិស្សឆ្លងផ្លូវចូលសាលារៀន បងប្អូនប្រជាពលរដ្ឋ គណៈប្រតិភូជាតិ និងអន្តរជាតិ ក្នុងភូមិសាស្ត្រៗ រាជធានីភ្នំពេញ។ កម្លាំងកងរាជអាវុធហត្ថរាជធានីភ្នំពេញ នៅតែបន្តធ្វើការត្រួតពិនិត្យសុខភាព វាស់កម្ដៅ បាញ់ថ្នាំសម្លាប់មេរោគ ដល់នាយទាហាន នាយទាហានរង ពលទាហានអាវុធហត្ថ មុនពេលចូលកន្លែងធ្វើការដោយគ្មានការធ្វេសប្រហែសឡើយ ដើម្បីបង្ការទប់ស្កាត់ពីជំងឺឆ្លង កូវីដ-១៩។
ប្រភពបន្តថា កម្លាំងកងរាជអាវុធហត្ថរាជធានីភ្នំពេញ ក៏ដូចជាកម្លាំងមូលដ្ឋានអាវុធហត្ថខណ្ឌទាំង១៤ បន្តចេញល្បាត ការពារ សន្តិសុខ សុវត្ថិភាព ជួយសម្រួលចរាចរណ៍ ជូនបងប្អូនប្រជាពលរដ្ឋ នៅលើដងផ្លូវ ដែលកំពុងសម្រាន្តលង់លក់ក្នុងគេហដ្ឋាន តាមភូមិសាស្ត្រខណ្ឌរៀងៗខ្លួន ៕
អត្ថបទ៖ វិមាន
សូមចុចអាន៖ អាមេរិកផ្តល់ជំនួយ ៦០ ម៉ឺនដុល្លារបន្ថែម ឆ្លើយតបទៅនឹងគ្រោះទឹកជំនន់ នៅកម្ពុជា
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ